CAPÇALERA: IEO09-01
CAPÇALERA2: Botiga

Jornalet, gaseta occitana d'informacions

Divendres, 2 de decembre

Joan-Marc Leclercq

Dimars, 11.4.2017 03h00

Lo jacobinisme es antidemocratic per definicion


Comentaris 6 comentaris    
Dolent Fluix Bo Molt bo Fabulós (3 vòtes)
carregant En cargament


Sabi pas s’atz espiat au finestron lo debat deus onze candidats de l’eleccion presidenciala, mes jo, que nani. N’èi totun avut le rebomb per la telaranha qu’a seleccionat “çò que calèva reténguer” deus escambis entre los aspirants presidents.
 
Me soi atau assabentat de çò que la frasa qu’a mercat mès los esperits es la de Poton que declarèc de cap a Marion “Marine” Le Pen: “Quan sèm convocats a la polícia, nosautes, i vam, am pas nada immunitat obrèra …” Es estada largament relaiada suus hialats sociaus, plan mès que las autas. A trobat la formula que calèva.
 
Mes es pas d’aquò que volerí parlar. Volerí evocar un aute escambi, entre lo Jean-Luc Mélenchon e la medisha “Marine” Le Pen. Aquesta acabava de s’engorgar sus un camin eslurriu, lo de l’identitat. Los militants de las lengas saben plan quin dangèr representa lo Front National de cap a nòstes culturas, mes aquò los empacha pas de’s plaçar en defensors d’UNA cultura (una sola, la “francesa”, teorica, saunejada e que volon impausar) que dison amiaçada per las culturas estrangèras, musulmana en particular.
 
Cau estar candidata politica ende poder declarar aus Alsacians lor voler “tornar Alsàcia” en tot botar dens sa lista de promessas (aperada “programa” peus politicians) la supression de las regions … N’i a, totun, a Estrasborg, qu’an trucat de las mans quan ac digoc. Vai-t-e’n comprénguer quicòm …
 
E doncas la “Marine” (es son chafre) vòu véser lo retorn de las grèpias dens los ostaus de comuna au moment de Nadau. Sus aquò, lo Mélenchon enterveng, esmalit. Ça ditz que los Franceses a 60% an pas de religion e doncas “lor cau fóter la patz”.
 
Es pas la question. Çò que los dus candidats volon, es una lei nacionala aquò dessús. Vòu díser una uniformitat sus l’ensems de l’Estat.
 
E perqué pas demandar l’avís aus estatjants eths medishes de cada comuna? Vosautes ne volètz, una grèpia? Botatz-vos la. Ne volètz pas? Ne botatz pas. Lo sentit deu monde de cap a la grèpia pòt cambiar d’una persona a l’auta. N’i a qu’i veson pas qu’un sovénguer agradiu de lor temps de mainat quan d’autes i son atacats per rason religiosa o que son butat pr’aquò.
 
E se pòt cambiar d’una persona a l’auta, pòt tanben cambiar d’un país a l’aute. Lo rapòrt a la grèpia es pas lo medish en Alsàcia qu’au Biarn, que’n banlèga parisenca o qu’a Wallis e Futuna.
 
Un còp de mès, los candidats jacobins an clarament muishat que’s trufan de çò que lo monde pensan e volon impausar la medisha realitat a cada terrador. Viven dens una tor d’ivòri parisenca e espian lo demès de l’Estat de haut estant.
 
I a pas ren d’esperar de la filosofia jacobina, ni tanpauc de nat candidat d’aquesta eleccion. Lo quite Michel Onfray se n’es esmavut e eth, qu’es en contra de las lengas ditas “regionalas”, vòu “descolonizar las províncias”. Un bon programa per la debuta, quitament se los mots son pas causits de plan.

 
abonar los amics de Jornalet
 
 



 



publicitat
BANNER1 - OPLO erasmus



Comentaris

11 de mai 10.05h


Tes réflexions sont souvent symphatiques, à ton image de chanteur, et de bon sens . Mais parfois légères, sauf ton respect . Ta notion de "jacobinisme " est bien floue, bien trop floue pour se poser en mesure de ce qui est démocratique ou ne l'est pas . En réalité, tout l'occitanisme va répétant " jacobinisme jacobinisme " sans savoir de quoi il s'agit . Notion commode, comme on dit en maths/ physique, pour désigner un adversaire qu'on n'a pas besoin de définir " puisqu'on sait to... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

11 de mai 02.45h

Tes réflexions sont souvent symphatiques, à ton image de chanteur, et de bon sens . Mais parfois légères, sauf ton respect . Ta notion de "jacobinisme " est bien floue, bien trop floue pour se poser en mesure de ce qui est démocratique ou ne l'est pas . En réalité, tout l'occitanisme va répétant " jacobinisme jacobinisme " sans savoir de quoi il s'agit . Notion commode, comme on dit en maths/ physique, pour désigner un adversaire qu'on n'a pas besoin de définir " puisqu'on sait tou... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

14 d'abril 12.50h

#3 Despuèi que menam batuèsta per nòstra lenga, se vei pro que los politicians se'n foton completament de nòstra identitat prumièira.
Aclapats de vergonha per l'escòla, nòstres ancians la delaissèron la responsabilitat de trasmetre a lurs enfants lur eiretatge immateriau. E l'espandi linguistic que laissèron de voide se retrovèt a flor e mesura ocupat per una autra lenga : l'empausada. La cultura, ela, manquèt pas de patir las consequenças de la mondializacion, de l'uniformizacion... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 d'abril 08.40h

Per sortir d'aquel estat de colonisats caldriá una luta armada e una populacion majoritàriament independentista o, al mens, autonomista. Mas on son las divisions occitanas? Ieu las vesi pas en defòra d'un punhat de militants occitanistas que parlon fòrça mès son pas prèstes a prene un fusilh.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

11 d'abril 10.47h

Volam una lei per l'occitan e damandam aquò a daus monde jacobistes que son contre nòstres? I a benleu una contradiccion.

Michel Onfray agrada pas mas se sert dau mot " decolonisar la provinça". Que quò vòl dire? Perqué nòstres braves ensenhaires occitanistas emben tant d'annadas d'estudis porrian pas nos far una dissertacion aqui dessus? D'accòrd z'an pas aprengut a l'escòla! Mas, i a que la lei linguistica que compta. S'i avia una lei porrian l'aplicar dins lòrs escòlas sens se... Legir la seguida


Valora aquest comentari:   votar positiu 7   votar negatiu 2
Respondre comentari replica Comentari inadequat   Formulari d'abús de comentari

11 d'abril 10.20h

Aquo es plan dich mas ia degun per lo dire sus las cadenas de l'ex ORTF sonque de braves jacobins que prometon totes qu'an forcas solucions per far quicon enta crear de nous emplecs aici luenh de lor ostal de technocrates saberuts...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions