CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Divendres, 24 de mai

Joan-Marc Leclercq

Dimars, 28.3.2017 03h00

Los mèdias agents de premsa deus terroristas?


Comentaris 6 comentaris    
Dolent Fluix Bo Molt bo Fabulós (1 vòte)
carregant En cargament


France 2 anóncia lo ser de l’atemptat de Londres a son jornau televizat lo nom deu l’autor … qu’es pas lo bon. (Trevor Brooks au lòc d’Adrian Russell Ajao)




Etiquetas
leclercq, mèdias

Solide lo títol es drin exagerat, mes vòli parlar d’un fenomèn que passa mesura dempuèi ara bèra pausa, es la cobertura mediatica deus atemptats d’aquestas darrèras annadas.
 
Çò que’m hè escríver aquestas linhas, es lo hèit que, lavetz qu’una persona a gahat pedanhs suu pont de Londres dambe un amira clarament de tuadera, France Info le consacrava tre l’endeman una jornada especiala e la quita Fabienne Sintes presentava lo 7h-9h dempuèi lo capduelh britanic.
 
Podètz lavetz imaginar l’empleadís radiofonic: entrevistas de testimònis de totis, quitament s’an pas vist gran causa, comentaris sens de fin, ton dramatic de fin deu monde, etc …
 
Solide un atemptat es quicòm de grèu, sustot quan i a agut mòrts, mes la tòca es pas justament de terrorizar lo monde? I a, a còps, accidents que hèn mès de victimas, e que son mens cobèrts peus mèdias. Es normau, me diseratz, que dens lo cas d’un atemptat, i a la volontat de tuar quan un accident es escandençós.
 
Tiò, mes se la tòca es de “hèr parlar”, perqué ajudar los autors?
 
I a tanben un aute aspècte que’m sembla important.
 
Dens lo s cases de Mohammede Merah, de Salah Abdeslam, de Mohamed Lahouaiej-Bouhlel (de Niça), de Ziyed Ben Belgasem (d’Orly) e sens de dobte d’autes, la motivacion religiosa es pas clarament establida.
 
Vaquí polit monde que hèn pas la pregària, que beven alcoòl, que fuman cannabís, que van pas a la mosquèia, que minjan pòrc e que hèn pas lo ramadan, çò qu’es dejà fòrça. Jo, coma vegetarian e que bevi pas d’alcoòl, seguissi, sens d’ac voler, mès que non pas eths los precèptes de la religion musulmana.
 
Còp sec, aquestes piris se cambian en extremistas religioses, a còps “en unas setmanas”, es a díser exactament a l’opausat de çò qu’èran pendent nombrosas annadas. Curiós, non pas?
 
Soi segur que las motivacions que’us honha son de duas sòrtas:
 
Motivacion meslèu “politica”, que se vòlon venjar las victimas deus Occidentaus en Siria e Iraq.
 
Motivacion personala de tipe psicologic.
 
Es evident que cométer un atemptat lor sembla quicòm de gran, quicòm d’excepcionau e benlèu, sens d’ensajar de hèr psicologia a carn de can, les pòt ajudar a comolar un vueit de lor existéncia.
 
Quan Ziyed Ben Belgasem tira de matin suus policièrs que’u vòlon conta-rotlar abans qu’arribèsse a l’aeropòrt, apèla son pair e le ditz: “Espia la television, ne van parlar. “ L’atrèit deu sensacionau es evident.
 
Es pr’aquò que, segon jo, caleré meslèu tractar los atemptats d’un biaish mès anonime, sens de muishar la cara deu terrorista ni citar son nom. Qué de mès encoratjant ende quauqu’un d’esbarrit en recèrca de sens a sa vida, que de véser que, dambe pauc de mejans, es possible de vénguer lèu celèbre peu monde sancèr e acabar atau sa vida d’un biaish eroïc?
 
Es pas aquò qu’auré honhat Andreas Lubitz lo 24 de març de 2015 a esglachar son avion de la German Wings contra la montanha? De tot biaish, los especialistas de psiquiatria ac suggerissen, tot coma ende las tuaderas de massa de Columbine o autes murtres “espectacloses”.
 
Aquò’s aisit de díser, mes los mèdias hèn çò que vòlon e pr’amor qu’an besonh d’auditors. Seré benlèu lavetz a la polícia de difusir pas la fòto ni lo nom deu terrorista.
 
Sustot quan un gran mèdia (France 2), anóncia lo ser de l’atemptat de Londres a son jornau televizat lo nom deu l’autor … qu’es pas lo bon. (Trevor Brooks au lòc d’Adrian Russell Ajao)
 


abonar los amics de Jornalet

 
 



publicitat
BANER1-2-3: DGPL AN LAFONT



Comentaris

1 d'abril 10.25h

#4 Sens doblidar Mohammed Merah, que trabalhava pels servicis secrets e qu'a fach de viatges a l'estrangièr per els, qu'es dintrat en Israèl alavetz qu'avèva una fica "S" qu'èra una cobertura per infiltrar los mitans islamics.
L'escenari de son "arrestacion" mancada a pas res de véser ambe la realitat e es impossible.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

30 de març 16.50h

Le regard du barbu sur la photo, ça transpire l'intelligence et la profondeur d'âme...


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

30 de març 10.46h

Le terrorisme de masse est pratiquement toujours manipulé par les services secrets, l'Etat profond. Cf. attentats anarchistes des années 1890 manipulés par la police (Auguste Vaillant) et menant aux "lois scélérates". ça ne vous rappelle pas quelque chose? Attentats en Italie durant les années de plomb (Piazza Fontana, gare de Bologne, assassinat d'Aldo Moro...)
Vous remarquerez le profil de TOUS les "terroristes islamistes" (Charlie Hebdo, Bataclan, Nice, Roissy, Belgique etc...) petits... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

30 de març 09.47h

Soi d'acòrdi amb los dos comentaris de Lachaud e Bernat. Los mèdias "main stream" los pòdon nomar "propagandosphère". Al servici del poder vertadièr, qu'es pas a l'Elisèu, ni a Matinhon, ni a l'Assemblada nacionala. Lo Grand Capital es pas elegit.
Qualques uns refusan encara de veire aquela realitat, jos pretèxte que seriá de "complotisme" mas es de mai en mai de bon veire perqué s'escondon pas mai amb lo nen Rotschild, Macron.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

28 de març 14.57h

Eth diu d'era guerra (Arès) era tostemps acompanhat d'eras diusas Paur (Deimòs) e Òdi (Fòbiòs).
Tot çò que cau entà mantier eths pòbles aths pès de quin governa e de quin manèja finanças.
"Quan era Rason qu'ei adromida, ja se desvelhen eras Quimèras."


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

28 de març 11.40h

Anam un pauç pus lonh. Trobatz qui paia los medias e perque? Trobaretz segur la rason d'aqueu monde que fan daus atemtats. Arestatz un pauç de far los inocents.


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions