CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dissabte, 7 de decembre

Joan-Marc Leclercq

Dimars, 30.7.2019 03h00

Greta a París


Comentaris 6 comentaris    
Dolent Fluix Bo Molt bo Fabulós (6 vòtes)
carregant En cargament


La venguda de Greta Thunberg a París lo 23 de julhet, e particularament a l’amassada dita nacionala estoc l’encausa d’un pelei deus beròis, una polemica, com dison. E com de costuma, fòrça tinta utilizada ende pas gran causa, mes que testimònia de l’estat d’esperit de daubuns.
 
Còp sec, la joenòta suedesa estoc la mira d’un tir crotzat, que sia suus hialats sociaus o dens la premsa. I a monde que’s botèn a pensar que “i a quicòm que truca” en çò d’aquesta gojata. Estoc acusada d’estar un “produit marketing”, d’estar “sostenguda peu capitalisme verd” e d’autas causas. 
 
Parli pas de la reaccion d’un punhat de deputats de dreta que refusèn de l’ausir per rasons un drin estranhas, çò que hascoc díser au psicanalista Roland Gori que la Greta èra com lo dròlle deu conte “Las pelhas navèras de l’emperador”, es a díser la pichona que ditz la vertat lavetz qu’adultes hèn semblant per convencion que tot va plan.
 
Non, parli pas d’eths, parli de totis los qu’an escrits tèxtes critics sus era. Michel Onfray n’estoc un d’eths, e receboc una responsa de las saladas d’Alice Afanasenko, sòcia de l’Associacion francofòna de las Femnas Autistas pr’amor de la manca de respècte qu’exprimiscoc en fàcia de la particularitat de la gojata, mes tanben deus dròlles e de las hemnas en generau.
 
Coma sovent, n’i a que s’estimava milhor parlar pas deu subjècte vertadièr, mes charrar de la personalitat d’aquesta que pòrta un vejaire. Pr’amor que cau avoar, la Greta Thunberg ditz pas ren d’originau, pas ren de mès que çò que’s pòt legir suu rapòrts deu GIEC o deus 15.000 scientifics qu’an sonat l’alarma climatica. Mes ende daubuns, la cau milhor tractar de “cyborg”, aquò hè vénder papièr mes pas avançar brica la situacion. 
 
Lavetz, au lòc d’espiar la luna, n’i a qu’espian lo dit que la muisha, coma dins lo reproèr chinés.
 
 
 
 

 



publicitat
BANER1-2-3: DGPL AN LAFONT



Comentaris

7 d'agost 18.27h

I que tot això ho hagi de dir una noia de setze anys, on son tot els polítics i homes d'estat, que anem al femer a passar a millor vida!
Que faixin grans eslògans electorals, i grans mítings que a l'hora de la veritat i es evident no foten res, i fan callar al que ho diu.
Voleu dir que aquests polítics serveixen per res!? Ara cal una reflexió, ah, no tenim temps,el temps s'ha acabat!
Visca la Terra...Lliure!
L'Ernest, "El Tàrrega".


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

31 de julh 10.42h

Emai se me trapi pas tròp concèrnit ( emai benlèu critic per aquela forma e luòc d'intervencion), per la mediatisacion d'aquela joventa, pensi pas que siague una rason de criticar sas posicions sens s' apevar sus d'argumentacions scientificas ;... e comença de pudir quand, en manca d'arguments, òm se met a criticar la persona dins son se.
....Bernadeta Sobiros aviá pas que quatòrze ans quand pretendèt d'aver vista la Santa Vièrja li dire "Que soi era immaculada concepcion"..... s... Legir la seguida


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

30 de julh 16.21h

La simpatica Greta a de qualitats : es femna, es jove, es autista, mas li manca çaquelà qualquas casas per èsser perfècta : es pas negra, es pas musulmana, es pas omosexuala (o s’en vanta pas) siquenon los lobbistas de las eolianas e de la veitura electrica (= nucleària) poirián acusar los climatosceptiques d’èsser tanben racistas, « islamofòbs » e « omofòbs ».
Pels alarmistas climatiques val lo còp de legir lo comentari que fasiá lo curat de Vilabrumièr en 1709. Freg e nèu... Legir la seguida


Valora aquest comentari:   votar positiu 7   votar negatiu 14
Respondre comentari replica Comentari inadequat   Formulari d'abús de comentari

30 de julh 10.42h

Es ça quelà remirable cossí d'adultes senats se daissan aital manipular e, quora Santa-Greta-qu'enfonça- de-pòrtas-dubèrtas ditz qu'a pas d'opinion sul CETA (!!!!!), fan de crisas de dissonança cognitiva.

https://youtu.be/W9ktHsL_dzE


Valora aquest comentari:   votar positiu 7   votar negatiu 15
Respondre comentari replica Comentari inadequat   Formulari d'abús de comentari

30 de julh 10.25h

Una misa en scena, es ben lo mot.
Si daus professors frances avian degut notar son devers (son discors), quantben auriam botat 18/20 e quantben aurian botat 8/20 emben un comentari : insufisant?

Lo tapis rotge per la Jana d'Arc d'uei, (ten, an pas cerchat a saber si era pucela o non) representada per una nòrdista jòune, polida, blonda. Lo banhe per lo deputat qu'a ausar portar un gilet jaune a l'Amassada Nacionala, o ben per la negra, rondeleta qu'a ausat militar coma los gilets jaunes... Legir la seguida


Valora aquest comentari:   votar positiu 12   votar negatiu 15
Respondre comentari replica Comentari inadequat   Formulari d'abús de comentari

30 de julh 07.41h

Michel Onfray, lo Trauc normand, qu’ei deus mei repugnants dab la soa faiçon de préner-se’n a la «cyborg suédoise» Greta Thunberg.
Dab era que s’ac a dab tots aqueths joens cretins manipulats qui s’engatjan tau lor endeviéner, au lòc de búver vin deu bon en espiar lo sococ sus las arrueinas de la civilizacion occidentau, com filosòfs vertadèrs. Eh ben òc, Miquelòt, mes tè, On n’est pas sérieux quand on a dix sept ans. A dètz e sèt ans que vòlen poder esperar un futur ... Legir la seguida


Valora aquest comentari:   votar positiu 10   votar negatiu 14
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions