CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 16 de julh

Laurenç Revèst

Dijòus, 28.2.2019 03h00

L'occitanitat eissubliaia o escondüa o gaire visibla? (1)


Comentaris Pas cap de comentari    
Dolent Fluix Bo Molt bo Fabulós (3 vòtes)
carregant En cargament


Jausep Grouès, pastre de Folhosa anava fins a Lion per vendre la lana de son escabòt. Son filh, Antoine Grouès esposa una frema originària de Tarare, e dònan naissença a Henri Grouès, que va devenir lo futur Abat Peire
© Studio Harcourt




Etiquetas
Grouès, illustre, occitanitat, Revèst

O de familhas que van quitar Occitània: partir per viure, capitar, èstre reconoissut. A Lion, París o autra part.
 
 
— Una personalitat longtemps presaia dals franceses, es de familha d’origina occitana vivaroalpencha. Òc. Anatz veire
 
Felip Martel ditz dals ubaiencs, escaisnomenats los valeians: “Qu’an un rapòrt elastic amb Ubaia”.
 
Se sap que malastrosament l’elastic es gaire conoissut. 
 
Anam vos mostrar de fils d’origina de filhs e filha que son de familha originaris d’Occitània. 
 
“Grouès”, version francizaia de Gròs (ambal diftong ancian d'ò en [we] present fins a Entrevaus, Gros, atestat en 1297 a St Paul, e coma tot l'annuari de St Paul i es ja, F. MARTEL pensa qu'es aquò). Es un patronim de Maurin, L’Archa, Folhosa, e Barcilona. 
 
Fins al 1905 un dals molins d’aiga de Folhosa èra tengut per la familha Grouès dicha Bepet (diminutiu de Jausepet). 
 
Jausep Grouès, pastre de Folhosa anava fins a Lion per vendre la lana de son escabòt. Deven drapier e vendeire de teissuts e i està. 
 
Son filh, Antoine Grouès esposa una frema originària de Tarare, e dònan naissença a Henri Grouès, que va devenir lo futur Abat Peire. 
i es una segonda Grouès famosa, cosina dal precedent: Mma Bessarabo, una ilustra criminala de l'entre doas guèrras...
 
Un exemple de mai de l’espaci nòrd occitan qu’es periferizat per lo nòrd de França. Coma los mestres muraors de Lemosin partits devèrs París, e lors enfants arrestats en camin qu’an laissat lors patronimes sus aquel percors (cf. de mapas dal libre “L’invention de la France” o mòstran ben). Los vendeires de charbon o teneires de begüas d’Alvèrnhe a París, los bonhats. E lo nòrd de Gavotina que de monde an partit a Lion. Citam per Tiniá los patronims Brun partits de Sant Estève de’n Tiniá, Loquès de Doanç, Issautier de Sant Dalmaç lo Selvatge. Las regions de Champsaur e Trièvas parier devèrs Granòble. Los dos departaments de Droma e Ardescha son totjorn periferizats per Lion amb de residéncias segondàrias, per lor plaça dins l’actuala region administrativa. 
 
Se ditz que fan una part de l’eleit lionés coma lo cònsol de Lion Gerard Colomb o Jack Queyranne, sensa verificacions fachas. 
 
Referéncias:
Abbé Pierre sus wikipedia (ges de pàgina en occitan e encara mens en occitan vivaroalpenc...) 
Sant Pau d'Ubaia sus wikipedia en francés
Vallon de Maurin amb lo Beal de la Gavia (gave, gaveràs) 
Folhosa (masatge de Sant Pau d'Ubaia)
 
 
— Una autra personalitat es de familha d’origina occitana gascona, de Sent Andrieu de Cubzac.
 
Daniel Cousteau, avocat internacional esposa Elizabeth que los parents avian una farmacia a Sent Andrieu de Cubzac. I naissèt Jacques-Yves Cousteau, que la maire volia gardar lo ligam simbolic amb son vilatge, quitament se demoravan la màger part dal temps a París. 
 
Las exploracions de Cousteau son conoissüas dins lo monde. Es mai en Occitània, a Marselha, que li ven la passion de la mar. 
 
 
— Poèm citar parier lo costat mairal de Simona Signoret, de Marselha.
 
 
 


abonar los amics de Jornalet



publicitat
BANER1-2-3: DGPL DICTADES



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions