Bandièra01 1180x150: Comuna de Tolosa

Opinion

Interdiccion e reculaia d'a lenga (II)

Laurenç Revèst

Laurenç Revèst

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

Mai d’informacions
Strach de collectatge d’a memòria populara dau spaci occitan vivaroalpenc (aquí Gavotina d’u Alpes Maritimes) realizat per REVEST Laurenç entre o 2000 e o 2019.
 
Aicí se passa a Gòrbs, entre Pelha e Recabruna (país mentonasc).



        
    
fffff fffff
 — Dòna P: “E, a scòra, e meme en a cort, èra sempre francés. Après quora sortiavam, fasiavam coma voliavam, è!
 
— Sénher P: Nosautres se creaviam que siguèsse una idèa dau magistre. Mas a mieu filha de ma sòrre, son magistres totei doi, m’a dich que venia de l’Estat, venia alora. De l’Estat aquela causa. ‘Na… ‘na Directiva de l’Estat èra.
 
— Dòna P: [O magistre] en francés parlava, è! Quora nos desia, quora nos rusavam, finda damb ai règuias i anava, è! Finda damb ai règuias.
 
Après, alora de còups, io non m’es arribat non aquò. Mas, i a que fasia “allez” nos fasia montar “allez au bureau!”, pui nos mandava de còups. A cadun fa(s)ia coma aquò. Nos picava.
 
Mas el un matin, non sai pas çò qu’avia dich au magistre… A passat, li a picat. E li a picat. E el s’es metut coma aquò, s’o burèl ailina e pui disia: “boche, boche!”. Perqué venia dau nòrd, ensús.
 
— Sénher P: De París è!
 
— Dòna P: Fasiam pas… Mas autrament picava. E après, quora eraviam en a carriera alhà, en o país e meme s’a piaça, o totes que parlavan en patoàs, quora sortiavam de scòra, aquelhs que se trobavan parlavan en patoàs. Nos fasia piaser a nos è ‘quò!
 
A non, el [o magistre] èra francés e francés.”
 
   

 
        
    
 

 


 










abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article