Bandièra01 1180x150: Comuna de Tolosa

Opinion

Per de BDs en occitan, e d'eròis occitans tanben

Laurenç Revèst

Laurenç Revèst

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

Mai d’informacions
Lo sector de la bd es un sector popular. L’occitanisme a relativament pauc investit aquel biais creatiu despuèi las annaas 1970. Citam lo comic a la niçarda amb Sauvaigo, Guiu Pelhon, Reno... vengut pron celèbre. "L’Estraça" revista trimestriala, Comitat niçard d'estudis occitans (C.N.E.O.) 1971-1974, 1978-1979. "La Ratapinhata Nòva" (3rça seria), revista trimestriala, associacion Lu Segurans 1976-1979 e "La Ratapinhata Nòva" (4rta seria) revista trimestriala, Segurans 1986-1989. 

Lo fanzine mens recordat aüra "Païs provençau, lo pichon jornau dei vilatges dau Var" mesadier. 11 numèros publicats de septembre dal 1978 a l'auton dal 1979 e que fasia una bòna plaça a la BD menat per Miquèu Casanova a Tolon.
Après fusion amb  "L'estrassa" a l'invern dal 1979, venguèt trimestrau sota lo nom de "L'estrassa,  Païs provençau"  (N° 17 a 28, darrier N° en lo 1982).  Lo fanzine a totjorn fach une larga plaça a la BD (Remy, Filipandré .... e d'autres sota d'escaisnoms). Se pòt dire que "parlava" a la jovença talament ben qu'avia mai de 500 abonats.
Consultar Bernard TABUCE "A la découverte des bandes dessinées occitanes" editat per MARPOC e FEDEROP amb l'ajua  de l'universitat de Montpelhier en lo 1987.

D'iniciativas mai isolaias coma aquelas BDs de Bernat Vaton o mai localas e ironicas coma “Sup’Òc” eròi de la revista "L'Arrevista" dal Moviment Estudiant d'Occitània (MEd’Òc) de Tolosa. 

Mai recentament, l’occitanisme a provesit mai que mai de reviraias de BDs famosas: Tintin, Asterix, Gaston Lagaffe, Aimat Lacapela, Tituf, Pelut gràcias a la revista enfantina Papagai... Se tròban d’estraches sus google.
 
I aguèt qualquas reflexions coma L'univers occitan et catalan dans le monde de la BD. La conferéncia de Joan-Peire Belmon sus la question permetèt de far lo ponch particularament sus la bd en lenga nòstra cfAquò d'Aquí. Lo sector de la bd es un sector popular. Veire lo dorsier de Lo Diari.
 
L’occitanisme a relativament pauc investit aquel biais creatiu, seria ben que càmbie.
 
Perso, mi faria plasir una BD d’un eròi occitan. Los escolans s’identifican totplen amb un eròi de BD o de manga.
 
Genre, après Dr Who, Doc D’Òc?
 
 
 
abonar los amics de Jornalet
 
 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhèm Belibasta Vilarotja de Termenés
2.

#1 D'eròis occitans, non n'i a ? N'es confloa comoala la literatura nòstra. N'es confla comala la cançon de la crosada. E mai ieu, a l'ora d'ara, soi un eròi occitan, ja que coma tu, parli occitan… L'eroïse es una question d'actitud (fòrça generosa en se e donc, principialament antiliberala.

E per èsser occitan, cal parlar occitan. "Non i a cap autre camin", coma o diriá, per parlar de l'infèrn liberal, la vièlha rasclanha que governèt la Bretanha Granda dins los ans 80…

  • 7
  • 0
Papioli
1.

I a pas de BD en occitan per qu'i a pas d'eròs que pòd representat un ideal occitaniste.
Tot lo monde s'embarra dins son prat carrat, dins çò qu' a aprengut l'escòla, dins sas ideias que datan de 2000ans alaidonc qua chaldria surtir daus chamins tot traçats.
"Dins 700ans lo laurier tornara flurir" disia lo darrier catar cramat en 1322.
Quò nos mena en 2022.
A meditar!

  • 4
  • 2

Escriu un comentari sus aqueste article