CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dijòus, 5 de decembre

Joan-Marc Leclercq

Dimars, 16.4.2019 03h00

Israèl plurilingüe


Comentaris 17 comentaris    
Dolent Fluix Bo Molt bo Fabulós (5 vòtes)
carregant En cargament


Soi tornat a Jerusalèm.
 
Aquò poderé estar la purmèra frasa d’una cançon, d’un poèma o lo títol d’un roman. En hèit, soi anat participar a un encontre esperanto a Aqaba en Jordania sus tèma de la patz dens l’Orient mejan. Èra pas que lo quatau còp que’m trobavi en Israèl e, a cada viatge, ne sortissi dambe una impression diferenta.
 
Vos vòli purmèr rassegurar, aquò’s pas un tèxte de propaganda sionista, coneishi plan los problèmas qu’encontran los Palestinians de Gaza e de Cisjordania (non pas los de Nazaret o Betlèm per contra) e sabi plan que la responsabilitat n’incombís màgerment a l’Estat ebrèu e a sa politica imperialista. Es pas d’aquò que volerí parlar aquí.
 
L’impression qu’avoc aqueste còp es la d’un país fòrtament cosmopolita, en contra de çò que podèm pensar, dambe una uniformitat etnica de la quala sèm fòrça luènh. Nòsta ostalaria a Tel Aviv se trobava dens un barri d’immigrats, màgerment Negres de Somalia e d’Etiopia, ont l’amaric èra present sus las afichas e las ensenhas de botigas quasi exclusivament. Calèva cercar ende trobar un mot d’ebrèu, a despart deus noms de carrèras.
 
Am trobat d’autes barris on èra l’indonesian que senhorejava.
 
E justament, las placas deus noms de carrèras son en tres lengas. Cau saber qu’Israèl a tres lengas oficialas, que son l’ebrèu modèrne, l’arabe literari e l’anglés. Sèm dejà luenh deu monolinguisme francés.
 
Mès un fenomèn s’es recentament accentuat, es lo de l’immigracion russofòna. Sustot per causas economicas, una part bèra de populacion de Russia mes tanben d’Ucraïna es venguda en Israèl dens las annadas passadas. Son pas totis jusius e daubuns m’an parlat de vilatges au miei deu país dambe una glèisa ortodòxa au lòc d’una sinagòga. Lor preséncia es mès qu’evidenta.
 
Un vielh esperantista que coneishi dempuèi longtemps de Kiev me condèc son “alia”, a la demanda de sa hilha que desirava un avénguer mès bon ende sons dròlles. Cau díser que lo salari de basa en Ucraïna atenh pas uèi lo dia que los 60 euros per mes ...
 
S’es doncas retrobat a Tel Aviv e le caloc aprénguer l’ebrèu. Me digoc qu’èra tròp vielh ende s’i escàder e deishèc l’ahar. Per çò de la vita vitanta, reconeishoc que l’usatge deu rus l’èra pro e que fòrça monde parlava pas que dens aquesta lenga.
 
Vertat que vesoi aficas electoralas de Netanyahu en rus. La situacion es tala qu’ara, los escritèus navèths son en 4 lengas (véser imatge), çò que vòu díser 4 alfabets diferents!


 
Quan arribatz a Jerusalèm, sabètz pas totjorn se cau mercejar un vendeire per “todà” en ebrèu o “shúkran” en arabe, mès sovent un “spassiba” pòt anar se l’emplegada es saura. Se que non, podètz tanben díser “thanks”, que l’anglés es pas considerat coma lenga estrangièra per aquiu.
 
Tot aqueste polit monde trabalhan amassa, viven a costat los uns deus autes, se parlan o s’ignoran, a còps se maridan entre eths. Tot se guasta sovent puèi, mercés aus politicians, que son, eths, per contra, una raça a despart de l’umanitat...
 
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

22 d'abril 18.05h

#14 Se i a quicòm d'artificial dins aquel país es plan "lo pòple palestinian" que degun n'aviá pas entendut parlar avant 1948 e qu’es pas qu’una part del pòble araba expansionista que, en matèria «de submersion, puèi d'eradicacion » los Còptes, los Berbères, los Arameans, etc. ne sàbon quicòm.


Valora aquest comentari:   votar positiu 1   votar negatiu 4
Respondre comentari replica Comentari inadequat   Formulari d'abús de comentari

21 d'abril 22.11h

#14 Indeed. However, nobody will believe you, because we have total control over the minds, so we'll continue with our project of Global dominion ...


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

21 d'abril 07.34h

#12 dessabre e decèbre
L'òme senat que sètz, pòt pas dessabre que le cosmopolitisme invasiu en Palestina, es un projècte de submersion, puèi d'eradicacion del pòble palestinian o filistan.


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

20 d'abril 23.43h

#12 e # 13
Se calguèsse vos sègre, caleria "desglobalizar" tot Mal per fin d'i véser la part de Ben qu'i cab!
Le plurilingüisme en Palestina israeliana e/o occupada, attèsta del multinacionalisme de l'invaseire josiu e dels trebalhaires immigrats, e de l'artificialitat d'aquell pòble fargat e de sa lenga construita.


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

20 d'abril 12.28h

#12 "sabi qu'i a monde que reagissen totjorn d'un biaish globau sense d'analizar. Cau estar "per" o "contra", pas d'espaci au miei."

Es verai que lo maniqueïsme e la passion empachan certanei personas de parlar calmament de la question israèlopalestiniana. Es una question tragica e importanta, segur, mai leis occitanistas se deurián pas garrolhar entre elei sus aqueu tèma. Es pus important que l'occitanisme rèste unit per sauvar Occitània.


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

20 d'abril 09.01h

#8 Per l'estatut de l'arabe qu'acabaré d'estar abolit, es una suspresa, ac sabèvi pas, me cau verificar. Degun ne parlèc acerà. Après, balhi pas un imatge "idilic" deu país, ac disi un moment, mes sabi qu'i a monde que reagissen totjorn d'un biaish globau sense d'analizar. Cau estar "per" o "contra", pas d'espaci au miei.


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

18 d'abril 21.56h

#4 Papioli, adèpte de las teorias mai delirantas del complòt, paure òme manipulat e credul


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

18 d'abril 10.58h

#3 Parlava plan segur dels palestinians, senher f..de souche !


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

18 d'abril 10.43h

Gramaci per aquel article. Om es tojorn curios d'agachar la vida vidanta dels accidents de l'Istoria que son aquelas societats efemèras. Un testimoniatge de tria sus una parentèsi, un païs temporari que s'escafarà lèu.


Valora aquest comentari:   votar positiu 16   votar negatiu 3
Respondre comentari replica Comentari inadequat   Formulari d'abús de comentari

18 d'abril 10.24h

Desolat de pas escriure en occitan! Soi sois germanofon. Est-ce que l`auteur ne sait pas, que le statut de l`arabe comme langue officielle a été aboli en 2018? Il peint une image idyllique d`Israel en dépit de tous ses "caveats". Est-ce qu`il croit vraiment que les citoyens de langue arabe de L Etat d`Israel à Nazareth et ailleurs ont les memes droits que les juifs israeliens? You`ve got to be joking!


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions