CAPÇALERA: Nit arpiatana occitana cat
CAPÇALERA2: FAI-TE SOCI

Jornalet, gaseta occitana d'informacions

Dimars, 18 de junh

Joan-Marc Leclercq

Dimars, 29.1.2019 03h00

Monarquia francesa


Comentaris 6 comentaris    
Dolent Fluix Bo Molt bo Fabulós (7 vòtes)
carregant En cargament


Aquò hasèva bèth temps qu’avèvam pas tan debatut de democracia que dens aqueste periòde de bolegadís per carrièras e de Gilets Jaunes. Es una bona causa dens l’absolut.
 
I a clarament una volontat populara de mès de justícia e de partatge deu poder de decision. Cau díser que l’Estat francés, dambe sa constitucion de la Vau Republica, es pas qu’una monarquia electiva, e doncas aquò nos deisha una bona largança de progression.
 
Sabi que lo mot “monarquia” pòt butar daubuns, mes vòu díser que lo poder demòra entre las mans d’une persona sola. Es lo cas. Lo govèrn es nomentat peu president e le cau doncas aplicar sa politica a pena d’estar escobat. Lo parlament a pas la mestresa de son calendari, aquò vòu díser qu’un deputat pòt perpausar un projècte de lei, aqueste serà pas jamès discutit au parlament s’agrada pas au govèrn, es a díser au president.
 
Cau ajustar que, mercés aus Sénhers Chirac e Jospin (dus noms plan occitans totun!), lo calendari electorau hè una coabitacion quasi impossibla, es a díser un parlament opausat au president, qu’a atau las mans liuras.
 
Après, me diratz, lo monarca es elegit. Aquò voleré díser qu’estoc causit peu pòble. Cau totun precisar que dens lo cas d’Emmanuel Macron, lo qu’estoc elegit receboc pas que 16% de las votzes deus que l’aurén podut mostrar hisança, se hasèm compte deus abstencionistas e deus non-inscriuts. Avèvi dejà hèit lo calcul dens un autre article a l’endeman deu purmèr torn.
 
Mes es pas tot. Lo candidat es elegit sus un programa, es a díser una tièra de perpausicions qu’es pas obligat juridicament de realizar, ni tampauc de hèr pas quicòm d’aute qu’èra pas dens la tièra.
 
Normalament un elegit deveré estar lo servidor deus que l’an causit, ne sèm fòrça luenh.
 
Seré interessant de saber lo percentatge d’electors qu’èran a favor de totats las perpausicions deu candidat Macron. L’abolicion de la talha suu riquèr me sembla un exemple clar.
 
Sèm tanben davant un simple problèma matematic e geografic. Cau que l’entitat locala sia la basa de la Democracia. A 67 milions, es pas possible, cau passar per una suberrepresentacion e los poders de decisions s’aluenhan, en mès de passar dens las mans d’un òme sol.
 
Torni díser çò que lo Jean-Jacques Rousseau escrivoc: “Ja que lo pòble se balha representants, es pas mès liure”. Es a díser que mès la Democracia es representative, mens es democratica.
 
La solucion, segon jo, passa per la pichona entitat que’s va federar dambe autas (s’ac vòu) e qu’atau poderà sauvar sas particularitats e sa cultura.
 
Ne cau plenhar los “quasèrns de dolenças” e lo gran debat.
 
 
 
 
 
 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

31 de genièr 13.09h

Los deputats LREM Venon de votar una lei qu'enebís lo drech de manifestar. Aquò's pas mai una monarchia mas que se sona una dictatura.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

30 de genièr 23.53h

L'imatjariá de l'ensenhament de l'istòria a plan associat los "quasèrns de dolença" a la fin de l'Ancian Regime

- (cresi pas que n'i aguèsse pendent una republica - en frança - qualqu'un me contradirà se cal).

Es plan la pròva que sèm en monarquia e que lo nòstre rei es plan pivelat per lo romantisme de las politicas de fin de règne !


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

30 de genièr 22.55h

Democracia representativa ? Non pas! Democracia delegativa sens contrapoder.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

30 de genièr 10.22h

Fa bèl temps que d'unes franceses en general e qualques occitans en particular sabon que França es pas una democracia. Que I a lo regime presidential, aplechat per un òme sol... E pus lo pus triste es que maites ne son fiers! Se rejovenisson qu'aquela constitution meta fin als regims dels partits (la tranuga). Ara d'unes admeton que,se pòt que benlèu lo Michel Debre l'aja escalcida sonque a l'auçada d'un de Gaulle aquela constitucion impériala. Dins la realitat es encara pièger que v... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

29 de genièr 15.04h

Emplenar caserns de dolencas, rai… Serviràn, se son servats menimosament, pels istorians e sociològues del futur. Se de futur encara n'i a…

Mas participar a un debat dins un contèxte politic definit e anonciat de tal biais qu'a la sortida, lo governament en plaça non cambiarà res a sas decisions ja presas e que non cambiarà tanpauc las orientacions globalas de sa governança, a qué de bon ? Tot çò que volèm es quicòm mai que çò que nos impausan despuèi 1983, mas nos es anoci... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

29 de genièr 11.14h

Per esser democratic, lo desbat a besonh d'esser librament eclarat. Quò es pas lo cas.
L'economia e la tecnologia son largeament controladas per los poderos e benefecian du'na crubertura mediatica continuala. L'òm repòrte la responsabilitat de la misera, de la polucion sur daus concepts tot fabricats. L'òm accusa pas lo qu'an dau poder mas l'òme en generau. E l'òm apela a far la charitat o l'umanitaria. Error en delai de las frontieras mas veritat en deçai.
Per far de las petitas ent... Legir la seguida


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions