CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Joan-Marc Leclercq

Dimars, 13.12.2016 03h00

Mas perpausicions ende 2017


Comentaris Pas cap de comentari    
Dolent Fluix Bo Molt bo Fabulós (7 vòtes)
carregant En cargament


Aqueste còp, las eleccions presidencialas dens l’Estat francés son plan aviadas. Com de costuma, aquò te preng lo paisatge mediatic sancèr e doncas la soscadissa sus com imaginar un sistèma mès just e mès democratic es esconuda peu Concors Generau de bèstias mediaticas.
 
Per la fin, cadun votarà end’un candidat qu’aima pas e tot anarà de plan. Ren cambiarà pas.
 
Totun, es pas una rason ende despausar las armas e deishar d’estrèm nòstas idèias de joenèr. Vaquí doncas mas perpausicions per l’an que veng. Es pas un programa ni tanpauc prediccions.
 

1. Cauma generala. De costuma, un poder pòt pas ténguer mès de tres setmanas en cas de Cauma Generala plan seguida.
 
2. Aucupacions deus Ostaus de Comuna e presas de decision per l’Amassada Generala Sobierana.
 
3. Designacion de mandatats ende s’encuentar deus ahars corrents per Mandat Imperatiu (an pas nat poder e hèn pas qu’aplicar las decisions de l’AGS. Son revocables a tot moment per decision de l’AGS).
 
4. Federacion liura entre totas las entitats que’n haràn la demanda, per barris, vilas, regions... etc. Mès l’entitat demòra pichona, mès lo sistèma es democratic.
 
5. Aucupacion de las bancas, cadun son agéncia. S’assegurar de la barradura de las bancas.
 
6. Mes an plaça de monedas liuras (véser ma cronica deu 29/11) que’s crea pas per deute.
 
7. Aucupacion deus lòcs de trabalh. Aplicacion generalizada de las règlas de foncionament de las Societats Cooperativas, sia autogeridas peu monde qu’i trabalhan eths medishes.
 
Vaquí. Aquò sufís. Après, son las Amassadas Generalas Sobeiranas, on cadun es convidat, que govèrnan. E pas besonh de votar ende jo, que me presenti pas a las eleccions.
 



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.
 
 



publicitat
BANER1-2-3: DGPL TRADUCTOR



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions