Bandièra01 1180x150: Comuna de Tolosa

Opinion

Los Barbarians

Joan-Marc Leclercq

Joan-Marc Leclercq

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

Mai d’informacions
Lo rugbi ei un espòrt a despart, o meilèu com ac sabètz, un art. N’am pas pro d’espaci aquí per poder listar totas las especificitats d’aquera activitat. S’òm compara dab çò qui ei comparadís, que vòli díser los autes espòrts, vesém plan que lo jòc de veishiga compòrta elements qui’u plaçan dens un canton estremat. Ua de las institucions mei significativas deu rugbi, e gaireben tan vielha qu’eth, ei un club de gentlemen qui s’apèra lo Barbarian Football Club. Com ac vesètz, n’i a pas guaire espòrts deus quaus los noms de club pòrtan lo nom d’un aute espòrt. Qu’ei atau.
 
Com ac sabètz, lo rugbi estoc creat dens un esperit d’amatorisme sancèr, hòragetant tota fòrma de competicion o de vedetariat. Ei per aquò que los camisòts ne portaràn pas numèros a la debuta e qu’Anglatèrra n’aurà pas de campionat nacionau abans … 1987. Los encontres son organizats entre clubs dus còps l’an coma ua convida entre monde plan educats. Tot aquò que comencèc peu viatge anar e tornar entre lo Blachheath RC e lo Richmond FC en 1868. Lavetz, lo professionalisme qu’ei enqüèra hèra luenh.
 
Qu’ei dens aqueth ambient plan particular que, lo 9 d’abriu de 1890, un punhat de gentlemen deu quaus cau citar màgerment un ancian jogaire de l’universitat de Cambridge, William Percy Carpmael, amassats en tota convivéncia a l’entorn d’ua bona taulejada (segon la legenda : ústrias) deu restaurant Leuchters de Bradford, decidiscon de crear ua equipa dab jogaires convidats entad anar pagerà’s a d’autes mentre viradas de las bracas, a la faiçon de còlas coma los Southern Nomads. Las colors son causidas : los camisòts seràn de largas listradas negras e blancas, lo shòrt nèguer e cadun que poderà portar las caucetas que voldrà, las deu club o deu país d’origina. Los concèpte tanben ei refinat : la victòria ne serà pas la tòca màger (Vesèm plan que’s tracta aquiu d’art e non pas d’espòrt) mès la beutat deu jòcs e l’esperit ofensiu seràn privilegiats. A la fin de l’annada, lo projècte ei plan apitat e lo purmèr encontre ei dejà ua victòria : 9-4 contra los Hartlepool Rovers deu comtat de Dunham lo 27 de deceme, sia dus dias après Nadau…
 
Plan lèu, ua tradicion d’encontres a data fixada que vatz : lo Boxing Day (26 de deceme) contra Leicester, lo purmèr dijòus de març (Dedicat a Edgar Mobbs, jogador tuat a guèrra), puish ua virada per Pascas.
 
Per la fin, qu’arriba lo periòde mentre lo quau los Barbarians an l’aunor de jogar contra equipas internacionaus. Lo 17 d’abriu de 1915, entà collectar monèda per l’esfòrç de guèrra, los qui son adara enchafrats lo "Baa-Baas" véncen lo País de Galas 26-10 dens lo mitic Arms Park. Tradicionaument, las equipas en virada de l’emisfèri sud que’us encontran au parat de la darrèra jornada. Atau, lo darrèr encontre de la virada deus All-Blacks de 1973, lo 27 de genièr a Cardiff estoc qualificat d’"encontre mei bèth deu monde" dab, a la clau l’ensai mei bèth deu monde, nascut d’ua contra-ataca deu Phil Bennet devath los sons paus entà s’acabar com un huec d’artifici dab lo Gareth Edwards. N’am pas acabat de’n parlar d’aqueste …
 
Aqueth club, shens de terrenh, shens cap d’estadi, ne seguís pas brica la logica o l’organizacion d’un aròu esportiu quau que sia. Qu’ei vasut de la volontat d’un tropet de benarrits dab la volontat de guardar un esperit de beutat e de qualitat qui n’a pas arren de véser dab los objectius d’ua formacion esportiva, sustot actuau. Ei demorat a l’ora d’ara lo simbèu deu saunei de jòc halant deu amorós de l’espòrt-rei.
 
Pr’aquò los Barbarians qu’an eishamiat la lor filosofia drin de pertot peu monde, on se vesoc la naishença deus Barbarians francés, neozelandés, sud-africans, australians, fidjians, brusselés (!) mès tanben bascos : los Euskarians. La lista n’ateng pas sonque los Occitarians…



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Maime Limòtges
6.

Tot quel afar de fotbòl-rugby-union-sai-pas-que es coma las ASPTT... los esportius l'i son pas tots factors !

  • 2
  • 0
Matieu Castel Amians
5.

#4 Compreni pas lo polonés estandard que siau de Gdansk ! ;)

  • 3
  • 0
Joan Marc Leclercq
4.

E, de tot biaish, lo Wikipedia polonés que ditz : "Rugby union (pot. rugby) – zespołowa gra między dwiema piętnastoosobowymi drużynami, polegająca na podawaniu owalnej piłki ręką lub nogą, przy czym podania ręką do przodu są zabronione; punkty zdobywa się za przyłożenie piłki na polu punktowym przeciwnika (5 punktów), za celny strzał (tzw. drop, drop kick) na bramkę w kształcie litery H, z poprzeczką umieszczoną na wysokości 3 metrów, ponad którą piłka musi być przerzucona (3 punkty). Po przyłożeniu następuje tzw. podwyższenie (skuteczne jest warte 2 punkty); piłkę ustawia się na podstawce (kiedyś usypywano górkę z piasku) na linii prostopadłej do linii końcowej boiska i przebiegającej przez miejsce w którym wykonano przyłożenie, ale w dowolnej odległości od słupów – z tego miejsca kopacz musi trafić w bramkę ponad poprzeczką."

  • 1
  • 1
Joan Marc Leclercq
3.

#2 Solide, mès ne cau pas mesclar duas nocions : lo nom etimologic e lo nom usuau. Quan disi "Lo men hilh hè au fotbòl", n'i a pas degun qui va comprénguer que hè au rugbi. Tanpauc n'èi pas jamei ausit quauqu'un díser : "M'agrada lo fotbòl-rugbi". N'i a pas un aute espòrt qui a guardat dens los noms de clubs l'ancian nom qu'ei vasut lo nom d'un aute espòrt complètament diferent, se volètz ...

  • 0
  • 0
Matieu Castel Amians
2.

"n’i a pas guaire espòrts deus quaus los noms de club pòrtan lo nom d’un aute espòrt. Qu’ei atau."

Au començament, se parlava de "football association" e de "football rugby". Se fasia pas la diferéncia entre lei dos espòrts, e l'a tot plen de clubs, subretot lei mai vièlhs que se sonan "FC" alòr que son de clubs de rugby. La rason es que lo Rugby es de football, tot simplament !

La wikipèdia anglesa parla de Rugby Football dins son article : "http://en.wikipedia.org/wiki/Rugby_football"
et dins son article "football" preciza : "unqualified, the word football applies to whichever form of football is the most popular in the regional context in which the word appears, including association football, as well as American football, Australian rules football, Canadian football, Gaelic football, rugby league, rugby union[1] and other related games. These variations of football are known as football codes."

  • 3
  • 0

Escriu un comentari sus aqueste article