CAPÇALERA: CAOC cursos occità
CAPÇALERA2: FAI-TE SOCI

Jornalet, gaseta occitana d'informacions

Divendres, 22 de junh

Joan-Marc Leclercq

Dimars, 5.6.2018 03h00

Una vertat istorica faussa


Comentaris 9 comentaris    
Dolent Fluix Bo Molt bo Fabulós (9 vòtes)
carregant En cargament


Anfós Jordan (1103, davant Trípol - 1148), comte de Roergue, puèi comte de Tolosa (de 1112 a 1148) e marqués de Provença




Etiquetas
istòria, leclercq, manipulacion, manipulacionistòria

De qué’s aquò, una vertat istorica faussa?
 
Es un hèit istoric qu’es vertadièr e incontestable, mes que balha una faussa idèia de la vertat. L’istòria qu’aprenèm a l’escòla e que repetissem après n’es pleada. Prenguèm per exemple una frasa simpla e mauaisidament interpretabla:
 

— En 1791 la Revolucion francesa a balhat aus Jusius de França l’estatut de ciutadan.
 
— Subjècte (au nominatiu): la Revolucion francesa
— Vèrbe: a balhat
— Complement d’objècte (o acusatiu): l’estatut de ciutadan
— Complement d’atribucion (o datiu): los Jusius de França
— Complement de temps: en 1791
 
Me diseratz, i a pas ren que truca dens tot aquò, i a pas nada mentida, la frasa es clara e incontestabla, e auratz rason. E doncas.
 
Aquò descriu una hèita positiva que podèm atribuir a la Revolucion e a França, un progrès vertadièr modèrne e umanista, sustot quan es seguida de las datas d’emancipacion (com aquò se ditz) dens lo autes paises: Belgica 1830, Paises-Basses 1834, Reiaume Unit 1851, Italia 1861, Alemanha 1871, etc …
 
Causas atau se poden ausir dens los discorses sus la Republica a la quala s’atribuís totas las qualitats (atencion, disi pas que n’a pas nada!) e que balha a l’expression les valeurs républicaines lo poder de barrar tota discutida gràcias a son aspècte absolut e incontestable.
 
Çò qu’es faus dens aquesta vertat, es pas çò que’s debanèc aquera annada, qu’es una hèita reala. Es l’impression o la conclusion que’n vam tirar, la que’n 1791 un jorn navèth s’es lhevat sus mès d’egalitat e de justícia gràcias au sistèma politic deu quau gausissèm encara uei lo dia.
 
Mes se comparam aquò dambe aquesta informacion:
 
— A Tolosa en 1127, Eli Azar, Jusiu, es elegit capítol
 
 (Conferéncia de Danièle Iancu-Agou, directritz de recèrca au CNRS, se parla deu periòde abans los estatuts d’Anfós Jordan de 1147)
 
Endeu monde a qui agradan las chifras, 1791 – 1127 = 664 ans.
 
Vesèm plan que nòsta vista de l’istòria se’n tròba cambiada. Se caloc balhar un estatut de ciutadan a la Revolucion, cau saber doncas qu’a Tolosa dempuèi l’Edat Mejana ne calèva pas, pr’amor que n’avèva pas besonh que podèvan participar a la vida publica. La proprietat de tèrra èra tanben permetuda aus Jusius, çò qu’èra pro rare.
 
Encontram la medisha causa ende la santa instruccion obligatòria, instituida per un cèrt Jules Ferry sanctificat dempuèi, mes qu’arribèc fòrça tard e quitament uns sègles après la de vilas coma Estrasborg per exemple o comtats angleses.
 
Es per aquò que portar un jutjament sus l’istòria es fòrça mauaisit. Una hèita nos pòt semblar revelatora d’un aspècte important, e totun l’estudi alargat deu subjècte nos cambia lo caire de vista e lo sentit que podèm aver de la “realitat”.
 
“Realitat” que, benlèu, existís pas.
 
 
 
 
 


abonar los amics de Jornalet
 



publicitat



Comentaris

11 de junh 23.25h

#8 rata-vertat = vertat relativa...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

11 de junh 23.23h

La ciutadanitat "nacionala" se prend dambela naturalizacion.
La revolucion a naturalizat les judeus.
Tolosa a pas jamais naturalizat les judeus, mais integrat un notable judeu com capitol.
Amb aquò, les judeus d'Occitània èran fòrça integrats e pauc descrimenats.
En bon occitan, val mais díser una rata-vertat...que l'istòira n'i a tot plen...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

11 de junh 17.10h

Me fau pensar la "saga" republicana, a l'istòria de l'escritura de las Bíblias... Escrichas, reescrichas, e prene lo melhor, escafar l'idèa o lo fach que truca, tuar las idèas "ereticas", los "marginals" . Per arribar al cap de dos sègles a quicòm de lis, bèl gaireben un produch acabat, sensible pr'aquò a la mòda republicana, qu 'amolona tot çò de bon, pana de pertot, sens jamai nomenar las sòrgas e dire los davancièrs occitans o autres. Se passèt per l'esclavatge o l'invencion d... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

11 de junh 11.06h

Aquò dich, chau totjorn pesar los arguments. Es verai que de jusieus an pogut occupar de charjas administrativas (los Trencavèl empleavan de "bailes" jusieus"), mas èra perqué aqueu monde èran a l''encòp integrats a la borgesia locala, mas en meme temps en defòra de tot liam familiau, per encausa de lor religion, çò que ne fasia de bons intermediaris. E a Tolosa, l'i avia totun lo rite dau colophon lo vendres sant, quand un representant de la vila mandava publicament un bacèu a un jus... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

8 de junh 22.57h

#4 Que òc! Figura d'estil. Amb aquò, falsa vertat es de costuma un eufemisme per díser mensorga officiala.
Fals cambi?
Les joseus eran pauques en França, concentrats en Bordeu, Baiona e Avinhon, que i èran integrats, e en Alsàcia-Lorrena, que i èran segregats, tal com en países germanics.
Doncas mieg-vertat?
Falsa vertat per remplaçar fake news! Aquò m'agrada.
D'effieit, en Occitània, nòbles e notables fasián la classe dirigenta, coma les capitols de Tolosa, a la differéncia de la... Legir la seguida


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

8 de junh 17.19h

#3 L'oximoron me sembla una tecnica requista per solinhar l'ipocrisia que l'article senhala.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

8 de junh 11.57h

Vertat falsa
Aquò's se ditz un oxymore, qu'es una contradiccion.
Me pensi a vertat parciala, incomplèta...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 de junh 18.10h

L'estatut de ciutadan resulta de la revolucion, e n'existiva pas abans, sul territòri de la França actuala, i-comprés a Tolosa. Jol ancian regimn, èra la feodalitat e le pòple n'avèva cap d'estatut, exceptadis les borgeses de vila. Quand les revolucionaris borgeses aboliren les tres òrdens, probable qu'oblidèren les juseus, mais consi s'es estat fait?
Les províncias e contradas de mai jos la feodalitat avevan la lei locala del senher, çò que faseva de desparietats juridicas e d'esta... Legir la seguida


Valora aquest comentari:   votar positiu 0   votar negatiu 4
Respondre comentari replica Comentari inadequat   Formulari d'abús de comentari

5 de junh 10.32h

E òc, es malaisit d’escriure una istòria que siá a l’encòp de bon comprendre per totes e vertadièra (en remembrant que la vertat istorica pòt èsser cambiadissa a mesura dels estudis e de las descobèrtas). Podèm denonciar (e o fas plan) lo catequisme republican que se pintra polit per far sa propaganda en doblidant d’unes faches, anteriors e posteriors.
Cal pas pensar ça que la que los josius foguèron totjorn maltractats dins la França d’Ancian Regime. Per exemple en Champag... Legir la seguida


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions