CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dissabte, 19 d'octòbre

Joan-Marc Leclercq

Dimars, 27.2.2018 03h00

Edat de consentiment sexuau


Comentaris 2 comentaris    
Dolent Fluix Bo Molt bo Fabulós (1 vòte)
carregant En cargament


I a, a còps, idèias que’ns semblan evidentas e limpas, mes s’i soscam un drin, n’ac son pas tan qu’aquò. Se cau tostemps mauhisar de las reaccions a la lèsta en seguida de sangbotits. Cau sovent privilegiar, en mestior juridica, lo cervèth suu còr.
 
Pensi ara au procés de Pontoise d’un adulte de 28 ans jutjat per aver avut relacions sexualas dambe una gojata d’onze ans. Solide qu’aquò legit, vos buta.
 
I a pas avut clarament de violéncia (las relacions an perdurat uns dus meses) e doncas, segon lo dret francés, i a avut consentiment de la part de la menora. Es end’aquò que mantuns perpausan de cambiar la lei e d’empachar d’invocar lo consentiment avant 15 ans.
 
S’analizam lo caminament de la soscadissa, vesèm que lo seriosèr de l’informacion nos hè reagir e sèm escandalizats per l’actitud d’aqueste piri. E pr’aquò sèm mès receptius a la perpausicion de cambiar la lei. E totun, cresi que seré una error.
 
De qué ditz la lei actuala? Ditz que lo forçament es un crimi e qu’es doncas castigat de 15 ans d’empresonament. Tamben, “Lo hèit, per un major, d’exercir sense violéncia, constrenta, miaça ni suspresa un domau sexuau sus la persona d’un menor de quinze ans es castigat de cinc ans d’empresonament e de 75 000 euros d’esmenda.” (Ordenança n°2000-916 deu 19 de seteme de 2000 - art. 3 (V) JORF 22 seteme de 2000 en vigor lo 1èr de genièr de 2002). Desencusat, mes cinc ans es pas ren.
 
Aquò vòu díser qu’un adulte a pas lo dret de tocar un-a menor-a sense anar en preson. Aquesta lei me sembla dejà pro clara. Mes l’idèia de prénguer pas mès en compte lo hèit que sia dambe o sense de constrenta pareish drin fòrta.
 
Aquò significa que la justícia a mens d’elements ende jutjar. Pòt pas hèr la diferéncia entre hèits que podon estar fòrça diferents d’un punt de vista morau. Prenguèm dus exemples opausats:
 
1/ Un adulte fòrça un-a menor-a dambe violéncia. 2/ Un gojat de 18 ans e una gojata de 15 ans son amoroses e an una relacion sexuala. E doncas aquestes dus cases serén jutjats deu medish biaish? Los jutjes poderén pas mès hèr la diferéncia entre duas situacions? Aquò’s coma copar a la justícia un braç o una camba.
 
Es aquò que cau evitar. Dens aquestes “ahars de mors”, tot es pas jamès tan simple. A onze ans, ma pròpria sòr ne pareishèva vint e sus las fòtos d’escòla semblava estar la regenta. Quan un acusat respón que sabèva pas que l’auta persona èra tan joena, es sovent un mejan fauç e mauagit de’s deféner, mes pòt estar, un còp de dètz, la vertat.
 
Es pr’aquò que cau deishar aus jutjes tota la paleta que’us permeterà de pagerar dambe finessa e precision la fauta e la senténcia que cau aplicar.
 
 
 




abonar los amics de Jornalet
 
 



publicitat
BANER1-2-3: DGPL AN LAFONT



Comentaris

1 de març 00.12h

Es impossible de separar le monde entre dus gropes segond un atge de majoritat sexuala, quina que sia, perque son pas affectivament separablas.
Es la medissa causa amb l'istòria dels gropes dialectals de l'occitan, coma se le monde "interpolar" fosquèssa sense contacte e parlar mixte...
Le macronisme es una vision dualista, manicheana del monde, diviseira del pòble jol regne d'una oligarquia.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

27 de febrièr 09.45h

De que se mela la justiça? Totjorn a voler destriar lo bian dau mau. Coma lo professor, de qual dreit juja qu'un eleve es bon e l'autre un ase? Qui es lo melhor d'un diplomat o d'un non diplomat? Tota nòstra societat es basada sur lo dualisme , pire que lo catarisme jujar coma una religion dualista.
A tal atge l'òm declara qu'un(a) goiat (a) a tal capacitat. Tot lo monde devria aprener au mesme ritme, esser, major a tal atge. Lo critere es materialiste." Defenda mos dreits" disia una goia... Legir la seguida


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions