CAPÇALERA: IEA-AALO
CAPÇALERA2: IEA-AALO

Jornalet, gaseta occitana d'informacions

Diluns, 29 de novembre

Laurenç Revèst

Dijòus, 30.9.2021 03h00

Lo prètz per nos alimentar e manjar de son trabalh, exemple


Comentaris 3 comentaris    
Dolent Fluix Bo Molt bo Fabulós (8 vòtes)
carregant En cargament


RD LH




Lo prètz dal trabalh dals agricultors es largament ignorat. Lo baromètre dal suicidi d’agricultor cada tant de temps sembla un constat limite compassional mas pauc de causas son fachas. Retiraias agricòlas bassas, vitas duras. L’exòdi rural a laissat de traças e las trends, lo cash-flow, la vibe ven rarament de la campanha. Fa ren vibrar la majoritat dals joves e de la populacion. 
 
Totun, sensa elos, manjar d’ordinators o de betum, l’avèm encara ren fach mas... 
 
S’èra parlat un pauc dal prètz dal lach al nivèl de l’agricultor que se multiplicava per magia amb los intermediaris fins als supermerchats. Despí una o doas marcas son gerias per de cooperativas agricòlas de difusion estatala valorizant mai los agricultors que la distribucion. 
 
Un cosin nòta despí d’ans la produccion, los prèses dal blat e de la farina. Val tot un discors. 
 
En 1957 un ectara de blat donava 30 quintals e permetia de comprar al fornier 1980 kg de pan.
 
En 1996 un ectara de blat donava 75 quintals e permetia de comprar 680 kgs de pan.
 
En 2021 un ectara de blat donava coma en 1996, la produccion aumenta plus, e permetia de comprar 450 kgs de pan.
 
En 60 ans, avèm aumentat la produccion de 2,5 còups e... se compra 4,4 còups mens de pan.
 
Chal se’n avisar que sensa agricultura nòstra, tendriam a importar al final 99% de nòstra alimentacion coma se fa per exemple dins de bèlas democracias d’arena islamicopetrolofotbolisticas coma los cataris.
 
Mas ‘allez Messi’. Es ver, l’avètz vist a la television! E la tèrra sabètz, es bruta, ennegrisse las onglas a mai. Tròup dur per la french (pareisse que los òmes fashion ne’n fan tanben coma suenhes)! 
 
 
 
abonar los amics de Jornalet
 
 


 



publicitat
BANER2: OPLO liceu



Comentaris

30 de setembre 17.04h

#2 Efectivament qu'aví mau lejut ^^
Desolat per la question pèga!
Un article hòrt interessant : qu'avetz aquiu ua hont istorica !
Solidaritat dab las familhas paisanas!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

30 de setembre 12.02h

#1 "Un cosin nòta despí d’ans la produccion, los prèses dal blat e de la farina. Val tot un discors."


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

30 de setembre 09.31h

Adiu! Be'm sembla qu'as desbrombat de citar la sorsa de las chifras sus l'evolucion de la productivitat agricòla e de la quantitat de pan qu'un agricultor pòt crompar dab lo son tribalh sus un ectar.
Sinon l'article qu'ei hèra instructiu!


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions