CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Laurenç Revèst

Dijòus, 15.9.2022 03h00

Viure a la frontiera de l'espaci occitan amb una autra lenga


Comentaris Pas cap de comentari    
Dolent Fluix Bo Molt bo Fabulós (7 vòtes)
carregant En cargament





Una vidèo dins l’airal nòrdoccitan es interessanta. Ja perqué nos fa viure la realitat dal limite entre occitan e una autra lenga.
 
E tanben perqué es facha per de gents dal país
 

 
Avèm una explicacion dal panèl en cima de la baissa de Sant Tomàs entre Alvèrnhe e Forés que figura en començament de vidèo aicí.
 
Lo famós panèl dal temps de l’unic passatge dal general de Gaulle en aquel luec èra estach levat per lo sieu servici d’òrdre. Devia far marrit genre per l’empèri.
 
“Estiu de 1942. Èra l’ocupacion e se los adults eran inquiets, los ados non...La pròva… Una vintena d’estudiants de Tièrn —entre elos 2 fraires Maurice (Nano) e René Barnerias— en gostaron a la baissa de Sant Tomàs trobèron un avet tombat, blocant una part dal chamin. Lo passatge reduch fasia una barraia naturala, e volguèron ne’n far una doana. E faguèron una plancarda. Un vièlh panèl publicitari faguèt l’afar e un tròç de crea servèt per l’inscripcion – mai tardi, realizèron un panèl mai elaborat.
 
A pena terminat, una camioneta a gazogène puant plan planin dal costat Léger foguèt convidaia per los joves «doaniers» a s’arrestar. Susprés lo conductor volguèt obtemperar. Visiblament panicat, accelerèt per davalar costat Puèi de Dòma. Los enfants estonats per l’audàcia faguèron alora usatge de revolvers a taps…
 
Pauc de temps après, se retrobèron a la gendarmaria de Tièrn per se far chastiar (un d’elos èra filh de gendarma tiernés)…
 
La “victima” avia declarat: “Sio estach atacat a la baissa de St Tomàs per de joves, probable d’un fals maquís. Ai degut traçar dins la davalaia al risc d’aver un accident e ai degut zigazagar per evitar las balas”.
 
La plancarda es totjorn en plaça. Intriga los toristas que se demandan per qué aquela frontièra..."
 
Per fortuna los occitanistas, o sabon.
 
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Laurenç Revèst

Laurenç Revèst logo rss

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




D'autres articles


Jornalet, gaseta occitana d'informacions