CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Laurenç Revèst

Dissabte, 31.12.2016 03h00

"Charriera" das Maschas


Comentaris Pas cap de comentari    
Dolent Fluix Bo Molt bo Fabulós (5 vòtes)
carregant En cargament


Cònte dau guilhestrés

Dins la montanha entre Guilhèstra e Aigliers, en Daufinat occitan, s'atròba un pas estrech nomenat la charriera das Maschas. Dins lo temps, la montanha se trenchèt en dos coma per magia e faguèt aquel endrech...

 

Èra mau famat per los lumes estranges qu'i lusissián de nuech. E mai las parets fasián resson de voses misteriosas que s'exprimissián en lenga nòstra mas amb de mots magics. Aquesta charriera èra reputaa per i veire de mascs s'i escondre... Se ditz qu'a la nuech de Chalendas, au premier còp de mieianuech, la ròcha se dubriá sus una barma emplia d'aur per se refermar au dotzen còp.

 

Una aiglierona venia de perdre son òme, mòrt as Americas qu'i èra anat quérrer fortuna, coma los de Barcelona. Una vielha de Montdaufin li diguèt un jorn de merchat qu'aviá perdut una chabra ailí e que la laissèt perqué aviá paur de s'i trobar soreta de nuech. E li contèt l'istòria.

 

Sens argent, la femna amb son enfant en los braces, se'n anèt de nuech lo 25 de decembre a aquel endrech. La barma se dubrèt mas, lo temps d'anar quérrer una gòrba, la barma se barrèt, emprisonant l'enfant. Desesperaa, tornèt chasque ser, mas poguèt pas tornar trobar son tresaur verai, son filh. E chasque ser tornava.

 

Mas, per Chalendas d'après: l'enfant èra aicí, que l'esperava tranquil e assetat sus una cucha d'aur... Pus jamai foguèt a mancar de ren.

 

E cric e crac, lo cònte es escotat e la charriera as passat.

 



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL AN LAFONT



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions