CAPCALERA: la botiga

Jornalet, gaseta occitana d'informacions

Dimenge, 25 de julh

Zep Armentano

Dimècres, 7.7.2021 03h00

Cronica dera mòrt der #aranésòc


Comentaris Un comentari    
Dolent Fluix Bo Molt bo Fabulós (5 vòtes)
carregant En cargament


De com er abandon der #aranésòc mos fòrce ara equipa a préner era rota logica deth jornalisme independent online

 
Es rasons pera mòrt der aranés ena gresilha fixa televisiua son variades, mès se destaque qu’ath començament deth mandat d’Ada Colau, era bailéssa tombèc er acòrd en vigor que promoiguie economicament era retolacion en aranés de musèus e contengudi culturaus, enes quaus s’includie era subtitolacion der #aranésòc, e qu’ère eth solet sosten deth projècte. Ath delà, er aranés a desapareishut des exposicions, e Betevé non se vò comprométer damb er aranés –des quaus 5 menutes setmanaus, èren, mès que mès, ua quota simbolica, era soleta en airau de Barcelona.
 

 
 

Era notícia a estat mediatica e a arribat ara esfèra Twitter, a on Elsa Artadi prometec auçar era votz ena defensa deth programa, mès ara ora dera vertat decidic parlar dera ampliacion der aeropòrt de Barcelona e deth Pride, en vam mès populista e capitalista de Junts Pel Sí. Nosati auem retengut era notícia, dues setmanes des dera promesa, tà dar-le ua oportunitat. Sorrolh de grilhs e paraules voides.
 
Hònt:

 
En Eth Ligam èm especiaument decebudi e mos planhem per çò qu’ère eth nòste principau collaborador. Totun, hè tres ans, pendent jo èra camarograf, proposèrem ara ADÒC es vidèos carradi d’Eth Ligam coma ua sòrta de transicion ath digitau en tot arreconéisher que, ara còlha deth programa de television, era shiena ja non mos balhaue atencion e era illusion auie escampat.
 
Sospitàuem qu’auíem ua mòrt anonciada enes mans. Per exemple, dempús d’ans de melhoraments tecnologics, quan es auti programes èren en HD, mos auíen limitat era qualitat de vidèo ara des televisors catodics (576i), damb es sòns distintius dents de sèrra. Er aute hèt sensible siguèc que non mos assabentauen cap viatge qu’es audiéncies deth programa destacauen ena cadea.
 
Atau EthLO balhe un dusau montatge sintetic e desirablament quinzeau de çò que se passaue ena emerotèca deth programa damb un encaish pròpri. Lèu arrecebérem era arreconeishença dera Generalitat.
 
Èm escampilhadi en Facebook, Twitter, e YouTube, d’ua part pera vocacion publica de mantier-mos accessibles, mès açò mos rebaishe es chifres e sospiti que mos hè a pérder visites. Èm encara luenh de hèr un supersuccès coma es de France 3, mès auem esperit de servici e desir de contunhar partejant era cultura, era musica, es problematiques. Tostemp arrecomanam recorsi online enes descripcions des nòsti vidèos. Gràcies ar entosiasme deth projècte, EthLO portèc que bastiguèssem un taulèr virtuau de libres en 2020 e qu’amièrem era exposicion sus er aranés tara Universitat de Barcelona en 2021.
 
Me shautarie díder qu’Eth Ligam ei un projècte transmèdia, mès non preten sonque focalizar e reviscolar era atencion pera òbra der #aranésòc e era ADÒC. Tot solet, eth Ligam pren ua forma desconeishuda. Voleria saber qué valorize era gent. Grani documentaris ar estil de Bogre? Reportatges de 5 menutes, notícies braques de 2 minutes? Mos auançam a passar tath vidèo verticau? Quina ei era formula ganhanta?







abonar los amics de Jornalet

 

 



publicitat
BANNER1 - AMICS DE JORNALET 07/21



Comentaris

7 de julh 09.57h

Creo que cal far segon la motivacion de subjèctes que t'interèssan, perqué l'enveia remplaçarà jamai lo dever.
Perqué non far de corts metratges sus tal subjècte o tala persona o tal luec?
Ai vist passar un apèl a scenari en occitan encara fa gaire. Doncas la bèstia bolega totjorn!


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Zep Armentano

Zep Armentano logo rss

Licenciat en comunicacion audiovisuau e passionat deth cinèma

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions