CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Joan-Marc Leclercq

Dimars, 1.8.2017 03h00

Una idèa ende sauvar Provença


Comentaris 25 comentaris    
Dolent Fluix Bo Molt bo Fabulós (5 vòtes)
carregant En cargament


Las idèas arriban sabèm pas coma. A còps son bonas, a còps ne son pas, es pas que l’avénguer qu’ac pòt díser. Èi doncas agut una idèa ende sauvar Provença.
 
Sauvar Provença?
 
Tiò qu’i a un problèma dambe aquesta region, fòrça emblematica d’Occitània, es lo son nom. Solide, lo jacobinisme franchimand ensaja tostemps de hèr desaparéisher los noms e las identitats de paises vertadièrs e s’i escad meslèu plan dinc a ara. Roèrgue es vengut Aveyron, Bigòrra es venguda Hautes-Pyrénées o encara Flandras, Cambresís e Avenés estón agropats dens una estranha entitat artificiala enchafrada enigmaticament Nord, on, d’alhors, neishoi.
 
Provença es totun la patria de Frederic Mistral, possedís un nom que pòrta valors istoricas e culturalas qu’èi pas besonh de tornar brembar, sustot aus legedors deu Jornalet. Es autan importanta a Occitània que non pas un braç o una camba a un còs uman.
 
Entre 1960 e 1970, la region s’apèra Provence-Côte d’Azur-Corse. Après lo destacament de Corsega, lo nom navèth es Provence-Alpes-Côte d’Azur. En 2009, Michel Vauzelle, president de la region, avia una consulta ende cambiar lo nom, mes sens d’escaduda.
 
Lo problèma de la region es doncas que, a l’orau coma a l’escrit, es l’acronime polidet PACA qu’es emplegat, prononciat elegantament “pakà”. Los elements Aups e Còsta d’Azur servissen de representar parts non-provençalas de la region, coma lo comtat de Niça per exemple.
 
Doncas vaquí la problematica:
 

— Lo nom de la region deu conservar los elements Provence, Alpes e Côte d’Azur.
 
— Lo monde lo pronóncian “pakà”, es lèd e l’element màger, Provença, desapareish.
 
— La solucion que contentarà totis?
 
Invertir Alpes e Côte d’Azur. “P.C.A.A.” es pas guaire prononciable, e los jornalistas deu servici meteorologic e autes, que vòlon tostemps abracar, poderàn pas hèr que díser Provence. Adiu “pakà”, levat s’un d’eths a la marrida idèa de prononciar “pécé 2 a”, mes m’estonaré totun.
 
Me perpausi de mandar una letra au president de la region, mes se venguèva d’associacions provençalas, cresi que marcaré milhor e seré mès eficaç.
 
Una auta solucion demòra, se que non, es qu’Occitània sia independenta e que los paises tornen trapar lor nom vertadièr. Mes aquò’s una auta istòria …
 
 
 


abonar los amics de Jornalet
 
 



publicitat
BANER1-2-3: DGPL DICTADES



Comentaris

6 d'agost 11.17h

Pauc impòrta l'etiquetatge administratiu.
Cal sostitrar los noms de vilas e vilatges amb lo nom istoric de província e/o del país local.
De véser en País Català.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

4 d'agost 13.42h

#2 Dins l'èst d'Occitània, Provença gardèt ocasionalament un sens de pan occitan. Mas a subretot un sens local.
Dins lo centre d'Occitània, Occitània a lo sens pan occitan e desempuèi gaire amb "Occitanie Pyrénées Méditerranée" a tanben u' sens local.

Daufinat es diferent de Provença. S'i parla vivaroalpenc dins lo sud Daufinat: 05, 26, part 38...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

4 d'agost 12.27h

Aviái ben comprés que la color politica generala de la region PACA aviá enfluençat la causida de la manténer dinc sa talha d'origina. Ce que, segon ieu, vau una mesa en quarantena amai una escleròsa d'aquela region. Aquò's estat volgut per ieu. Aumens d'aquel biais, son los provençaus que cargan la reputacion d'estremistas, costejant lurs cosins italians de "La Lega Nord".
Caricaturau mès... au levant, lo Mau, au ponent, lo Ben (= blu-negre d'un costat, ròse-roge de l'autre).
Solament... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

3 d'agost 14.45h

Una idea per salvar Provence... Evitar que "mercants del temple" raubesson lo nom Occitania pel lengadòc, dubrissant atau la pòrta al Coulectiou Prouvençaou (excuse my mistralenc) de poder diser "non, Occitania es al costat"...
Ah merda, es ja fach... Mas pensi qu'ac sabes plan Jomo


Valora aquest comentari:   votar positiu 4   votar negatiu 4
Respondre comentari replica Comentari inadequat   Formulari d'abús de comentari

2 d'agost 23.39h

#20 Brave Raiòu,
Parles de retalhar e de restacar Cevenas a Provença.
Cevenas son a la crosada dals parlars, coma o dises, e faudriá retalhar Cevenas...
Lo mèu Papet de La Rovièira, al pèd del Mont Liron, parlava un alésenc en disent totas las consonantas finalas coma en Langadocian, e que s'i conoissiá pas dinc l'Armanà Prouvençau.
Quand venguèt restar a Tolosa, li èra de bon comprendre los tolosencs, riba drecha de Garòna, e los de mai dusqu'al Clapàs.
Vai saupre!









Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

2 d'agost 15.43h

Las relacions economicas e professionalas son pus emportentas entre Montpelhièr e Provença qu'entre Montpelhièr e Tolosa.
Restacatz-me lo Lengadòc orientau (Cevenas enclusas) a Provença emb dau sud d'Ardecha mai lo sud de Droma : aquí auretz una coerença istorica, culturala amai actuala. Non pas administrativa e politiciana coma o son PACA e OCCITANIE d'aquí enlai !


Valora aquest comentari:   votar positiu 9   votar negatiu 4
Respondre comentari replica Comentari inadequat   Formulari d'abús de comentari

2 d'agost 15.29h

#14 Remarca qu'atrape enteressanta personalament. Poiriatz desvelopar mai ?


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

2 d'agost 15.26h

#12 Quand disètz "Aquò es grandament facilitat a l'ora d'uèi pels mediàs audio-visuals parisencs que charran exclusivament amb aquel accent e que de facto rendan tot autre biais de charrar francès nèci e desvaloritzaire. Qual a envièja de passar per un nèci, d'ésser desvaloritzat ? Diguns."

Justament. Aquò ven jonhir ce que diguère dinc mon comentari n°10 en escrivent "remontar a la rason prumièira" : "la paur dau bandiment d'un grope e la paur de la mòrt (paurs animalas)."
Se ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

2 d'agost 12.19h

#15 Mas Provença a pas besonh d'ésser sauvada, personalament la trapi fòrça plan coma aquò.


Valora aquest comentari:   votar positiu 14   votar negatiu 5
Respondre comentari replica Comentari inadequat   Formulari d'abús de comentari

2 d'agost 12.17h

#14 Mas Provença a pas besonh d'ésser sauvada, personalament la trapi fòrça plan coma aquò.


Valora aquest comentari:   votar positiu 12   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions