CAPÇALERA: HOTEL DETH PAIS
CAPÇALERA2: mot amagat

Jornalet, gaseta occitana d'informacions

Dimècres, 17 d'agost

Laurenç Revèst

Dijòus, 18.11.2021 03h00

D'una vièlha Tèrra fiera e liura, sèm benlèu la finicion?


Comentaris 3 comentaris    
Dolent Fluix Bo Molt bo Fabulós (5 vòtes)
carregant En cargament


Ai longtemps esitat de publicar aquela opinion. Imaginar los tròls se regalar de far de bruch (escrich). Los coma Trump que nègan lo rescaudament climatic. “D’estiu fa caud, d’ivèrn fa frei, basta!” e autres..
 
Los fenomènes climatics violents de mai en mai recurrents coma la tempèsta Alex, las inondacions en Alemanha, Belgica... Mas l’occitanisme pòt ren èstre totjorn a costat de la placa dins un monde a despart. I aguèt fa pauc la COP 26.
 
Efièches quasi nuls. Devèm ja reagir per evitar de puar a 2 grases, ce que se passarà ja a mai arrestessiam aüra las activitats umanas que fan rescaudar la Tèrra.
 
Cada matin degun pensa a la mòrt, per fortuna! I anam totes un jorn o l’autre totun. Mas tant val de laissar una planeta pròpra o ren bruta de tròup a nòstres enfants. Après ieu lo deluvi? Non. 
 
Vivèm per se donar de sens a la sieu vita. E que sigue agradiva tant coma possible. 
 

 
Avèm lo problèma dal petròli qu’es ren disponible coma un potz sensa fons. La ressorça es limitaia. Cal recordar que las sorças d’energia coma las eolianas an besonh de petròli per èstre fabricaias e puaias. 
 
 
Sorça alternativa de combustible?
 
Dal temps de la Segonda guèrra mondiala i èran ja de veituras al gasogène.
 
Autrament, lo bioetanòl es limitat dins lo sieu desvelopament en causa dals frens dals constructors auto; veire Sud Ouest 15.10.2021.
 
Cal saber que lo petròli es present d’a pertot. Per far de fibras lo petròli pòt servir coma fibra.
 
Atencion, lo capitalisme manja la planeta. Lo comunisme a fach de degalhs parier al nivèl environament. Chernobil, la mar d’Aral, polucion de rius e ne’n passo. 
 
 
Alora coma far? 
 
Un ordinator dal MIT avia calculat que d’après las ressorças e nòstra consomacion mondialas entorn de 2030 i seria un ponch de non retorn amb lo limite maximal de ressorças energeticas consomaias e tròup de populacion. Aicí es qualqua ren fòra de risc d’esfondraments environamentals e socials.
 
Se parla tanben dal jorn dal despassament de la Tèrra qu’avança cada jorn d’una annaia sus l’autra. 
 
Cyril Dion prepausa d’escriure un autre futur per provar d’acompanhar de solucions.
 
Lo moviment dals Colibris es feble per contradire la tendéncia. Se totas las familhas dal monde se meton de viure modestament, cambiaria solament per 25% de totas las entitats que causan l’escaudament climatic. Es estimat d’après las recèrcas actualas que 100 entrepresas mondialas son responsablas de la situacion actuala climatica...
 
 
 
 
 
abonar los amics de Jornalet


 



publicitat
BANER3: Ràdio Occitània



Comentaris

18 de novembre 21.49h

#2 Òc-ben ! Mas non vòlon subretot pas establir ni daissar establir la democracia dirècta pus mendra. Basta de veire cossí la traquèt lo còp d'estat fascista de Franco. Basta, plan mai prèp de uèi, de veire cossí son estadas aculhidas las manifestacions favorablas a la simpla perspectiva de Referedum d'Iniciativa Ciutadana del temps dels GJ… Còps de tricas, esbornhaments, mans arracandas, lacrimogèn generalizats sense cap justificacion ( e èri sus plaça per o constatar).


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

18 de novembre 10.14h

Vaquí la bonas questions que son pausadas.
Solide que cau una auta organizacion de la societat, mès democratica, sense los malauts mentaus qu'an lo poder econiomic, que'n volen totjorn mès per eths medishes (per se passejar dens l'espaci per exemple) e que's servissen deu poder politic.
La "democracia" representativa servís pas qu'a manténguer aqueste òrdi.
La democracia estosse dirècte, los malauts mentaus aurén pas ten de poder.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

18 de novembre 07.30h

L'òm pòd pas cambiar lo climat, mas l'òm pòd cambiar lo discors sur lo climat.
Lo problem vai pas de n'importa quela activitat umana mas de la polucion, de las messonjas d'estats.
A part benleu dins lo sud d'Occitania, 2021 es marcada per una diminucion legera de la températura accompanhada de pluja que fan dau ben mas qu'an brimat los legumes.
La solucion vendra pas dau monde que viran e tornan virar lo problem. las mesmas ricancoina dempuei trente ans.
La solucion es alhors, dins l... Legir la seguida


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Laurenç Revèst

Laurenç Revèst logo rss

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




D'autres articles


Jornalet, gaseta occitana d'informacions