CAPÇALERA: VAU SERENA
CAPÇALERA2: ESTRENA DE L'AN

Jornalet, gaseta occitana d'informacions

Dijòus, 20 de febrièr

Laurenç Revèst

Dijòus, 23.1.2020 03h00

Istòria: per un relais d'Ostals de l'istòria occitana


Comentaris 6 comentaris    
Dolent Fluix Bo Molt bo Fabulós (5 vòtes)
carregant En cargament


A l’ora qu’existe despuèi gaire d’ans un “Musèu nacional de l’espòrt” dins la bòna ciutat de Niça e que i es a pron pena un (pichin, en comparason) “Centre dau patrimòni” a las Ponchetas, me faguèt pensar...
 
Barack Obama inaugurèt lo 24 de setembre de 2016 a Washington un musèu dedicat a l’istòria afroamericana, en preséncia de 7000 conviats oficials (Colin Powell, Oprah Umphrey...) e de miliers de personas vengudas de tots los cantons dels Estats-Units d’America.
 
Quina emocion. Ai ressentit de fiertat e de respècte per aquesta nòva. E de compassion.
 
E dirèctament m’evoquèt la question occitana. Lo problema de la reconoissença que dura despuèi longtemps. De sègles. 
 
La Crosada e sas consequéncias umanas las guerras d’invasion e d’anexion, l’interdiccion de la lenga occitana. Los degalhs morals. L’exòdi rural, lo centralisme reialoimperialorepublican. E la desconoissença, la marginalizacion de l’occitan quasi constanta, senon l’oblit e quitament la mòrt ja prononciada -dins l’esperit de ben de mond- mentre que i son encara de locutors!
 
Alora, me diguèri, avèm ben ja una biblioteca quasi nacionala occitana, lo CIRDOC en Lengadòc.
 
Mas s’adaptèssem lo discors de Barack Obama a la question occitana per un musèu nacional de l’istòria, de la lenga e de la cultura occitana, dins cada region occitana...
 
Avèm a pena adaptat lo tèxt sieu per veire çò que faria. Vaquí.
 

“Sèm ges una carga per lo país, o una taca sus lo sieu blason, o un objèct de pietat o de caritat. Sem lo país”, a declarat lo president (estatunidenc).
 
Èra un context per recadrar los debats de nòstre temps. Benlèu que pòl ajuar los visitors que se pensarian non concernits a capir la dolor e la colèria dals manifestants dins de luecs de Mentan a Bordèu [cf. las manifestacions per la reconoissença mai granda de la lenga occitana] (en lo discors original de Barack Obama èran citaias las vilas de: Ferguson et Charlotte).”
 
Fasia 100 ans qu’asperavan aquest moment, ansin, totplen avian los uelhs embrumats quora l’una de las grandas figuras dal movement per los dreches (discors original: dreches civics).
 
D’ajustar que un elegit (d’aquel temps èra John Lewis, elegit de Georgia) diguèt: “Aquest musèu non es un bastiment, es un pantais devengut realitat.”
 
Òc, podèm. Yes, we can.

 
 
 
 
abonar los amics de Jornalet
 
 

 



publicitat
BANER1: AOF



Comentaris

24 de genièr 12.16h

la lenga es totjorn viva ... es pas enguera lo moment de la barra dins un musèu ...


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

24 de genièr 01.48h

#3
Adissiatz
Centre me pareis ben. Deuria i en aver dins totas las ciutats de l'Occitania
Per exemple ieu vivi a Tolosa Sembla esser una vila françesa e pas occitana coma caldriá
Bon ser


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

24 de genièr 00.04h

Aquera ideia j'ac augèc En Fr.Mistral.

Auants de guanhar eth prèmi Nobel, que ja s'auià amassat ua colleccion entà arrepresentar era cultura deths sons parçans.
Damb eths sauses deth prèmi que hèc eth Musèu deth Felibrige, o Museon Arlatenc. Ça ditz que atau volià hèr ua auta cara deth diccionnari, "un diccionnari entà tot eth pòble que non sap legir."
Segur que laguens i a sustot materiau de Provença e Occitania orientau, totun tot çò qu'aperaua "eth paisis d'òc" ben que i so... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

23 de genièr 21.42h

#1 Sénher, lo mot "centre" me fa pensar a un francesisme clar. Lo cal utilizar pas, prepausi puslèu un biais de dire tipicament Occitan coma "la causa del mitan", es una solucion populara, accessibla et realista. Amistats.


Valora aquest comentari:   votar positiu 6   votar negatiu 3
Respondre comentari replica Comentari inadequat   Formulari d'abús de comentari

23 de genièr 12.44h

Relais, aquí vol díser cadèna ?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

23 de genièr 10.54h

L'idèia me sembla fòrça bona. M'agradaré mès, per contra, lo mot "centre" que non pas "musèu" que pòt hèr pensar sense de soscar a un subjècte istoric e ara passat. Se cau mauhisar.


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions