CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 22 de julh

Joan-Marc Leclercq

Dimars, 30.4.2019 03h00

Perqué anirèi pas a las eleccions


Comentaris 10 comentaris    
Dolent Fluix Bo Molt bo Fabulós (6 vòtes)
carregant En cargament


Bon, generalament prengui pas part a la democracia dita “indirècta” pr’amor qu’i cresi pas brica. Mes per çò qu’es de las eleccions europèas, i a rasons suplementàrias.
 
Purmèr repapii sovent en díser qu’am pas lo dret de vòte, am pas que lo dret d’elegir lo au quau vam balhar nòsta dret de decidir. Lo pòble votarà lo jorn quan le demandaràn son avís. Es pas lo cas.
 
Dusau, se ditz sovent que los ahars europencs pertòcan nòsta vita vitanta. Es vertat. Mes lo problèma es que lo parlament d’Estrasborg es un parlament hantauma. A pas lo dret de perpausar leis. Son los comissaris (non pas elegits peu pòble) que decidissen. Podètz imaginar una democracia on los elegits deu pòble an pas nat poder?
 
De mès, a cada còp que mandatz un deputat au parlament, lo lòbbis i mandan una còla sancèra de rugbi, es a díser quinze lobbistas professionals que poderàn assistir a las sesilhas de las comissions e intervénguer a favor de lors interesses. Tot se va debanar entre vòste elegit e los quinze lobbistas que van decidir sense que poscatz hèr quicòm de vòste costat.
 
Tresau, aquesta eleccion es faussada. Normalament, las listas presentas deverén aver las medishas possibilitats d’estar coneishudas deus electors. E ben non pas. Ende poder participar au purmèr debat televizat, a calgut a unas listas prénguer un avocat end’estar present suu platèu. La lista Lutte Ouvrière, qu’as pas demandat los servicis d’un òme de lei estoc absenta. Es fòrça democratic tot aquò.
 
LCI publiquèc recentament un article espantant sus son siti internèt. Una fòto de la Nathalie Loiseau sorrisenta dambe lo títol incresible: “Segon un sondatge, Nathalie Loiseau es lo cap de lista preferit deus Franceses, après Benoît Hamon.”
 
Per malastre, avèvan pas d’imatge deu Hamon, lavetz an botat un de la Loiseau. N’avèvan fòrça, per contra.
 
I aurà ongan una lista que sosteng l’utilizacion de l’esperanto dens las instàncias europencas. N’atz ausit parlar? Solide que non.
 
L’argument de “bàter Macron” a pas, segon jo, un interès deus grans. 100% deus mèdias màgers le sostenguen, trantalhan pas de muishar enganas (C News), harà de tot biaish un bon escòre e doncas participar pòt estar en hèit participar a sa victòria. Per contra, l’abstencion hèit baishar sa representativitat e sa legitimitat.
 
Darrèr detalh: lo jorn de las eleccions, serèi quitament pas suu territòri de l’Estat francés ...
 
 
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

5 de mai 00.30h

As coumplètomen razou.


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

1 de mai 23.15h

#2 Creses pas a la democracia dicha “dirècta” que la pensas pas brica adaptada a un país mai grand que Soïssa. Es per aquò que ieu, non cresi a una democracia indirècta dins un gropàs de païses tant divèrses coma o es l'estat francés. Cresi un pauc mai a un país de la dimension d'Occitania e que se justificariá d'èsser, justament, una democracia reala, ja que dirècta.

Quand vòti, vòti blanc, que cap mai politician electoralista non se vòl donar los mejans de n'acabar defini... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

1 de mai 14.44h

#5
Aquesta eleccion n'èi pas un referendòm pro o anti Macron (qu'ei çò que Macron e Melenchon vòlen har créder), qu'ei ua eleccion tà causir los deputats au parlament europèu.
Que soi d'acòrd dab tot çò que Toloricon a escriut, e dab vos tanben per çò qui ei de l'orientacion liberau de l'UE. Ua rason de mei de votar entà causir per qui volem estar representats.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

1 de mai 09.48h

Un conselh per Regions e Pòbles Solidaris
Per las eleccions europencas de 2019 R.P.S. i anèt pas tot sol per que sia disènt aurian pas trobat de monde per se far portar ni mai la moneda. (Son de messòrgas).
Per las eleccions europencas de 2024, se pensatz fin finala de far una tièra amb totes los movements e partits politics regionalistas, autonomistas e independentistas de l'estat francés, veiretz que tot per un còp lo monde seràn motivats e trobarem la moneda.
Aquò i cal pas pensar... Legir la seguida


Valora aquest comentari:   votar positiu 6   votar negatiu 3
Respondre comentari replica Comentari inadequat   Formulari d'abús de comentari

1 de mai 09.37h

Lo 26 de mai los Verds aguèsson portats François Alfonsi en 3ena pausicion los auriai votat e los auriai fach votar.
Aqui pensan a lor cantina e sonque. Nos prenon per los nècis que sèm pas.
Doncas lo 26 de mai votarai "Occitània Liura" e convidi los legeires de Jornalet de far parièr en descargant lo bulletin sul ligam çai après.
http://lo.lugarn-pno.over-blog.org/2017/04/le-parti-de-la-nation-occitane-et-le-premier-tour.html


Valora aquest comentari:   votar positiu 5   votar negatiu 3
Respondre comentari replica Comentari inadequat   Formulari d'abús de comentari

1 de mai 06.32h

Aquella votacion es indirèctament un tèst de sostèn o contèsta d'un president sul recul politic.
Cal pas mancar d'acabar dins las urnas le trebalh de la carrièira, e de contestar a l'un còp, l'orientacion liberala de l'UE, per aquelles que'l combaten...


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

30 d'abril 13.52h

Mercés Joan-Marc per quel article. As rason, ai p'un piau auvit parlar dau partit que sosten l'esperanto. Autra chausa. Autre exemple: l'i a un partit animalista (e tanben femenista, antiracista...) que se persenta un pauc pertot en Euròpa e mai en França, fugueren pas convidats aus debats televisats e mai, ten-te ben, son estats sanccionats (baissa de 36% dau finançament) perque an tròp de femnas sus lor lista e quò respecta donc pas la lei francesa sus la paritat, aitau! Legir la seguida


Valora aquest comentari:   votar positiu 6   votar negatiu 3
Respondre comentari replica Comentari inadequat   Formulari d'abús de comentari

30 d'abril 13.39h

Sempre preni part a las eleccions que cresi pas a la democracia dicha “dirècta” que la pensi pas brica adaptada a un país mai grand que Soïssa.
 
Primèr cal acceptar a un moment que çò que voli ièu pòt pas correspondre sempre a çò que volon los autres, ièu soi pas lo pòble, soi del pòble. Lo drech de vòte es pas un drech de decision mas de causida.
 
Segond, segur que los afars europèus pertòcan nòsta vida vidanta. Tanben segur que lo Parlament Europèu es un objècte sui... Legir la seguida


Valora aquest comentari:   votar positiu 5   votar negatiu 4
Respondre comentari replica Comentari inadequat   Formulari d'abús de comentari

30 d'abril 11.26h

Car amic,
Una sola rason me farà votar aquest còp : aguer un elegit "nacionalo-regionalista" (1) que presentarà un programa dei nacions sens estat. Emai la posicion 9ena sus la tiera Jadot siguèsse pas a la autor de çò representam.
E lo demai dei rasons que compreni pron son que de corolaris d'una situcion politica ja anciana que coneissèm totei ben. Es pas a la la monina que fau aprendre de moninarias.

Alor, quant de temps encara l'occitanisme-espectacle farà la politica moralisa... Legir la seguida


Valora aquest comentari:   votar positiu 13   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions