CAPÇALERA: HOTEL DETH PAIS
CAPÇALERA2: mot amagat

Jornalet, gaseta occitana d'informacions

Dimècres, 17 d'agost

Laurenç Revèst

Dijòus, 28.10.2021 03h00

Realitat e Illusion


Comentaris Un comentari    
Dolent Fluix Bo Molt bo Fabulós (3 vòtes)
carregant En cargament


Pxfuel




Los Estats Units d’America son de terroristas, pi de separatistas, òc. E de colons genocidaris, a mai. Coma legir autrament aquela Veritat!? 
 
Una colonia anglesa que se separa e una Guèrra d’independéncia còntra la metropòli... 
 
Es coma los francofònes de Canadà que son d’imperialistas colons mas dins los imperialistas i son de classaments. La Palma d’aur planetària d’aquel temps es a Anglatèrra. E los imperialistas de segond plan an perdut, la loosa qué! 
 
La Guiana francesa es totjorn francesa mas Quebèc es totjorn francesa? Niet, nada, oalo. Impossible. 
 
E dins los braces dals colons aüra estatsunidencs, los irlandeses e autres poloneses, italians e quitament los rares occitans son solament los braces. La boca e la tèsta son ben anglofònas. Coma las referéncias literàrias e l’esperit. 
 
Paures amerindians, m’enfin avian tanben lors imperialistas entre nacions que se fasian la guèrra. 
 
A mai l’eretatge de l’imperialisme espanhòl concurréncie encara dins lo sud dals Estats Units d’America. Mas an perdut Texas entre autres coma los franceses Quebèc. Sant Pèire e Miquelon es un lòt de consolacion. 
 
Totun la Republica francesa coma los Estats Units d’America se son ben formats al meme temps a la fin dal sègle 18. 
 
Aquela secession de l’imperialisme anglés a donat un novèl imperialisme. L’enfant a tuat lo paire e se parlam anglés dins lo monde aüra es per lo passat imperial britanic de segur pas per la fòrça estatsunidenca actuala qu’a pilhat lo relais. 
 
E Euròpa, e l’Union europèa dins tot aquò? 
 
La constitucion francesa es al sobran de l’edifici estatal. D’alhors las leis de la Republica francesa son solament ligaias a las leis europèas perqué l’autoriza la dicha constitucion francesa. Suprèma. Juec per dire que se garda la man. E las elucubracions dal Conselh d’Euròpa per aparar l’avenir de las lengas coma l’occitan en França son un vot piós. 
 
Ce que fa que coma anciana poténcia coloniala / imperialista ague drech de far prevaler sos interèsses coma lo non respècte de la Carta europèa de las lengas dichas regionalas o minoritàrias. Mas Polonha (qu’a patit de l’imperialisme prussian, russo...) coma novèl estat es bizutat, a degut signar la dicha Carta europèa mas non a lo drech de contestar las leis europèas... Drech qu’a Espanha... Vièlh estat colonial / imperial. Que va encarcerar d’òmes politics per aver fach parlar la democracia. De prisoniers politics! Prisoniers d’opinion! Mentre que lo Partit popular e ben de politics espanhòls defendon l’inviolabilitat dal Rèi d’Espanha que viu dins una petromonarquia amb sos millions dobtoses, en tota illegalitat via de paraïses fiscals e manipòlis. Mas la lei dal mai fòrt sembla sovent la veritat. Trista umanitat europèa. Un projècte de coalicion d’estats sobeirans es ben la pròva qu’es un modèl d’Euròpa que non fonciona. 
 
 
 
abonar los amics de Jornalet
 
 


 



publicitat
BANER3: Ràdio Occitània



Comentaris

28 d'octòbre 08.11h

Segur qu'es pas atal qu'Euròpa pòt foncionar nimai rassegurar los qu'avián fisança dins sa capacitat de far bolegar las causas. De tot biais, lo 1èr escalon demòra e demorara totjorn lo local. Visibilitat, senhaletica, preséncia de l'occitan dins las mediatecas... tot aquò se jòga a l'escalon comunal, intercomunal, en discussion amb los elegits. i a fòrça endrechs ont aquò fonciona.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Laurenç Revèst

Laurenç Revèst logo rss

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




D'autres articles


Jornalet, gaseta occitana d'informacions