CAPÇALERA: Eth Ligam occitan Youtube

Jornalet, gaseta occitana d'informacions

Diluns, 10 d'agost

Laurenç Revèst

Dijòus, 2.7.2020 03h00

Kosova e qualquas questions mai


Comentaris 13 comentaris    
Dolent Fluix Bo Molt bo Fabulós (7 vòtes)
carregant En cargament


La glèisa de la Trinitat a Petrić, destrucha durant lo pogròm de 2004
© Felicia Violi




Conoissèm l’istòria. “L’intervencion” de L’OTAN, per bombardar Serbia, que mena de mesuras de “polícia intèrna” en Kosova.
 
Mas lo conflicte èra diferent dal chaple sèrbi en Bosnia. Ges de pogròm sèrbi dals albaneses. La província de Kosova avia ja un estatut decentralizat fòrt en rapòrt dal rèsta de Serbia. Lo drech d’adoptar o non de leis sèrbas de Belgrad per exemple.
 
Après los pòbles, es la gestion internacionala de Kosova. L’exili per de sèrbis.
 
Lo debat es vièlh per saber cu es lo mai ancian pòble legitim dal territòri. Ilirians, que si reclaman los albaneses, o eslaus arribats partent dal sègle 5?
 
I seria un drech de retour serbe en Kosova, vist qu’existon d’associacions de diaspora sèrba de Kosova?
 
Quines interesses economics e politics an los Estats Units d’America a aver la mai granda basa en Euròpa?
 
La vision de glèisas ortodòxas destruchas (per L’UÇK o autres?) me fan pensar a las glèisas d’Armenia occidentala.
 
Los estatsunitans an rejugat lo scenario de la manipulacion dals afgans per resistir als comunistas sovietics? Resultat, formacion dals talibans e de la basa de la futura Al Caïda (seria de saber las reaccions dals albaneses crestians fàcia a aquelas destruccions...).
 
Maire Teresa èra ben crestiana albanesa. Bòn, vòlo ren polemicar de tròup. Mas.
 
Mesclar Catalonha independenta, Escòcia independenta, Curdistan independent ambals populismes coma los moviments FN, ce que se ve als EUA, o los conflictes de conquistas territorialas coma, me sembla, los albaneses (ont i son de minoritats importantas albanesas: Macedònia dal nòrd, Montenegro per la màger part), es un error.
 
Ont son de catalans, i son totjorn parier de castilhanofònes, parier per los escoceses ambals anglofòns e parier per las minoritats assirianas, arabas en territòri curde. Mas ont son devenguts majoritaris los albaneses, al final la minoritat sèrba a... desapareissut. E lor traça, coma lor patrimòni material tanben.
 
Los estatsunitans serian los novèls otomans sus lo terren via los albaneses?
 
E per far parallèl amb la situacion de Catalonha e Escòcia d’un costat de Kosova de l’autre, i es ren de semblable.
 
I es agut una escalaia de violéncia en Kosova per abotir a la situacion actuala.
 
Al revenge, per Catalonha e Escòcia son d’eleccions qu’an menat los independentistas en davans.
 
Democraticament. Amb la situacion rificula de far creire als catalans que sortirian de l’Union europèa. E lo Spexit dins l’ària fa pensar al ridicul discors anglés. Volèm se separar de l’Union europèa. Mas avètz ren drech de vos (escoceses) separar de nosautres. Fasètz ce que disèm e non ce que fasèm. E prenètz los pòbles per de mariòtas.
 
 
 
abonar los amics de Jornalet
 
 


 



publicitat
BANER1: Amics campanha covid



Comentaris

4 de julh 22.17h

#3 Lo Kosovo est l'exemple tipic de "colonizatzion de poblament". Lo Kosovo era etnicament e istòricament una terra sèrba (eles meteisses, colonitzadors dins d'autres parçans de l'ex-Iogòslavia) . Pr'amor de moviments de populacion provocats, los albaneses son esdevinguts fòrça majoritaris sus aquesta terra sèrba. e ara los albaneses persecutan los serbis.
Doncs es la meitessa situacion de Occitània de cara a França que nos persecuta ( lenga, imposicion de la siá cultura e del siu li... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

4 de julh 10.42h

#8 Endonc lo problèma es que causir Kosova o Kosovo pòt pas èsser neutre.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

4 de julh 10.17h

#10 si, Cosòva o Cosovo.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

4 de julh 00.44h

En albanés Kosova, en sèrbe Kosovo, en occitan Kosova o Kosovo. Se pòt pas faire pus simple.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

3 de julh 10.51h

#7 preciso que aguent trabalhat sus la toponimia de la Repiblik Ayiti sabo de qué parlo per prepausar de levar l'H. Mas probable que se pòt considerar l'influéncia dal gascon se trobam una reala prononciacion gascona Haïtí amb l'h aspiraia... Rèsta de provar aquò. Caminament scientific qué.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

3 de julh 10.47h

#6 mi fuguèt demandat de cambiar Cossòva per Kosova (En fonetica: [ku'zuva])
perqué dins lo libre d'estil de Jornalet metem en occitan los noms de païses qu'an un nom tradicional en occitan
dins lo libre d'estil de Jornalet metem en occitan los noms de païses qu'an un nom tradicional en occitan
los que l'an pas, o fasèm dins la lenga locala. Dins lo cas d'autres alfabets, emplegam la transcripcion a l'alfabet latin que prepausen las acadèmias d'aqueles païses
per aquò escrivèm "Putin... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

3 de julh 08.54h

Amai sul site Termcat es notat Kosovo...
D'ont ven la vòstra causida ? Cadun fa sa salça ?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

3 de julh 08.49h

Adieu totes, pichòta question que me pausi. Se pòt trobar un endrech ont los noms de païses son escriches en "normalizat" ? D'ont sortís aquel nom de " Kosova"? ieu auriái escrich Kosòvo. Mercé de vòstra ajuda.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

2 de julh 10.52h

#4 enta'u e non *dau (corrector gr)


Valora aquest comentari:   votar positiu 3   votar negatiu 4
Respondre comentari replica Comentari inadequat   Formulari d'abús de comentari

2 de julh 10.50h

#2 Qu'èi enqüera possible de pausar questions (coma ac ditz lo títol)? O la senténcia la datz vos dirècte?

Que miatz lo burèu occitan deu Tribunau dau net amb de procès d'intencion coma utís?


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions