CAPÇALERA: CALANDRETA
CAPÇALERA2: FAI-TE SOCI

Jornalet, gaseta occitana d'informacions

Dijòus, 17 de genièr

Laurenç Revèst

Dijòus, 27.12.2018 03h00

Lei richessas de La Palud fan venir lo mond fòl


Comentaris Un comentari    
Dolent Fluix Bo Molt bo Fabulós (2 vòtes)
carregant En cargament


Cònte de La Palud de Verdon
 
De sovent dins l’environ, se diguèt que La Palud (nom francizat en La Palud-sur-Verdon) èra richa. Richa de sei mesteiraus, de sei sauprefaires, de sei bens. Alora quasi tostemps creèt de gelosiás e de temptativas de s’apoderar çò qu’èra sieu.
 
Vos vau contar quauqueis unas deis aventuras qu’aguèron de patir aquí...

 

 



Lo fargaire d’aur de La Palud
 
Un fabre-armadurier, a mai de son òbra, faiá de transmutacion de ferre en aur. Jamai diguèt lo secret, exceptat qu’una nuech d’estiu, qu’aviá entredubert l’obrador, un joine l’observèt e se’n fuguèt o dire a son paire, lo daururier dau vilatge. Li faiá concurréncia...
 
La nòva s’espandiguèt, lèu fins ais aurelhas dau Parlament de Provença e quitament dau rei de París.
 
Se faguèt convidar quant e quant per anar a la cort de París. Mas vouguèt pas quitar son vilatge. Lei sordats dau rei deguèron lo far prisonier per lo menar au rei. Lo rei lo reçaupèt e l’amadoèt per fin qu’opère davans d’èu, mas o faguèt pas a cauva dei marrits tractaments dei sordats. Lo rei, deçauput, lo laissèt liure. Estonèt tot lo monde.
 
Mas un de sei ministres, conoissent l’afaire, l’emprisonèt e li prepausèt de li fisar lo secret en escambi de la libertat. Moriguèt en preson amb lo secret. Jamai cedèt.
 
La Palud es totjorn estat un vilatge que faiá enveja. Per l’aur dau fabre o d’autrei richessas supausadas. Alora de lònga lei senhors de Trigança, vouguèron atacar leis estatjants de La Palud. Sensa succés. Alora aurián pensat a passar lo bauç daus Escalets, endrech que la barra de ròca es la mai bassa. Ajudats de tròçs de bois ficats dins la ròca, aurián capitat de passar e ne’n resta aüra lo nom “ leis escalets” (retranscrich en francés “les Escalès”, amb -s finala prononciada, traça d’arcaïsme degut a la reculada dau vivaroaupenc).

 

 
 
 


abonar los amics de Jornalet



publicitat
BANER1: IEA-AALO



Comentaris

27 de decembre 14.01h

se'n f̶o̶g̶u̶è̶t (èsser) > fugiguèt (fugir) o dire a son paire. Non ???


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions