CAPÇALERA: WORDLE
CAPÇALERA2: mot amagat

Jornalet, gaseta occitana d'informacions

Diluns, 8 d'agost

Laurenç Revèst

Dijòus, 4.8.2022 03h00

Las òbras d’una vita occitanista, los eretatges de Crestian Rapin


Comentaris Pas cap de comentari    
Dolent Fluix Bo Molt bo Fabulós (12 vòtes)
carregant En cargament


Revista \'Anem! Occitans!\', num. 146 (2013)




Crestian Rapin es de segur un diccionari en totplen de tòmes. Una òbra màger. Es tanben un escrivan de romans, d’obratges collaboratius, observator poëtic dal sieu quotidian, de las esitacions, dals possibles.
 
Companh de camin de Lo Lugarn, coma de ben d’autras revistas, èra l’òme de la patz e dal trabalh. Incarnant la dicha: La fe sensa òbra, mòrta es.
 
Professor d’espanhòl, conselhier pedagogic d’Occitan. Aquest ancian licean d’Henri IV a París, de familha protestanta, èra occitanista de cada moment dins Òlt e Garona. Totjorn ocupat per l’occitanisme. E ven de defuntar a la maison de retir protestanta de Tonens.
 
De saber per exemple qu’èra l’enfant dal menaire oficial de la veitura de De Gaulle. Èra un òme plen de contactes. Un quasèrn d’adreças plen. De ligams en cada region occitana e mai en Catalonha.
 
L’ai conoissut a qualques acamps dal PNO e a de rares moments occitanistas qu’ai poscut anar dins l’oèst occitan. Un grand intellectual.
 
Pacient, determinat, quiet, eficaç. Ren bracejaires ni a far d’espectacle panholesc. Avançava e tirava drech. Gròs trabalhaire.
 
Acarat a sos projèctes, cronicaire de lenga, èra totjorn d’acòrdi per respòndre a de questions de lenga. A mai sigue devengut mai dur de li telefonar, èra totjorn l’esperit per l’occitan.
 
Ne’n recebia de telefonaias!
 
Una granda pèira de l’occitanisme per far de l’occitan una lenga modèrna coma Guiu Martin, Miquèu Grosclaude, Marcèu Esquieu... Una ret d’amics sieus.
 
Cal entretenir la memòria dal trabalh de personalitats ansin.
 
D’òbras inedichas rèstan encara d’el a publicar. Coma sovent a mai per los grands d’Occitània. De plaças, collègis, licèus al sieu nom seràn ren raubats!
 
E de diccionaris sieus dins totas las bibliotècas d’Occitània de Mentan a Bordèu!
 
 
 
abonar los amics de Jornalet
 
 


 



publicitat
BANER3: Ràdio Occitània



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Laurenç Revèst

Laurenç Revèst logo rss

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




D'autres articles


Jornalet, gaseta occitana d'informacions