Bandièra01 1180x150: Comuna de Tolosa

Opinion

Arribaia de novèls estatjants sus la "Keutt d'Azur"

Vilanòva Lobet
Vilanòva Lobet
Laurenç Revèst

Laurenç Revèst

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

Mai d’informacions
Despí pichon, mi demando d’ont venon tan de gents per demorar en cò nòstre. E una maison amb l’òrt qu’es destrucha per remplaçar per un immòble, d’ont venon las gents?

 
1- Un recent desplegant m’a donat l’ocasion de veire un exemple. Un exemple, dificil de ne’n far una causa representativa. Mas, vaquí.
 
Lo profil de la clientela anonciat da’l promotor es: estatjants de la comuna 33%, venguts de las comunas vesinas (canton administratiu) 26%, de la region parisenca e Lion e dal departament de Ròse 33%, bèlgas 8%.
 
Senon, question de proprietat 49% compran en residéncia principala (que 37% crompan per lo primier còup). 23% son en residéncia segondària. 29% son d’investisseires. 
 
Conclusion dal papier desplegant: Una part bòna viurà doncas sus plaça.
 
 
2- Un autre cas es aquel de familha. De gents de la familha comprèron longtemps fa un apartament. Dins un immòble de qualques estancis nòu, bastit sus una proprietat d’orticultors. Quartier de la classa meana. 
 
Per i aver trevat, veguèm lo monde qu’i restavan, al moment d’aver crompat. 
 
— Plan terren, una familha de Picardia e en fàcia tostemps voïde. 
 
— Primier plan, de membres de la comunitat armeniana. En fàcia de gents dal sud, sensa saber de mai. 
 
— Segond plan, los cosins de nòrd Vauclusa e en fàcia d’alemands. 
 
— Tèrç plan, una familha d’origina bretona. Parier per aquels de’n fàcia. 
 
— Quart plan, un jove originari de la region benlèu. En fàcia, un militar que ven jamai. 
 

Ne’n tiratz las conclusions aüra. Crompar un apartament dins un immòble? Devenir promotor immobilier? Distribuïr de prospectuses dins las bóstias de cada immòble per dire “Benvenguts en Occitània: una tèrra de lenga e de cultura”? Profechar d’una fèsta dals vesins que degun i ven per far escotar a fons la musica “Se Canta” als vesins?
 
Explicar ce qu’es l’occitan e suportar la condescendéncia d’aquelos que pensan o saber tot?
 
 
 
 
 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gai Saber
5.

#4 Quand vèses lo nom e lo morre de Zemmour constatas que lo Grand Remplaçament a jà començat.

  • 18
  • 2
Pierre Terral
4.

Los occitans sèm sotmeses a la dobla pena :
A d’endreches, coma a Nissa, subissèm l’immigracion del Nord que fa montar los prèses e qu’empacha lo monde del país de crompar o de far bastir.
A d’autres endreches, subissèm l’immigracion del Sud, a son benefici los elegits destruíson l’abitat tradicional (ostalons e òrts) per bastir de « logements sociaux » e favorisar la « mixité sociale» (en réalitat una mixitat etnica ... provisòria). Los que pòdon fugísson l’insecuritat e s’en van, mas coma los prèses bàissan es pas mai possible per totes de vendre e de crompar quicòm d’equivalent endacòm mai, cal donc demorar e subir.
Dins totes los cases la disparicion programada de nòstra cultura o de çò que ne demòra.

  • 4
  • 21
Ernesto ges Guevara
3.

*de'n fàcia > d'en fàcia (coma per d'en primièr / d'en segond)

  • 3
  • 1
Rei Bèthvéder Sent Lis
2.

Article qu'a lo meriti de mostrar la realitat. L'occitanisme ne parla pas pro d'aquestas questions.

  • 20
  • 0
V per Vendetta
1.

E encara, aquò parla sonque de l'origina tant vairabla dels abitants del país niçard : non parla pas del còst del m2 abitable. Los qu'avián un salari de basa per un trabalh ordinari fa trenta ans podián crompar un apartament dins aqueles immòbles. Ara, sense eiretar de degun, sonque amb lor trabalh, lor es vengut impensable. Aital tanben, d'abitant niçards son pregats de s'anar far veire endacòm mai… sempre mai luènh per las montanhas…

  • 22
  • 0

Escriu un comentari sus aqueste article