CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Diluns, 20 de novembre

Joan-Marc Leclercq

Dimars, 7.11.2017 03h00

Catalonha: legalitat o legitimitat?


Comentaris 8 comentaris    
Dolent Fluix Bo Molt bo Fabulós (8 vòtes)
carregant En cargament


L’independéncia de Catalonha hè despéner fòrça tinta (es un imatge drin vièlh), colar fòrça shaliva e se guastar fòrça clavèrs d’ordenator. Cadun i va de son idèa e solide atz dejà agut debats o peleis au tribalh, entre amics, dens la familha o sus hialats sociaus.
 
Se calèva hèr un resumit deus arguments utilizats, es que los “dependentistas” (es mès brac que non pas “anti-independentistas”) invòcan pas que la “legalitat”, quan los partidaris de l’independéncia parlan de “legitimitat”. Jo diserí meslèu que quicòm es “just” au lòc de “legitime”, qu’aqueste darrèr mot pòt estar tanben comprés coma “legau” per daubuns.
 
Notaratz tanben que l’argument de “legalitat” es gaireben lo sol peus dependentistas, en tot saber qu’es mauaisit de n’invocar un aute.
 
“Legau” vòu díser “que segueish la lei” e se pòt pas contestar. “Just”, per contra, es una nocion que’s pòt eventualament discutir, e doncas n’apèra a la soscadissa, a l’escambi intellectuau e au debat.
 
Purmèr, se’ns demandam: “Tot çò qu’es legau es just? “, es evident que la reponsa es de non. Vau benlèu me véser atribuïr un punt Godwin, mes escóner Jusius pendent la Dusau Guèrra mondiala en territòri aucupat peus Alemands èra illegau. Mes èra just?
 
Dens l’Africa deu Sud deu temps de l’Apartheid, botar un escritèu a l’entrada de son estanquet on èra escrit “Interdit aus Néguers” èra legau. Mes èra just?
 
Après aquestes dus exemples drin aisits, ac confessi, nos cau aplicar la demanda a la situacion d’octobre 2017:

 
— Organizar una votacion sus l’independéncia de Catalonha èra illegau. Mes èra just?
 
— Organizar una votacion sus l’independéncia d’Escòcia èra legau. Mes èra just?
 
— Organizar una votacion sus l’independéncia de Quebec èra legau. Mes èra just?
 
— Trucar civius pacifics que volèvan pas que votar èra legau. Mes èra just?
 
— Miaçar un politician de’u fesilhar com estoc son predecessor èra legau. Mes èra just?
 
— Saluts fascistas per carrèras es legau en Espanha. Mes es just?
 
— Dissòlver un parlament elegit èra legau. Mes èra just?
 
— Botar elegits deu pòble en preson èra legau. Mes èra just?
 
— Los tractar com terroristas après l’arrestacion èra legau. Mes èra just?
 
Bon, es evident que díser de òc a totas aquestas question seré d’una marrida fe excessiva. E totun, n’i a qu’ac hèn.
 
Çò que hè paur dens aquestes debats dambe monde que, a còps, coneishèm plan, es que lo fascisme pòt tornar lèu lèu en temps de crisi. Monde que’s reclaman totun de la Democracia se pòdon amagar darrèr l’argument de “legalitat” ende sosténguer accions que son de tota evidéncia injustas.
 
Pr’amor ac hèn? Pr’amor que son partidaris d’un punt de vista (an lo dret, perqué pas, es la libertat, cau respectar aquesta opinion) e que son gahats dens una situacion de la quala pòdon pas sortir pr’amor de las marridas accions deu responsable unionista de la crisi, es a díser lo que representa lor biais de pensar.
 
Lo monde que disen: “Soi pas a favor de l’independéncia de Catalonha mes Rajoy es un fascista” se pòdon comptar suus dits de la man. Cau coratge e reflexion. N’i a, totun.
 
La polícia russa a arrestats aqueste diumenge uns 400 opausants. Me freti las mans a l’avança de véser las reaccions deu defensors franchimands de la Libertat, que van tornar trobar còp sec lo sens de la Justícia. Cau díser que la manifestacion a la quala participavan èra illegala.
 




abonar los amics de Jornalet
 
 



publicitat



Comentaris

8 de novembre 22.31h

#6

es teu mallorquí és fantástic, m'agrada, aixi com parles escrius, fabulós


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

8 de novembre 22.29h


Puigdemont enforiscat
Aiçò es pas un govèrn en l'exili, es quitament pas mièg govèrn, mas un grop de politics derrotats, convertits en agitadores
Governan pas. Ensaja pas o semblar quitament pas. La republica que proclamèron existís pas ni a existit. Se limitan a far agitación. A donar d'entrevistas e de conferéncias de premsa. Parlar, parlar, parlar. Ficats en lo bucle de totjorn, mas ara luènh d'ostal, jol sindròme de la sobrexcitación e de la recèrca de quin signe que siá que ... Legir la seguida


Valora aquest comentari:   votar positiu 4   votar negatiu 2
Respondre comentari replica Comentari inadequat   Formulari d'abús de comentari

8 de novembre 07.59h

Es teu plantetjament ês una trampa dialéctica. Estas presentant sa justici com es metallenguatge de sa legalidad. Per un costat apelas à un suposat sentit de sa justici abstracte, subjetiu e infalible des que tuthom disposa y an so que pot dí lo qu'ês just ò injust an tota seguridad. Cuand já has sugestionat y dirigit à nês lectó, amb un hábil exercici de prestidigitació dius que 'Bon, es evident que díser de òc a totas aquestas question seré d’una marrida fe excessiva', però ... Legir la seguida


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

7 de novembre 22.58h

Soi fòrça aen favor de l’independéncia de Catalonha, e de l'annexion d'Occitania linguïstica a la nòva Republica Democratica de Catalunya, mas aquò empacha pas Rajoy ni totes los caps d'estat actuals que lo sostenon d'èsser fascistas !


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

7 de novembre 14.29h

Excellent argumentari a usar sens moderacion. Aquela legalitat sembla tant normala a tantas gens, en Espanha, en Euròpa e dins le monde.
Amb aquò, la legitimitat es pas absoluda e se pagèlla en percentatge d'adesion de l'opinion.
Çò de remarcable es la progression de la causa en qualcas annadas.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

7 de novembre 12.51h

Dins lo cas de Catalonha, la legalitat e la legimitat se rejonhon. L'independéncia foguèt declarada segons las leis votadas a la majoritat per un Parlament elegit democraticament e un referendum, convocat per un Président, tanben elegit democraticament per la meteissa assamblea.

Es l'utilizacion de l'article 155 de la constitucion espanyola pel govern de Rajoy que es illegal ( un article semblant existis pas dins la legislacion de la Republica Catalana e va contra los dreits de l'òme)... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

7 de novembre 11.33h

Opausar legal e just, per tant interessant que siague, a sas limitas.
Un vièlh adagi ditz: Summun jus, summa injuria. La lei es pas que la letra de la lei utilizada per l'interès d'un partit ou de dos o de tres representants de l'Espanha pan-castelhana.
Si l'aplican al cas podèm pas dire que siague legal de :
trucar civius pacifics que volèvan pas que votar,
miaçar un politician de’u fesilhar com estoc son predecessor,
saluts fascistas per carrèras,
dissòlver un parlament elegit,
bot... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

7 de novembre 09.47h

Article bien virat, qualitós, sans alòngui, que centra la perpensada sus un ponch pertinent de l'aventura catalana e europenca e nos questiona au còp.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions