CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dimars, 23 d'abril

Joan-Marc Leclercq

Dimars, 12.2.2019 03h00

L’occitan, quantas divisions?


Comentaris 8 comentaris    
Dolent Fluix Bo Molt bo Fabulós (3 vòtes)
carregant En cargament


NNos vam pas amagar, la situacion es, un còp de mès, peluda. L’Estat francés ensaja dempuèi totjorn de ns’escanar, e adara, a decidit de’ns portar lo còp de gràcia. La question de “de qué nos cau hèr” se pausa encara d’un biaish agut. Es lo parat d’esprovar nòste poder de reaccion. Se mancam aquesta ocasion, n’auram benlèu d’autas, quan van netejar l’universitat de la cordèra occitana per exemple.
 
Me trufi, benlèu, mes l’ora es grèva. Nos cau efectivament “hèr quicòm”. Solide, mes de qué? Vaquí çò qu’èi pensat, es a vosautes d’ajustar la fruta de vòsta soscadissa aquí devath.
 
 
Lo suicidi occitan
 
Nos caleré anonciar per un comunicat de premsa que, un cèrt jorn (Botèm lo purmèr de noveme), la lenga occitana se suicidarà. Lo mot est fòrt, mes ac cau. Aquò vòu díser anonciar que las associacions occitanas se dissolveràn, lo monde que parlan acabaràn de parlar la lenga, las escòlas immersivas se barraràn, las emissions radiofonicas e televizualas s’escantiràn, los filmes en occitan seràn destrusits, los líbers en occitan, sustot las òbras medievalas deus trobadors, seràn brutlats, los artistas que’s produsissen en occitan acabaràn lors espectacles, las placas bilinguas de carrèras seràn tiradas, e las cançons occitanas pas mès cantadas.
 
Solide atz comprés qu’aquesta sortida utilitza un ton teatrau ende hèr comprénguer tot çò que la cultura deu a l’occitan. Un biaish de’s hèr remercar, benlèu mès eficaç que non pas una simpla declaracion de protèsta.
 
 
Accions ende geinar
 
Perqué pas s’introdusir dens amassadas publicas (un conselh municipau?) d’un biaish pacific mes totun energic en tot, per exemple, legir poesia occitana dambe un pòrtavotz? Una seria de happenings que calerà solide filmar e botar sus la telaranha coma lo periòde actuau ac demanda.  
 
 
Federar non-occitanofònes
 
Sense de comptar sas divisions, l’occitan a un fòrt poder de simpatia au près de monde que son pas dens l’esfèra militanta mes ende los quaus la preséncia de la lenga es importanta. Me brembi plan d’un ahuecat de la lenga ucrainiana qu’uglava son sosteng … en rus pr’amor que parlava pas la lenga qu’aimava.
 
Caleré hèr signar un tèxte de protèsta per monde coneishuts, aperats “miaires d’opinion”, deus quaus los noms au baish d’un document pòt entercalhar jornalistas. Pensi particularament a monde coma Francis Cabrel, Jean Lassalle o José Bové.
 
Vaquí doncas tres tralhas de desenvolopar benlèu, en tot saber qu’atenheram pas jamès la mobilizacion deus Gilets Jaunes, nos cau soscar mès que qui que sia ende assegurar la subervida.

 
 


abonar los amics de Jornalet
 



publicitat



Comentaris

15 de febrièr 09.21h

Francitan = occitan modèrne popular
Tot regiolècte es una marca populara dobla, d'apertenència geografica e sociologica, conscientament o inconscientament manejada segond l'environament familial, laboral, e general.
Las CSP+ d'Occitània se sèrran del francés estandard per fin de se destriar de las classes popularas o paisanas.
Le movement dels GJ en tipicament popular, tal coma le francitan, que las CSP+ s'i conneissen pas.
La discriminacion sociala ambienta devèrs le francitan, encausa ... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

13 de febrièr 14.04h

"Federar non-occitanofònes"

Le monde mièijornal popular s'entrecomprèn e se connèis se sap en francitan, qu'es ni de bon francés estandard, ni de patoés, e se destria pas binàriament entre occitanofònes e francofònes.
Le francitan es coma le Cànada dry, d'occitan, que n'a la color, n'a l'oulor, mas que n'es pas.
Se redutz a tòrt a l'accent del sud, en inconsciència lingüistica.
Consí se pòt definir le francitan "blos", le parlar le plus occitanejant, se non que d'occitan amb les... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

12 de febrièr 13.35h

De trin dins le mètro
Cridar en còr e a plen cap las annóncias d'estacions en occitan dins le mètro de Tolosa per revelhar l'indiferència...i metre de còlhas d'enfants...


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

12 de febrièr 11.36h

L'occitanisme s'es copat de las realitats economicas e socialas d'Occitania. La décolonisacion daus pais colonisats s'es facha a partir dau moment ente las gens an prengut consciença que la politica daus colons lòr convenan pus e pas solament per daus problems linguistics.
La lenga divisa perqu'i a daus dialects que rendan la comunicacion pas aisada. Dejà dins Bodon i avia un gascon qu'avia rencontrar una lengadocienna e qu'avian daus mau a se comprener. Decideram de se parlar frances.
L... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

12 de febrièr 11.26h

Oc ben l’enemic es l’indiferencia dels occitans meteis, cossi los occitanistes an pas sabut, an pas capitat per sedusir lo pòble ?

Son los occitans que se devon adaptar al discors occitaniste, o lo discors occitaniste als occitans ?

Perdequé avèm 95% d’indiferencia, 5% d’atrevats e demest aicestes 5%, 1% d’actius ?

Son aqui las questions e nòstra subrevida es dependenta de las responsas e accions que saràn fachas.

Podèm pas damorar dins aquel estat de 95% d’indiferencia !... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

12 de febrièr 10.40h

Lei proposicions numèro 2 (accions per destorbar amb de pòrtavotz) e 3 (mobilizar de non-occitanfòns) son excellentas.


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

12 de febrièr 10.33h

L'enemic de l'occitan es mai l'indiferència que non pas l'ostilitat o la division.
Le movement dels GJ en Occitània pòrta una protèsta populara de tota mèna, exprimida graficament en francés oralizat majoritariament en francitan, condicion sociologica obliga.
Aquell movement es una pòrta d'entrada grand dubèrta a una expression vesedoira e ausedoira de l'occitan coma lenga naturala de protèsta.
Les occitanistas pòden saique s'implicar en occitan dins de protèstas socialas extra-ling... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

12 de febrièr 06.26h

Le problème, c'est juste que 95% des gens s'en moquent de l'occitan...:(
les 5% restants sont militants, et sur ceux-là, 1% sont actifs....on ne peut pas mobiliser, on se ridiculise à chaque fois. Et si faire du lobbying en donnant des chiffres bidons pour faire croire qu'on est nombreux ne marche plus, beh on est mal! :( ça va finir comme la plupart des gens veulent que ça finisse : ''l'occitan est un loisir qu concerne la sphère privé''. Vous la connaissez celle-là, non? On y est!


Valora aquest comentari:   votar positiu 12   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions