CAPÇALERA2: AMICS DE JORNALET

Jornalet, gaseta occitana d'informacions

Dissabte, 16 de decembre

Joan-Marc Leclercq

Dimars, 25.7.2017 03h00

La guèrra deus vaccins es tornada


Comentaris 6 comentaris    
Dolent Fluix Bo Molt bo Fabulós (5 vòtes)
carregant En cargament


A pas trigat. A pas sufit que lo govèrn d’Edouard Philippe anóncie per sa ministra de la Santat, Agnés Buzyn, que lo nombre de vaccins obligatòris passèren de 3 a 11, ende desenterrar la pigassa de guèrra entre los pro-vaccins e los anti-vaccins.

Vaquí doncas un vielh pelei reviscolat per un govèrn benlèu pressat.

Disi de tira qu’envegi los qu’an un avís trencat sus la question. Soi pas mètge, soi pas farmacian, soi pas quimista e lo debat me deisha pensatiu. Soi entornejat dens ma vita vitanta per monde anti-vaccins, mes m’i escadi de guardar la sang freda. M’interèssi lavetz meslèu au debat eth medish.

Vesi sustot que los debataires son sovent segurs d’eths medishes e an la tendéncia d’estar agressius e auturoses de cap a los que pensan pas la medisha causa.

Los anti-vaccins nos dison que cau deishar d’estar motons quan los pro-vaccin comparan los autes aus partidaires de la Tèrra Plana. E totis an en comun d’estar especialistas reconeishuts autoproclamats deu problèma.

M’apugi lavetz sus elements que’m semblan racionaus e de pas discutir. N’i a, totun.

Sembla que los vaccins estón una invencion de las bonas que permetón d’eradicar malautias de las qualas monde patissèvan.

“En medish temps” (Com ditz E. Macron eth medish), pensar que los laboratòris farmaceutics que venen los vaccins an pas una influéncia suus politicians end’ensajar de tirar la lei a lor favor me sembla pas tanpauc complètament un deliri.

Pr’amor que sovent los adversaris parlan pas de la medisha causa. Los “pro” son generalament fòrça racionalistas e defenen la sciéncia, quan los “anti” se mauhisan meslèu d’un sistèma basat suus sòus que pòt desaviar de sa tòca de santat publica quin programa que sia.

Lo fracàs de l’operacion de vaccinacion contra lo virus H1N1 o l’escandale Servier-Mediator èran pas ende rassegurar lo ciutadan. La prèssa dambe la quala lo govèrn navèth decidís de legiferir pausa tanben questions. Se sap qu’un president elegit de fresc deu tornar las còstas de sa campanha a los que l’an sostengut. Totis se bremban plan de Jacques Chirac que decidiscoc de tornar hèr los ensais nuclearis tre son arribada au palau de l’Elisèu. 

Puèi, per astre, i a tanben monde, sovent mètges, que son pas anti-vaccins mes que pensan lo nombre d’11 es fòrça exagerat. Una iscla de rason, benlèu, dens una Mar Grana de passion descabestrada.
 
 
 


abonar los amics de Jornalet
 



publicitat



Comentaris

27 de julh 22.12h

L'amic Joan-Marc Leclerc maneja fòrt plan lo son dialecte e la dialectica.
Cal ajustar que fa qualque temps, se cal cargar mai de tres vaccins per manca de boetas de tres.
Se la lei normaliza la penuria, qu'organisa lo mercat...
Aquò´s lo fisson de la pica-pelada, ça diriá Vestrepain!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

26 de julh 22.58h

#4 Soi d'acord, a baish los antivaccins que meten en risc la salut publica!


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

26 de julh 08.43h

Nos cal a totes, obligatòriament, un vaccin contra lo liberalisme, contra l'individualisme e contra la somission a la lei dels mai fòrts. Aquí los problèmas de collusion entre los interèsses sanitaris de las populacions e los interèsses financièrs privats seràn levats de tira !


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

25 de julh 16.38h

#1
La malausia es pus epidemica justament gràcia à la vaccinacion.
E s'èra pas estada descobèrta, serem pas achí perque nòstes parents aurén belèu cargat la tuberculòsi o lo colerà avant que neishússim.


Valora aquest comentari:   votar positiu 7   votar negatiu 2
Respondre comentari replica Comentari inadequat   Formulari d'abús de comentari

25 de julh 13.52h

#1 Per contra, fer perilhar la samtat dau conjunt de la societat (perque lo problèma es que pocas personas non-infectadas bastan per a que lo gèrmen sobrevisca e evolucione) per paur es la solucion non-nazi, e?
Non-nazi es que de mainatges moren de difteria per no estre vaccinats?
Non-nazi es pretendre lo drèch de metre en perilh la santat da la gent per d'ideas scientificas dubtosas e contra la evidència?

Lo fach que lo sistèma inmunitari se desvolope durant la infantesa mercés au conta... Legir la seguida


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

25 de julh 08.47h

Nazi es la politica que consista a inocular a un goiat qu'a pas enguera lo sistem imunitari format una substança directament dins lo sang a partir d'una teoria facha per daus adults e a una periòda ente las malaudias son pus epidemicas. Delai los vaccins i a çò qu'on apela daus adjuvents es a dire de las substanças coma l'aluminium que son pas bonas per la santat.

Nazi es la décision prenguda per lo president de la Republica alaidonc que l'Amassada Nacionala a pas agut son mot a dire.
... Legir la seguida


Valora aquest comentari:   votar positiu 2   votar negatiu 10
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions