CAPÇALERA2: FAI-TE SOCI

Jornalet, gaseta occitana d'informacions

Dimècres, 17 d'octòbre

Joan-Marc Leclercq

Dimècres, 22.8.2018 03h00

Soleil vert o quan l'anticipacion anticipa pas


Comentaris 4 comentaris    
Dolent Fluix Bo Molt bo Fabulós (5 vòtes)
carregant En cargament


Lo temps passa. I pensam pas tostemps, mes a còps am lo parat de'ns n'avisar clarament. Èi recentament espiat lo film Soleil vert de Richard Fleischer. Vertat que ... lo temps passa.
 
Vau pas la pena de revirar lo títou en occitan pr'amor qu'es déjà una curiositat per se medish. Lo film originau de sona Soylent green, deu nom imaginat per l'autor de la mangiscla artificiala que neurís los umans, mesclanha de l'anglés "soya" (sòja) e "lentil" (lentilha). Estranhament, lo reviraire francés a causir d'aperar aquò "soleil".
 
Çò d'interessant dens aqueste film, es que l'accion se debana en 2022, sia dens quate ans, es a díser uei. Podèm doncas véser se lo realizator a plan imaginat lo monde que coneishèm a l'ora d'ara. La resulta es meslèu negativa.
 
Çò de realista, es que sus la Tèrra de "Soleil vert" (en hèit Nòva York), la temperatura a pujat. Sèm aquiu sus una tematica meslèu actuala.
 
Dusau bon punt de l'òbra: sembla avertir volgut alertar suus dangèrs d'une industria alimantària que seré totpoderosa ad una epòca pas encara tocada per escandales sanitaris (1973).
 
Per contra, lo film a pas brica anticipada la revolucion informatica qu'am coneishuda e que coneishèm. Lo sol ordenator que's pòsca véser es una mena de vielha television negre-blanca que presenta un jòc video particularament preistoric ende nosauts, que haré paréisher "Space invaders" peu somiu de la tecnica.
 
Los mejans de comunicacion coma los telefònes tanpauc son pas presents.
 
Los interiors d'ostaus e lors mòbles  se semblan plan los de las annadas 60 quan las vistas de carrèra nos bremban meslèu las annadas 1930 au moment de la grana depression.
 
Lo monde pòrtan totus una mena de bonet gris drin estranh, deu quau l'utilitat sembla pas evidenta, en dehòra d'une volontat estetica deu realizator d'evocar visualament un camp de presoèrs.
 
Los imatges, au contra de çò que coneishèm ara, son complètament absents d'aquesta civilisation anticipada de 2022. Quan sabèm l'utilizacion que n'es hèita e sons poders, conprenguèm qu'aquò's tanben una manca de las grèvas.
 
Çò que lo film a tanben mancat, es que presenta una societat capitalista basada sus la raretat, çò que pòt mauaisidament foncionar.
 
S'ajustam los defauts costumèrs deus films americans: Charlton Eston que cor lavetz qu'a recebut una bala de revolvèr dens lo pè o que jòga deu medish biais una scèna d'amor o una patacada ("Cocò, sustot, jòga pas, seràs perfèit!"), am aquí un film d'espiar pas en prioritat.
 
Es aisit de comprénguer l'emocion provocada per aqueste longmetratge a sa sortida, vist que presentava un futur engüeishós (receboc un prèmi a Avoriaz), mes dambe nostes uelhs contemporanèus, sembla un film vielhòt, una mena de curiositat antica de l'art seten.
 
 



 


abonar los amics de Jornalet
 



publicitat



Comentaris

25 d'agost 17.37h

DE CORREGIR:

"sembla QU'A volgut alertar suus dangèrs d'unA industria alimEntària"

*ordenator: ordinator o computadoira

UN televisOR (en) negre e blanc

*totus: tots, totes, totis

*jòc video: jòc DE vidèo

*civilisation: civiliZaCion

E amb lo darrièr Alien un dels films mai angoissants e depriments sus l'avenidor.

A de scenas memorablas, coma quand lo vièlh decidís d'èsser eutanasiat e plora davant d'un film panoramic sus l'espectacle meravilhós d'una natura esvanida...


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

22 d'agost 14.33h

Vist bèth temps a, quitament se Soylent green a vielhejat, vòu cridar una alèrta sus l'evolucion de la societat, segon l'inspiracion deu director deu film. On s'i escai pro plan aquò's per l'avertiment sus la neuritudassa, (la mal bouf') e las dificultats per alimentar populacions abondosas de tròp. Pensem que la hami demòra un problèma deus grèus, escandalós e non enqüèra solucionat en 2018.
Catastrofista dab talent, si se pòt díser, un classic de la SF o d'anticipacion. e dab V... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

22 d'agost 10.20h

Hollywood = bosquet de grefuèlh

Oliwod : coneissi pas coneissi sonque òli od


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

22 d'agost 09.04h

Aquel film fai partida d'un plan maquiavelic d' Oliwod per presentar deman coma apocalipse.
Acusat ; l'umanitat e dins l'umanitat i a tan ben lo poderos come lo paubre.
e coma i a un acusat, la segua seria lo jutjament. Qui es responsable de l'apocalipse?

Ai pas vist lo film e mon comentari es mai guidat per una vision globala d'Oliwood que per aquel film.


Valora aquest comentari:   votar positiu 0   votar negatiu 6
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions