CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimenge, 22 d'octòbre

Laurenç Revèst

Dissabte, 23.9.2017 03h00

Occitans e economia (VI): qualques entrepreneires urbans (non occitanistas)


Comentaris 10 comentaris    
Dolent Fluix Bo Molt bo Fabulós (3 vòtes)
carregant En cargament


Per aquesta part, volèm parlar de marcas emblematicas regionalas, qu'existan totjorn uèi. Son totas estadas fondadas a Bordèu o Marselha. Coma anam benlèu pas far totas las ciutats occitanas, veguèm aquelas doas vilas. La primièra ciutat d'Occitània e una autra granda ciutat regionala.
 
​​​​​​
 
Marselha:
 

— La banca familiala Martin Maurel fondada en 1825 egalament proprietària del domèni viticòl varés Château-d'Astros. Despuèi 2017 es fonduda dins Rothschild & Co. Lo sèti de la branca Martin Maurel es a Marselha, mas per quant de temps encara? 
 
— Richardson a la tèsta del grop de forniduras de plombariá fondada en 1855. https://www.richardson.fr
La familha es totjorn a la tèsta de l'entrepresa. Son sèti social es (totjorn per fortuna) a Marselha. 
 
— Los parents de Paul Daher arriban a Marselha dins lo sègle 19. Aquels negociants de lana e de coton venon d'Alep per fugir las persecucions otomanas devèrs los arabis crestians. Van desvolopar una giganta entrepresa de logistica. L'actual President de l'entrepresa a promés de conservar lo sèti social a Marselha. Mas son sèti operacional ven de partir en region parisenca, a Wissous...
 
— La familha Lecat a la tèsta de Delta asseguranças despuèi 1920. Son sèti social es a Marselha. Http://www.delta-assurances.fr 
 
— Brousse, devengut Brousse-Vergez a una istòria que comença en 1928 (a l'origina una entrepresa bordalesa fondada en 1824, coma qué!). Devenguèt una entreprisa de negòci de fruchas en consèrva per la pastissariá e de fruchas secas per la granda distribucion realizant 26 millions d'euros de cifre d'afars. Son sèti social es a Marselha. http://www.brousse-vergez.com/fr/societe/histoire
 
— Vidil, après la desaparicion dels Fraissinet, Fabre o Paquet, es lo darnier armator marselhés familial independent. Es una entrepresa fondada en debut de 1950. Son sèti social es a Marselha. 


 
 Bordèu:

Vinaigre Tête Noire, al sègle 18, un monge escaisnomenat "Tèsta negra" vendiá son vinagre e èra talament famós que sa reputacion devenguèt granda. Ara son sèti de produccion es a Prigond Riu en Perigòrd. 
 
— Marie Brizard naissuda en 1714 devenguèt famosa a Bordèu èra la filha de Pierre Brizard botaire e aigardentier.
La legenda ditz que lo secret de fabricacion ven d'un elixir per curar ben de mals fisat per un paure esclau negre errant sus lo pòrt e que Marie secorrèt e curèt. Lo grop foguèt comprat per un autre grop que recuperèt aquest nom devengut ara Marie Brizard Wine & Spirits. Despuèi 2008, lo sèti social de l'entrepresa a partit en region parisenca, a Ivry-sur-Seine. Mas las activitats de Recèrca e Desvelopament del grop son a Larmont, pròche Bordèu. 
 
— Jock, entrepresa lachièra fondada en 1938 per Raymond Boulesque. Es un emblema d'una entrepresa bordalesa e familiala que garda una volentat de proximitat amb los consomators. http://www.jock.fr
 
— Cacolac, bevenda lachada de cacao creada en 1954 per l'entrepresa eponim implantada despuèi l'an 2000 a Leunhan. Fa son caminet e de notar que los descendents dels fondators recuperèron de parts de l'entrepresa per aver tornamai la man de l'entrepresa. http://cacolac.fr



 Tan d'entrepresas coma d'autras presentas e emplegant de mond dins lo territòri occitan. Poiriam somiar un jorn que valorizèsson l'occitan, la lenga del país que la màger part del mond fa coma se foguèsse inexistenta, dins lor comunicacion! Seriá un còp de publicitat mai qu'original. Innovant. La lenga aparten a totes, non!? 


abonar los amics de Jornalet
 



publicitat



Comentaris

1 d'octòbre 09.00h

#9 L'espaci de comercialisacion condiciona la lenga de comunicacion e recipròcament.
L'economia locala occitana es francizada e la question de l'interès d'i ajustar l'occitan se pausa.
Qual seriá l'impacte comercial de l'occitan?
- Valorizant, çò es vendeire,
- Penalizant,
- Neutre, çò es redondant d'amb lo francés.

La rescòntra de dimercres al cafè occitan ne dirà benlèu quicòm...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

29 de setembre 21.02h

#8 L'estanquet Les Colonnes de Pompinhan (Gard) aculhirà un còp mai lo cafè occitan aquel dimècres 4 d'octòbre. Lo tèma causit es « La vinha e lo vin ». Louis Julian serà lo convidat e contarà son istòria. Cossí dins las annadas 70, a tornat prene l'espleitacion familiala quand lo bio n'èra pas encara prèissa en cò dels vinhairons. Ara, crèa un vin sens sulfit que n'a pas cercat a estampilhar AOC. Son vin se beu pertot dins lo mond, coma au Japon.

Louis Julian escambiarà amb u... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

27 de setembre 14.01h

Cal saludar aquela tièra d'articles sus d'entrepreneires d'Occitània, qu'an despassat los limits de son espaci identitari e de sos parlars regionals, e qu'an aprofiechat la dubertura òuferta per França e la lenga francesa. I a pas cap d'entrepreneires occitanistas per vènder pichon-mercat amb un personal charrant patés. A desparts los fenhants locals e qualques trobadors atardats, tot lo monde reconéis lo benefici material portat per la modernitat francesa.
L'occitanisme es una vision e... Legir la seguida


Valora aquest comentari:   votar positiu 0   votar negatiu 3
Respondre comentari replica Comentari inadequat   Formulari d'abús de comentari

26 de setembre 17.51h

#6 l'UE es un principi de concurréncia liura e non-falsada entre los pòbles per entrepresas interpausadas.


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

26 de setembre 13.36h

#5 e l'energia non?
La sobeiranetat energetica existís coma concèpt


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

25 de setembre 23.17h

#4 Los cantièrs navals son un sector estrategic de la soberanetat militar.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

25 de setembre 22.25h

#3 es l'estat que crea lo mercat-nacion. Pensatz als brams devèrs Fincantieri quora comprèron de chantiers navals franceses.
Mas los italians repotègan pas quora Leclerc compra Conad, o EDF pren de parts en Itàlia.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

25 de setembre 22.06h

L'entrepresa coneis pas de territòris nimai de pòbles, sonque de mercats.
I a pas avut jamai de mercat occitan, geolingüisticament parlant, levat de mercats locals en patés.
La comunicacion comerciala en occitan? S'aquò fa vènder mai, rai!


Valora aquest comentari:   votar positiu 0   votar negatiu 3
Respondre comentari replica Comentari inadequat   Formulari d'abús de comentari

23 de setembre 09.40h

Sus la genealogia Brizard, véser : http://www.gasconha.com/spip.php?article1179


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

23 de setembre 06.40h

En economia, l'entrepresa òbra sus un mercat mai o mens larg, que condiciona la(s) lenga(s) de comunicacion comerciala. Uèi, lo mercat de lenga occitana es pas una realitat comerciala,
A mens que l'occitan sia un signe de produccion locala; pensi al produches terradors, per exemple lo vin, lo fromatge...aquò es benlèu un aiss practic d'accion occitanista... Cal propausar, cadun de son costat..
E, publicitat a gràtis sus Jornalet?


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions