CAPÇALERA2: AMICS DE JORNALET

Jornalet, gaseta occitana d'informacions

Dissabte, 20 de genièr

Laurenç Revèst

Dijòus, 4.1.2018 03h00

Occitanitat, coma una botelha sus la mar d'internet


Comentaris 8 comentaris    
Dolent Fluix Bo Molt bo Fabulós (8 vòtes)
carregant En cargament


Escrivem en occitan, laisham traça, testimoniam, provam d’entreveire lo futur. Nòstra occitanitat modèrna gràcias a internet[1], nos assegura una preséncia. Mas cu nos veirà per enfin dire, l’occitan es accessible e respectable? E melhor qu’aiçò, cu nos dirà, es interessant çò que se fa, vau far coma vos?
 
Coma lo public grand pòt aver accès als arguments occitanistas?
 
Penso a de monde que sènton l’interès per sostenir la lenga occitana, mas que l’explican coma pòlon, fàcia a un ben pensier que provesisse totes los arguments dins los mèdias de massa que chal trobar de temps de reflexion per anar li far còntra. 
 
Avèm cadun nòstra vita, lo trin dal trabalh, de maison... L’avantatge d’internet es que permete de consultar quora volèm, a la velocitat que volèm, las causas.
 
Se picatz occitan sus Google trends https://www.google.fr/trends/explore - q=occitan per veire l’interès portat a l’occitan sus internet, aprendretz de causas sus los païses de consultacion, eça.



 
Avèm pas d’estat per poler se servir de referéncia de dignitat dins una discussion. Lo val d’Aran es ren pron conoishut per sa practica normala de l’occitan dins la vita publica (societat, legislacion), mas es ja melhor que ren.
 
Complèx francés d’aver paur de far de dèchas o d’èstre curiós? Sovent ai l’impression que lo mond es gaire curiós. Quora un decide per vos, avètz una charja de reflexion de mens. Vòstre espaci de pensaia es reduch a çò qu’estimatz essencial. Estre curiós es un biais d’apréner. Al mens internet permete una relativa diminucion de l’inibicion.
 
Dins los sistèmas autoritaris, o las religions a l'extrèma, l’individú a ges besonh de carcular, lo sistèma pensa per el. Es una facilitat, vos ditz çò que chal pensar, manjar, coma devètz vos vestir o quitament amb cu e coma devètz aver de relacions. 
 
Quora èro pichin, ma maire me passava sovent aquela música de l’occitan d’expression francesa Brassens. Trobavo ja original que se pronóncie BrassEns e non “Brassan” a la francesa. E Lo Cavalet [Le Petit Cheval]. Aquela chançon m’inspirava lo coratge e la solesa. Solitud d’aquel qu’a la fòrça de far avans e oportunisme d’aquelos que sègon darrier.
 
A 5 ans, èra ja una leiçon de vita d’escotar aquel chant. Internet es un pauc tanben una aisina de descubèrta d’occitanitat.
 
Espèro qu’aquel chamin, tan que l’informacion en occitan vira, permetrà a de novèls d’escriure e parlar occitan.
 
  

 
[1] Per anecdòta, longtemps m’agradèt de far servir aquel neologisme personal “interret”, per occitanizar e donar de sens al nom "internet". 





abonar los amics de Jornalet



publicitat



Comentaris

7 de genièr 03.15h

#7 Se non vòs parlar de colonisacion, dilhèu reconeisharà totun ua dominacion o un apodirament ?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

6 de genièr 10.36h

Franca que s'ei pastada, soen ena dolor, en ua Istoèrea deras longas, que no tornarà cap passar eths plats : romegar "Montsegur" no nos fè cap avançar, que nos avem d'a fèr enténe, mes en reconeishent qu'avem duas identitats, qu'en realitat e non pas en sauneis qu'èm encòp francesi e gascons, o bretons, o alsacians, eca...Tota era vida qu'è ENSENHAT eth francés, qu'aimi eth francés, eths escrivans francesi, eca..., en tot fèr tindar cada dia eth mièu gascon pirinenc orientau , eth ... Legir la seguida


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

5 de genièr 20.13h

#4 sètz oxidats? Oksitanlaştıramadıklarımızdanmısınız


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 de genièr 14.47h

#4 de per ela, la làmia lor ditz qu'es venguda vegetariana, Cf. lo film "Nemo"! Si si, remember!


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 de genièr 10.45h

http://hpics.li/0562477


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

4 de genièr 22.02h

Seriá interessant de sàber l'impact sus las consultacions despuèi l'apellacion controversada de la novèlla region Occitanie. A l'exemple de mos familiars d'Occitània e d'en defòra, sembla qu'aquò sia una reconeisséncia e/o una descobèrta d'una realitat geografica e mai d'una lenga.
Es l'oportunitat d'enriquir notadament Wikipedia, amb fòrça ligams.
D'un autre biais, cal soslinhar le genial supòrt qu'oufre Jornalet a l'actualitat e la modernitat de l'occitan.
Seriá interessant de s... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

4 de genièr 12.54h

A jo, arrehilh d'ua gascona vienuda ganhà's la vita a Paris, estant pravat acerà haut, internet que'm permetó de recobrar aquera lenca deishada de duas generacions ençà. Adara que soi jo qui la hèi vìver a casa qüan m'esvagui au vilatge deus mens davancèrs. L'aute dia, un cosin men dont lo pair s'exprimeish mei que mei en biarnés mes qui ne podò pas l'apréner a de bons qu'estó tot urós d'escambiar lo petit gascon estròs qui s'ei gahat atau, a la volada. La mair-grana con.hessa d... Legir la seguida


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

4 de genièr 10.05h

2018 sera l'annada ente l'identitat de Franca sera pausada. Un còp que Franca a dich "ses frances". A pus ren a dire. E son identitat quò es Montségur. Una conquesta militaria = francisacion daus occitans; una conquesta religiosa = inquisicion. Aquela equacion a totjorn estat la marca de fabrica de Franca per las autras regions mas per totas las colonias. Franca = intolerança.
L'òm tornara trobar la cultura arabo-berbèra e l'òm se rendra compte qu'i avia mai de tolerença, una cultura ta... Legir la seguida


Valora aquest comentari:   votar positiu 7   votar negatiu 5
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions