CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimenge, 25 de setembre

Laurenç Revèst

Dijòus, 17.3.2022 03h00

Far recular las tèrras, estrategia a tot prètz de pression constanta?


Comentaris 2 comentaris    
Dolent Fluix Bo Molt bo Fabulós (3 vòtes)
carregant En cargament


Quiiv, 7-A carrièra Oleksandr Koshyts. 25 de febrièr 2022
© Офіційний портал Києва




Après la destruccion de l’armaia aeriana ucraïniana per dominar l’espaci aerian, après los bombardaments alunhats, comença d’èstre necessari per l’armaia russa de se raprochar de “l’enemic” qu’an declarat, lo poler “nazi” ucraïnian. Vos sovenètz de la lei de Godwin que se pòl aplicar a tot tip de debat? Un dals interlocutors arriba al ponch de Godwin quora se refèra al nazisme, a Hitler o a la Shoah, per desqualificar l’argumentacion de son adversari.
 
Un còup los tancs arribats, deven de mai en mai complicat perqué lo combat de carriera en mòde guerrilha es perilhós per els. Los objectius demòran per l’armaia russa. Totjorn conquistar la riba de mar Negra entre las republicas autoproclamaias de Donbàs e Odessa. Non encara bombardaia. Micolaiev es l’avansgarda de resisténcia ucraïniana avans Odessa aüra.
 
Al començament, i èran de combats entre sordats mas ren de mai. Mas lèu avèm vist que non. Mi fa totjorn pensar al provèrbi completament faus: “la guèrra es un afar de professionals, jamai de civils”, es ben faus, la pròva. Un immòble d’abitacion tocat entre l’estanci 18en e 21en lo 26 de febrier dins lo sector de Quiiv. Una error evitaia de gaire, sembla, d’atacas russas dins la zòna de la centrala nucleària tristament ja celèbra de Chernobil. Pi un incident amb d’atacas russas sus la centrala de Zaporija.
 
Gaire luenh de manifestacions antiguèrra en Russia a Moscòu, Sant Petersborg, repression dura dals manifestants. En Casacstan tanben, es de notar per un ex país de l’URSS. Mai luenh de manifestacions dins lo monde.
 
De sordats russes mal aprovisionats que van pilhar de supermercats per manjar. De fremas isolaias que desapareisson al moment de quitar Ucraïna. Al meme temps d’amenaças repetaias de guèrra nucleària de Putin se l’UE o l’OTAN non los laissa far. E aüra amenaça d’usar d’armas quimicas de la part de Russia dins la guèrra d’invasion en Ucraïna. La guèrra “a l’anciana” a començat, dins l’ària, e sus tèrra. La guèrra psicologica tanben. Mas avèm passat a un segond nivèl de la guèrra d’Ucraïna. La pression sus Mariupol es totala. Intensitat creissenta dals bombardaments per clavar la mar Negra. Bastiments espitaliers, escòlas, tot i va per bombardar. Lo 10 de mars, 1300 civils tuats segon las autoritats localas. Carquiv en posicion èst, segonda vila d’Ucraïna es bombardaia tanben. L’armaia russa cèrca d’encerclar Quiiv, mas i arriban ren per lo moment. Malgrat la posicion revisaia de Zelinski de plus demandar de plaça dins l’OTAN, solament dins l’Union Europèa, lo govèrn russe contunha sa progression.
 
E recularà sus lo terren un còup la “patz” arribaia dins las tèrras ucraïnesas? Cal evitar lo meme procèssus de roïgatge coma Transnistria sus Moldòva
 

 
e coma Russia sus Georgia
 

 
Russia se plaçant encara, per lo biais de mediator, en Carabag coma o avèm vist en 2022.
 
Un biais coma un autre de tornar ficanassar dins los estats de l’ex URSS. Sembla que l’istòria se repète. D’aquel temps los civils suèfron. E son d’ucraïnians, malgrat ce que ditz la propaganda, que si mòron.
 
Alora los contradictors se meton d’usar dals tèrmes anticolonials per justificar lo retorn dal colon russe en tèrras Ucraïnianas.
 
De païses africans fan entendre la votz “sètz solidaris de vòstre vesin europèu, es anormal en rapòrt dals migrants sus tèrra”. Coma far per respòndre correctament a aquela question? De païses africans entendon cambiar d’ancian colon, per un autre poler protector, de fach neocolonial, coma al Mali amb l’arribaia dal mercenaris Wagner après la partença francesa de l’operacion “Barcane”.
 
China plaça sas entrepresas en Algeria e autra part. Mas lo drevelh risca d’èstre dur quora volràn anar dins un sens opausat als interesses dal novèl “patron”. Sembla que l’istòria se repète per els tanben.
 
Lo combat per Ucraïna es tanben un combat per aver de blat, sus aquelas ricas tèrras qu’expòrtan enormament dins lo monde aquela cereala. E Africa es en deficit de blat.
 
De nòvas aliganças se fan. Russia, Eritrèa, Siria, Mali, Centrafrica, d’un costat. Amb lo desir en Euròpa de recampar las minoritats russas tot en mesclar dangeirosament russes e russofònes. China, que los mèdias an un pauc obliat los oïgors e tibetans, que vòl protegir lo sieu comerci mondial tot en sostenir Russia.
 
Russia que fa d’apèl dal pè per aver d’ajua militara chinesa sensa respòsta per lo moment (per astre). La question de Taiwan al mitan es en reirefons. ĺndia neutra, coma l’Africa dal sud. D’un autre costat Veneçuèla se rapròcha dals Estats Units d’America. Los estatsunitans an bèla de se voler rendre independents de las energias russas. Son ren sus lo meme continent coma nosautres en Euròpa. L’OTAN es una causa diferenta de l’Union europèa. Se ve qu’aicí los EUA jugan lors interesses. La Republica Serba de Bosnia agisse per anar devèrs una independéncia. De sèrbes de Serbia manifestan lor sosten a Russia. Cadun sembla que ressòrte sas neuròsis esconduas.
 
La sason d’estiu que se programa aüra prevei ja de decomandas de sejorns russes sus la Còsta d’Azur. Los bens d’oligarcas russes pròches de Putin son sasits en Euròpa e als EUA. D’aquel temps los Emirats semblan de destinacions possiblas de replec. D’aquel temps la guèrra fa d’alònguis.
 
Cu se’n avisa de la frasa de Putin per la guèrra de Chechenia, guèrra oficialament de polícia intèrna (Chechenia fa part de Russia) quora arrasèt Gròzni? “Los anarem caçar fins als fons dals comuns”. Sembla que l’istòria se repète. Mas aüra es l’expansion. Aviam obliat en Euròpa, subretot en Euròpa occidentala, lo bruch de las bòtas e dal canon. Mas sabèm ce qu’es l’imperialisme, subretot nosautres occitans. Mas aicí, totes sèm ren dins una bula, vivèm ben sus la mema tèrra, lo meme continent a mai aicí.
 
E d’aquel temps parier, segon la confirmacion dals rapòrts dal GIEC, la tèrra se rescaudarà encara mai a l’avenir.
 
Ont ne’n sèm, coma far melhor e creire en l’avenir?
 
 
 
 
 
 


Referéncias:
- Euronews
- Radio Free Europe/ Radio Liberty
 
 
 
abonar los amics de Jornalet
 
 

 



publicitat
BANNER1 - OPLO erasmus



Comentaris

17 de març 12.22h

#1

Es pas l'istòria que torna e se repeta ! Son las meteissas decisions dels umans que produzisson totjorn los meteis efectes.

Avetz res après de l'istòria !

La pompa a shadòc a un polit esvenidor : mai aquò fa meca, mai avem una escasença de capitada e plan segur mai fa meca, mai s'espera.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

17 de març 07.50h

L'istòria se repeta.Perqué l'istòria se torna repetar tot lo temps? Chaldria saber perqué. Qualas son las rasons priondas? Qui se bat contre qui?
D'aquel temps l'òm parla pas de França. Quò vai mau dins tots los pais mas en França tot vai per lo mielhs. Le pretz de l'essença, du gas, e d'autres denrées de prumieras necessitats , dau blat augmenta o vai augmentar. La democracia i es plan muselada. Una campanga electorala que parla de ren, una vaccinacion de fòrça que vai durar una et... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Laurenç Revèst

Laurenç Revèst logo rss

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




D'autres articles


Jornalet, gaseta occitana d'informacions