CAPÇALERA: ETH LO
CAPÇALERA2: ESTRENA DE L'AN

Jornalet, gaseta occitana d'informacions

Divendres, 21 de febrièr

Joan-Marc Leclercq

Dimars, 9.5.2017 03h00

Lo totalitarisme doç


Comentaris 8 comentaris    
Dolent Fluix Bo Molt bo Fabulós (3 vòtes)
carregant En cargament


Bon, va plan, dempuèi diluns de matin podèm criticar En Emmanual Macron sense d’estar acusat de “hèr lo jòc” deu Front National. Oooof, podèm bohar drin.
 
Non, çò que’m chepica meslèu, es que l’Estat francés a conegut las duas darrèras setmanas un periòde de totalitarisme “doç”, lavetz que cada ciutadan es convençut de çò que l’exagòne es “lo país deus Drets de l’Òme”.
 
Solide, comprengui plan la diferéncia entre totalitarisme violent e doç. Lo purmèr utiliza la violéncia contra los opausants en los botar en preson per exemple, o en los empachar de practicar lor mestièr. Lo totalitarisme doç es doncas mès agradiu, que digun est pas arrestat per la polícia e patís pas de patacs e trucs. Mes es totun un totalitarisme.
 
Lo monde, sovent, vesen pas la diferéncia entre uns concèptes que son ligats, solide, mes pas identics. Per exemple, mesclan “democracia” (poder au pòble) e “libertat d’expression” (possibilitat de s’exprimir sense miaça). Dens l’Estat francés, podèm criticar lo poder sens aver paur d’aver trabucs dambe la polícia. Es plasent e agradiu. Aquò s’apèra la “libertat d’expression”.
 
Nòsta votz portarà pas luenh. Sufís pas que d’encontrar monde deu nòrd de l’Estat ende véser que son pas brica au sicut de çò que pòt estar lo problèma de las lengas que, se’n podèm parlar, nòste punt de vista serà pas jamès representat dens los aròus deus capulats deu poder ni dens los mèdias estataus. Am la libertat d’expression (concèpte n°1) sens d’aver la democracia (concèpte n°2).
 
Es la frasa deu praube Coluche que resumís fòrça plan la situacion: “Lo comunisme es cara-te, quan lo capitalisme es pòdes totjorn parlar … “.
 
França, doncas, aquestas darrèras duas setmanas, s’es trobada dens la situacion incresibla on 100% deus canaus de television, 100% de las estacions de ràdio, 100% deus jornaus, 100% deus magazines, 100% deus jornalistas, 100% deus cronicaires, 100% deus animators de mèdias, 100% de las redaccions, 100% deus artistas engatjats, Green Peace, e sabi pas qué encara, hascón propaganda ende la candidatura deu medish candidat.
 
Suu servici public, cada imatge, cada virgula de tèxte, cada expression, cada cara que hasèvan los jornalistas, cada entrevista èran totis dedicats a la reclama peu candidat d’En Marche. Jo, que soi luenh d’estar un ahuecat deu FN, èra objectivament desolat de véser la manca d’objectivitat deus reportatges que passavan au finestron. Avèvi quitament paur que l’aspècte tan espés de las cordetas avossen l’efèit invèrse, lo de honhar los electors a votar Le Pen per simple hasti.
 
Un sol cronicaire de France Inter, Pierre-Emmanuel Barré, estoc quitament censurat pr’amor qu’èra abstencionista. A dempuèi balhat sa demission.  
 
Per carrèras, la cara de Macron se podèva véser a cada canton, sus las cobèrtas de magazines coma Le Nouvel Observateur ou l’Express, que’u muishavan dambe los títous: “A ganhat!” (sic) o “Fàcia a l’Istòria” … Lo quite Libération s’es quitament permetut de propagandar end’En Macron lo dissabte de matin, lavetz qu’es interdit per la lei.
 
Los hialats sociaus èran caperats de messatges que flaminavan los eventuaus abstencionistas en tot miaçar d’un retorn de las cambras de gas e deus camps de concentracion s’una majoritat anava pas elegir lo pichon Emmanuel. La pression èra de las fòrtas e caloc pro hitge ende resistir a la malícia deus esvarjaires. 
 
Èra com s’avèvam passat duas setmanas en Turquia, on la campanha deu recent referéndum semblava un pauc ad aquera. E saben los Franceses que “lo país deus Drets de l’Òmi” es classificat 39-au per Reporters sans Frontières dens la lista deus Estats per libertat de la premsa? La rason? La premsa franchimanda aparteng a paucas personas ricas e la diversitat es pas brica representada. De qué se chepicar, non?
 
Mes bon, los Franchimands son tan fièrs e segurs d’eths…
 
 
 
 


abonar los amics de Jornalet
 



publicitat
BANER1: AOF



Comentaris

9 de mai 20.04h

Faguèron tant e mai que n'ai encara lo soslèu . Que lo piéger foguèt sus France 2 après l'eleccion de Macron , que diguèron , que los françèses venian de donar lo vam e lo drech de modificar lo còdi del trabalh... E tot lo demai.... Après cal pas s'estonar de la violéncia . Fin finala los dictators durs son pas que de maladreches e d'imbeciles , que sabon pas manejar los medias , pas besonh de tuar, de tortura, l'istòria mòstra qu'ambe pron de CRS , e una mediacratia plan pagada ... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

9 de mai 17.01h

Bravo M. Leclercq pour la finesse et la justesse de vos analyses, ce qui n'est pas toujours le cas sur Jornalet, malheureusement.
La France n'est pas une démocratie mais une dictature douce, je suis bien d'accord avec vous. Mais vous vous trompez en disant qu'on peut donner son opinion sans risquer des ennuis judiciaires, ce n'est pas vrai. Certains sujets sont inabordables et, quand vous pointez du doigt le pouvoir bancaire et financier vous devenez suspect. Si en plus vous osez nommer ce pou... Legir la seguida


Valora aquest comentari:   votar positiu 7   votar negatiu 2
Respondre comentari replica Comentari inadequat   Formulari d'abús de comentari

9 de mai 13.25h

I a daus jornaus « nacionaus » que s‘esvedeleten pas dins la « macronmania » sans davalar dins l’autre biais, pense aquí a la « Descreissança », e quò deu be poder se’n trobar d’autre — e son mai d’una vetz daus jornaus sans propaganda.

Atz be, mai d’una vetz, parlat aquí, dins un jornau nacionau maitot — de la nacion de l’occitanistan — atz be parlat dau monde de la confusionitat sens que degun vos diguesse quau que siàia ? o b’etot vos amenaça ? Non ?

Sus l... Legir la seguida


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

9 de mai 10.28h

#3
Lo departament lo mai per Macron es Pirenèus Atlantics 74,81% per Macron
Lo departament lo mai per Le Pen es Var 49,15% per Le Pen


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de mai 10.28h

#3
Lo departament lo mai per Macron es Pirenèus Atlantics 74,81% per Macron
Lo departament lo mai per Le Pen es Var 49,15% per Le Pen


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de mai 10.22h

Las estatisticas dolças :

Occitània es 14 718 555 d'encriches sus las listas. electoralas

Occitània es al 2n torn 22,68% mejana abstencions

Occitània es al 2n torn 11,73% mejana de blancs

Occitània es al 2n torn 3,86 mejana de nuls

Occitània es al 2n torn 63,86% mejana per Macron

Occitània es al 2n torn 36,14% mejana per Le Pen

Bocas del Ròse ten lo mai d'abstebcions ambe 26,57%

Arièja ten lo mai de blancs ambe 11,15%

Cruesa ten lo mai de nuls ambe 5,48%

Bocas de Ròsa es ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de mai 09.40h

Plan ben dich.

Macron a festejar sa victòria au Lobre sos un simbòle iluminati. Es pas un asard. Lo simbòle iluminati es l'uelh d'Orus a la cima d'una piramida.
Es clara que sa prestacion a estada estudiada per una fòrça qu'agis per en-dessos, que fai aplicar sas idéias per daus òmes de palha; Darrier i a los Rotschid. La familha Rptschild tota assemblada a 5 còps mai de fortunas que las dietz familhas las mai richas dau monde. Es pas un orator nascut; a subit una formacion per aqu... Legir la seguida


Valora aquest comentari:   votar positiu 0   votar negatiu 8
Respondre comentari replica Comentari inadequat   Formulari d'abús de comentari

9 de mai 09.05h

Plan berroi article. A estudiar dins los corses d'occitan per adults !


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions