CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Laurenç Revèst

Dimècres, 23.8.2017 03h00

Istòria de l'Orsa meana


Comentaris Un comentari    
Dolent Fluix Bo Molt bo Fabulós (4 vòtes)
carregant En cargament


Tonynetone




Àudios (MP3, 2' 33'')

Escolta audio


Etiquetas
estèla, filanta, Gavotina, Legenda, Ongran, Pelha, Revèst

Istòria reculhia dins la valaia d'Erbociera (toponim gardat quasi tal coma aüra: Erbossiera) 
 
 
Es una istòria que mi foguèt cuntaia ar sorelh tracolant, fàcia ar castèl d’Ongran, entre Pelha e L’Escarea, sus o camin de Gasolh. Un sera d’estiu d’estèlai filantai.
 
I èra una estèla sonaia l’Orsa miana. Perdèt sa familha e se demandèt coma i trobar.
 
Demandèt a una estèla vesina que li diguèt: “As que de seguir as estèlai e d’avançar”.
 
Alora se metèt en camin per i cercar.
Èra qu’una paura pichina estèla ar mitan d’aquel imèns espaci. Amb a sieu pichina votz de pichina estèla demandèt o sieu camin a d’estèlai, qu’èran ben mai gròssai qu’ela.
 
Li diguèron amb lor gròssa votz d’estèlai gròssai: “Sès sus o bòn camin. Contunha drecha, fila”.
 
Cerquèt e avia totjorn mai l’imensitat de l’espaci davansh ela. A fòrça de filar, èra aüra una bèla estèla filanta. Mas o temps passava.
 
A un moment o sorelh se levèt. Dar còup totai as estèlas desapareissèron e l’estèla pichina se trobèt ancara mai soreta. Èra una estèla impausanta, que senhoreava.
Trantalhèt, timidòta, mas après un moment, se decidèt de demandar amb a sieu pichina votz d’estèla pichina ar sorelh gran: “Sorelh, mi voiries ben indicar o camin per trobar i mieus parents, per plasir??”
 
O sorelh qu’èra ben brau, li respondèt: “D’acòrdi, ti vau ajuar”.
 
Vau m’arrestar de far lutz un pichin moment per qu’aguèsses o temps de trobar i parents.
 
Alora l’estèla pichina tornèt trobar o cèl estelat e o camin.
E alora rescontrèt una autra estèla que li diguèt: “As ben fach de contunhar a tieu quista. Vaicí i tieus parents”.
 
E tornèt trobar a sieu plaça, entre l’Orsa grana e l’Orsa pichina. S’agaches ben, de sera, que sès ben pacient, i serà sempre quarqu’un per t’ajuar per trobar a tieu bòna estèla.
 
E cric e crac, o castèl d’Ongran es estelat.
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

25 d'agost 20.20h

Òsca!
Es un conte a dire als effants de vespre jotz de cels estelats, per transmetre lo parlar e la sia magia..
Cal aprofechar de las nuèches d'estiu...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions