Bandièra01 1180x150: Comuna de Tolosa

Opinion

Occitans e economia (VII): Miquèu Pasha

Miquèu de Pueiredond, escaisnomenat Miquèu PASHA, e sa segonda esposa Joana Déprat
Miquèu de Pueiredond, escaisnomenat Miquèu PASHA, e sa segonda esposa Joana Déprat
Laurenç Revèst

Laurenç Revèst

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

Mai d’informacions
Marius Miquèu (Michel), còmte Miquèu de Pueiredond (Pierredon) escaisnomenat Miquèu PASHA a naissut en 1819 a Sant Nari e a defuntat a La Seina (La Sanha) en 1907 es un marin e òme d’afars provençau.
 
A installat e modernizat lei fars e balisas d’una granda part dei còstas de l’Empèri otoman.
 
Oficier de marina au servici dei batèus-pòstas desservant l’Orient Pròche, sa conoissença dei rotas maritimas li inspira un projet remarcat d’esclaratge dei còstas dei ribas de Mediterranèa orientala.
 
En 1855, lo Sultan lo nomena Director de l’administracion dei fars de l’Empèri otoman puèi obten en 1860 la concession, via la societat Collas et Michel, aguent per objèct la construccien e l’expleitacien dei fars “creats o de crear” dins l’Empèri otoman sota la denominacion Administracien generala dei Fars de l’Empèri otoman.
 
Mai d’una centena de fuecs son installats de la Mar negra fins a Mediterranèa e investisse dins la modernizacien dau pòrt de Constantinòple. En 1879, es guierdonat dau reng de Pasha. A alora la concessien dei cais de la Còrna d’Aur e crea en 1891 la Societat dei cais, dòcs e entrepaus de Constantinòple.
 
Sabèm pas se parlava occitan provençau. Mas es possible, subretot dins lo mitan dei marins, quora se conoisse l’usatge encara de la Lingua franca ambals occitanismes importants dintre.
 
En Provença, va modernizar son vilatge natau, Sant Nari e transfòrma La Seina en estacien balnària de mòda.
 
Devengut ric, se fa bastir un ostalàs que ne’n rèsta lo pargue ara.
 
 
 
 
Referenças:  
 
 



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mc M
2.

Miqueu "Pachà" mai precisament en occitan, per servar la prononciacion orginala ("bajá/pachá" en castelhan, "baixà/paixà" en catalan, "pascià" en italian).

Un òme que metèt en aplicacion lei leiçons donadas per la cançon "s'èri Turc", de Victor Gelu. ;)
La cornissa de la Sanha pòrta son nom.

  • 2
  • 0
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
1.

Istòria plan coneigut pels turcs

Cal apondre çaquelà que Michel Paşa trabalhèc en consòrtia amb’un Bordalés Camille Colas armator. En 1855 fuguèc nomenat director dels faras e balisas de l’Empiri Ottoman e s’establiguèc entà istanbul. Son ostal es lo restaurant Cezayir….

https://www.google.com.tr/maps/@41.0318657,28.97941,3a,75y,90t/data=!3m7!1e2!3m5!1sAF1QipO1iWzIYv1cfxlDvU8tMZMETjoLpjfnHkAmFOa5!2e10!6shttps:%2F%2Flh5.googleusercontent.com%2Fp%2FAF1QipO1iWzIYv1cfxlDvU8tMZMETjoLpjfnHkAmFOa5%3Dw90-h90-n-k-no!7i3264!8i2448?hl=fr

Los faras de Ahir Kapı e de Fenerbahçe Fuguèron quilhats jos l’aflat de Michel Paşa.

Lo Sultan Abdülhamid II li balhèc en carga un autre projecte ,lo de bastir un pòrt modern entà Istanbul.
En 1879 fuguèc promolgut al grad suprem de Paşa, fuguèc tanben decorat del grand cordon de l’òrdre de la « Mecidiye » puèi de l’òrdre de l’ »Osmaniye ».

Lo projecte acabat, Michel Paşa tornèc ençò seu e una partida de sa fortuna amassada fuguèc consagrada a tornar far un pichon « Bosphore » à Tamarís còsta Tolon.
Faguèc bastir lo castel de Manteau, Un casinò e un seissentenat d’ostals d’estil Ottoman. La villà « des mimosas ».
Sabi pas se parlava provençau, mas devia parlar un bocin turc « gözünüz aydın Michel Paşa » Felicitacions !

De qual se remembre de Michel Paşa auèi a Tamarís : Degun.

Lo titòl de Paşa es un titòl onorific balhat per lo Sultan, I avia una ierarquia de Paşa, a una, doas, tres coas, es lo plan coneigut « Tuğ “, mastat al cap d’una lança ondrada d’una testa de lop.
Abans Michel Paşa i aguèc d’autres Paşa, de per tsemple « Claude Alexandre de Bonneval » nascut dins nauta vinhana, coneigut jos lo nom d'Ahmed Paşa

  • 0
  • 0

Escriu un comentari sus aqueste article