CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Laurenç Revèst

Dissabte, 5.1.2013 03h00

L’istòria dal Prat dal Lop ò los abuses d’emplegaires


Comentaris Un comentari    
Dolent Fluix Bo Molt bo Fabulós (11 vòtes)
carregant En cargament


Sénher Chafalc èra un grand proprietari de terras en faishas. Cada an logava de siaires de las valaias entorn per siar e enjarbar tot lo fen. Aviá una reputacion d’òme exigent e mai, cada an, qualques siaires despareissián de sa proprietat. Lo monde aviá ja sos problèmas e pauc se preocupàvan s’un òme s’èra eschapat d’ailí. Belèu que voliá quitar sa familha e plus tornar a maison, l’apèl de la libertat lor aviá belèu tronat en l’aurelha.
 
Ambé lo temps e la frequença de las disparicions, aquela situacion atirèt l’atencion. Un jorn, per astre un dals siaires emplegats per Sénher Chafalc fuguèt trobat mòrt dins lo riu. Èra coma atacat per una raça de lop. A flor e mesura, los siaires se malfiàvan e Sénher Chafalc aguèt de mens en mens d’emplegats. Mas los que poián ren faire autrament, continuavan d’anar demandar a trabalhar la sason d’estiu per el.
 
Mas un jorn, un siaire mai finòcho qu’aviá sentut parlar d’aquela istòria, se presentèt a l’ostal dal proprietari per demandar a trabalhar. L’òme fuguèt emplegat e faguèt son trabalh. Gaire de temps denant d’achabar l’òbra, se n’anèt demandar per sa paga al Sénher Chafalc. Li prometèt que seriá pagat un còup tot lo trabalh finit.
 
Lo siaire se malfisèt dal padron. Tornèt siar los fens. En fin de jornaia, dal temps qu’èra a siar dins lo darrier praet que restava a achabar, veguèt una mena de bestiassa que sortèt dal bòsc e li arroncèt sus, tal un lamp. Ambé gaubi, ambé son dalh, lo siaire capitèt de ferir aquela bèstia que fugiguèt.
 
Un còup lo trabalh ben achabat, de sera, anèt demandar sa paga. En li porgent son argent, l’òme apercebèt una plaia bèla sus lo braç dal Sénher. Coma aquel còup de dalh que veniá de donar a la bèstia. Lo padron entrepachat diguèt ren, l’arregracièt e s’entanèt dins maison. Despí aquel temps, los padrons qu’emplegàvan de siaires faguèron atencion als siu emplegats.



publicitat
BANER1-2-3: DGPL TRADUCTOR



Comentaris

7 de genièr 01.15h

Un brave, polit conte. Mercé!


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions