CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Joan-Marc Leclercq

Dimars, 20.12.2016 03h00

Organizacion democratica globala


Comentaris Un comentari    
Dolent Fluix Bo Molt bo Fabulós (4 vòtes)
carregant En cargament


En seguida de mas “perpausicions ende 2017”, un amic me mandèc l’adreça d’un siti que sembla anar dens la medisha direccion dens la soscadissa politica. Se sona MOCICA, sia “Movement ende una Civilizacion Conscienta e Autonòma”. Lo trobaratz ací: http://mocica.org/fr/Project
 
Çò que m’agradèc a la debuta es la vision pro clara de l’accion de miar capvath la mesa en plaça en 3 estapas de 5 nivèus d’amassadas democraticas. Las chifras ajudan d’i véser mès clar. Apèran aquesta organizacion ODG5 ende “Organizacion Democratica Globala a 5 nivèus”.
 
MOCICA perpausa un monde sens moneda, on la gratuitat seré la règla. L’òmi botaré sa vocacion a la dispausicion deus autes en tot “remplaçar lo pagament per un mercés”. A maugrat deus longs explics que’s pòdon legir suu siti, aqueste paragrafe es ende jo lo mès discutible e mauaisit de comprénguer. La teoria de la Moneda Liura èra, ac cresi, mès racionala e rasseguranta.
 
Las tres estapas evocadas end’apitar l’ODG son las seguentas:
 

— S’amassar (vàser sòci deu movement e ne parlar)
 
— La transicion. Ne pas mès utilizar los mejans de pagament costumèrs.
 
— L’organizacion.
 
Mes vaquí çò que’m sembla lo mès interessant. Una estructura d’amassadas generalas sus 5 nivèus:
 
— Lo vesinatge (barri de vilatge o vila)
 
— Parçan de demorança (vilatge o vila)
 
— Parçan de ressorgas (las abitacions dependentas en ressorgas alimentàrias)
 
— Parçan culturau (Occitània per çò que’ns concernís)
 
— Mondiau
 
Cada amassada designa un representant que va portar sa paraula au nivèu superior.
 
Vaquí lèu hèit çò que perpausa MOCICA. Un còp passat l’impression mesclada de l’usatge d’un grafisme drin “medecina parallèla” e d’un discors que sembla fòrça tròp optimiste, lo projècte pareish interessant per mès d’un aspècte.
 
Perpausa una solucion democratica a una androna politica dens la quau sèm engatjats.
 
Perpausa una estructura clara.
 
Après, me sembla que negligís los rapòrts entre la basa e sons delegats, que pòt pas estar ende jo auta qu’un mandat imperatiu, on lo pòrtaparaula a pas nat poder e hè pas que representar los que l’an causit e que’u pòdon cambiar a tot moment.
 
Se que non, nos podèm trobar lavetz dens un sistèma que semblaré lo Centralisme Democratic dambe lo quau fonciona lo Partit Comunista. Una piramida on cada representant pòrta la paraula deu monde deu nivèu inferior, mes pr’amor d’una mena de professionalizacion deu personau, lo poder s’exercís non de la basa de cap au som mes au contrari, lo sistèma permet un conta-ròtle aisit de la basa. L’esperiéncia nos a muishat que’s debana meslèu atau.
 
De tot biaish, en aqueste periòde de remesa en causa de l’organizacion politica, cada idèa es la planvenguda, e MOCICA n’es una de mès. Es pas perhèita, mes pòt servir de basa de soscadissa.

 
Mai informacions sus: mocica.org

 


Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL AN LAFONT



Comentaris

20 de decembre 17.45h

Mercés plan! Encara de que soscar.


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions