CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Laurenç Revèst

Dissabte, 4.3.2017 03h00

Tornar a Occitània per la consumacion... ò comprar occitan: una tendéncia novèla de consum’accion?


Comentaris Un comentari    
Dolent Fluix Bo Molt bo Fabulós (7 vòtes)
carregant En cargament


Aüra dins los mèdias se parla fòrça de comprar de produches Made in France. E dins qualques comèrcis e supermercats vegueriam ja la promocion de produches regionals. Poiriam mai parlar dal fenomèn de proximitat dals “locavòres”.

Consomar regularament ò occasionalament de produches de sa region seriá, sensa se n’avisar, consomar e defénder los produches d’Occitània?

Dins lo domèni alimentari, es una tendença que desapareishèt jamai. E la cosina es ben mediatizaa  aüra, emissions culinàrias, corses de cosina, recèrcha de produches economics e “autentics”.

Un estudi ditz que dins las annaas a venir, lo mercat dals produches regionals deuriá èstre una tendença de fons per los industrials de l’agroalimentari coma per los espleitants agricòles e en fin de chaena per los distributors.

Segon la sason, serà clar que se manjarà de produches de sason. Manjar de maiossa (fraga) d’ivèrn, serà ren dins aquel esperit donca.

Aquela tendença a un nom, se parla de “locavòres” aquelos consomators ecoresponsables. Los mai ardents còmpran e manjan que de produches locals e de sason. N’i a quitament d’autres qu’an mes la barra a 160km coma limit de distança devèrs lor sieta.

Naissut a San Francisco lo diccionari New Oxford Dictionnary en 2008 l’integrèt coma mot novèl e los mèdias se’n fan volentier resson. En Occitània, lo fenomèn se mediatizèt per internet, amb una multitud de blògs e de grops sus las rets socialas. Cal citar los succeses de l’Associacion per lo Manten d’una Agricultura Paisana (AMAP) qu’a mai de 250 000 sòcis.

De fach, avans tot lo monde èra locavòr, qu’anava far sas còmpras al mercat e/o que plantava a l’òrt fruchas e legumes.

Alora se fasem un parangon (parallèl) amb la lenga e la cultura occitana, se conectar al país serà benlèu mai de mòda dins lo futur!

Per un labèl interregional occitan : Made in Occitània -  Produch d'Occitània (de Mentan a Baiona e de Montluçon a Pòrt Leucata, un "Labèl Òc" a jorn, larg e mai ample)! 
 
 


abonar los amics de Jornalet



publicitat
BANER1-2-3: DGPL AN LAFONT



Comentaris

4 de març 14.41h

A Auchan, Balma, suls vins i a un panèl en occitan amb "Fabricat aquí".
Pensi tanben als yahorts de Tarn aplelats "la vache occitane".
Me sembla tanben que le grop Bolegadís es a trobar quicòm dins l'estil.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions