CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimècres, 20 de novembre

Joan-Marc Leclercq

Dimars, 29.10.2019 03h00

Lo retorn deu Sarracap


Comentaris 27 comentaris    
Dolent Fluix Bo Molt bo Fabulós (5 vòtes)
carregant En cargament





Aquò a pas escapat a degun: lo president a demandat a l’amassada nacionala un "debat sense de votacion" sus l’immigracion. Pr’amor un "debat sense de votacion"? Ende qué servís?
 
Sèm aquí de segur dens una postura politica. Sovent los deputats se planhen d’un calendari tròp dense, e vaquí que’us cau charrar sus un subjècte precís sonque peu plaser de charrar.  
 
Daubuns an perpausada l’idèia qu’èra dambe la mira d’escóner un aute subjècte qu’enmalís lo monde. Ne soi pas tròp segur d’aquò. Autes an pensat qu’èra ende preparar a l’avança lo dusau torn de la futura eleccion presidenciala que l’opausarà un còp de mès a Marine Le Pen. Soi pas tanpauc convençut per aquò, mes bon, de tot biaish, com endevinar çò que’s debana dens lo cap d’un òmi politic?
 
Tot çò que’n podèm conclusir es qu’es pas qu’un manòbra politiciana e qu’aqueste "debat sense de votacion" a pas francament melhorada la vita deus administrats.
 
Azard deu calendari, com se ditz, un conselhèr regionau nacionalista francés hè un escandale pr’amor qu’una hemna dambe un sarracap a acompanhat los dròlles ad assistir aus debats deu conselh regionau de Bourgogne-France Comté.
 
S’enseguiscoc una pluja de criticas suu tèma: "Vaquí un còp de mès lo debat seu sarracap, es ende hè passar milhor lo debat sus las retiradas". Ne soi pas segur tanpauc, vesi mau una accion concertada entre la presidéncia e un conselhèr regionau deu Rassemblement National.
 
Aquò rai, lo debat tira camin e coneish tostemps un bon succès.
 
La purmèra soscadissa que’m veng concernís aqueth conselhèr regionau. Me demandi s’es pas drin enganat. Çò qu’arcasta au pòrt deu sarracap es de representar un biaish de pensar qu’es opausat ad aqueste de las valors republicanas. Dinc ad aqueste punt, pòt anar, aquesta pausicion es recebedera. Mes lavetz l’arcastar a una hemna que, justament, acompanha dròlles de l’escòla publica d’un barri dit "mauaisit" a escotar los debats democratics d’una amassada de la Republica d’elegits deu pòble, se seré pas un drin trompat de tòca? Auré pas reagit impulsivament com lo taure davant un pedaç rotge que’s bolega? L’auré podut meslèu felicitar.
 
La dusau soscadissa es que, objectivament, degun a pas jamès trobat l’extrèit deu Coran on se ditz: "Sarracap portaràs" o quicòm quitament que posca tirar de cap ad aquò. Lavetz seré pas un signe religiós mes un signe meslèu culturau, benlèu d’apartenéncia a un grop sociau o etnic, e doncas pensi qu’entra pas automaticament dens lo tèma de la laïcitat …
 
Cresi que cau demorar dens l’encastre de las defensas de las libertats. Una linha simpla e clara: nada obligacion, nada interdiccion. Sostengui a l’encòp hemnas que vòlon portar un sarracap s’ac las agrada mes tanben hemnas en Iran que lutan pr’amor qu’ac vòlon pas. Comprengui que pòt semblar contradictòri a daubuns, mes s’i soscam de plan, n’es pas brica.
 
 
 
 
abonar los amics de Jornalet

 



publicitat
BANER1-2-3: DGPL TRADUCTOR



Comentaris

31 d'octòbre 08.03h

#26
E coma o sabetz en Occitània tot s'acaba per de cançons. er per aquèla temporada de martror me soi ensatjat de far un quicòmet :-)

Sarracap e sarratrauc se passejan :

- i vas tu?
- Ont aquò ?
- A sarra te d'aqui !
- poooooooooooooooo!
-L'avem agut, l'avem agut lo cap dins lo trauc
- L'avem agut, l'avem agut lo trauc dins lo cap.
- Dels mòrts per Martror sem tornats
- De forniments plan acandolats :
- De sarracaps, de sarratraucs
- E l' aulet que bufa al trauc,
- De sarratraucs, de ... Legir la seguida


Valora aquest comentari:   votar positiu 0   votar negatiu 5
Respondre comentari replica Comentari inadequat   Formulari d'abús de comentari

30 d'octòbre 18.48h

#24 Estavo escrevendo em occitao, como Voçê- estou com certeza disso, o percebeu muito bem!


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

30 d'octòbre 17.54h

#21 Dins mon idèia, coma o precisavi, l'important èra lo qualificatiu, "pelhòt" èra pas a emplegar sol mas "pelhòt islamique".

E se cal fargar un neologisme per aquel utís novèl, dins lo grand vam e lo grand vent de la lingüistica modèrna prepausi "lo velo".


Valora aquest comentari:   votar positiu 2   votar negatiu 5
Respondre comentari replica Comentari inadequat   Formulari d'abús de comentari

30 d'octòbre 17.25h

#22

E cossi aquò ? Sariás d'una tradicion Braziliana ? nos parlas ben de Con a Riò ?


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

30 d'octòbre 08.07h

Ò ! Santa Verge Maria de Lorda! ...cofada del Vòstre cabeçal blanc e blu immaculat !
Ajudatz, se vos plai, "Macarèl" o Adishatz" per concebre un berret polivalent islamò-compatible, a l'encòp sarracap e cachacòl, reversible-negre d'un costat, de l'autre -roge, ambe dotze clavèls daurats e la Santa Estela picada al mièg, que se pòsque redusir en kippà e desplegar en burquà, que nos pare del solelh, del freg e de la pluèja, e sustot de la CONARIÁ...


Valora aquest comentari:   votar positiu 6   votar negatiu 3
Respondre comentari replica Comentari inadequat   Formulari d'abús de comentari

30 d'octòbre 07.59h

#18 #17

E ben non pas, cadun i vèi pas çò que vòl vèire, o alavetz un « casse noix » es un « casse couilles » perqué pas tanben !

Non lo mot vel conven pas tanpauc !

Non pòdetz revirar per un mot occitan, vist que dins nòstra cultural lo simbel qu’es portat, n’avem pas d’aquela mena, amai se ençò de nosaus de pòrtan,semblas « pelhòts qu’an brica la meteissa fonccion.

Revirar per sarracap, vel, pelhòt es una desinformacion benlèu pas volontari e facha scientalmen... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

29 d'octòbre 22.19h

#19 Me batrai pas pel mòt "vel" mas si ben pel qualificatiu "islamique". Se "vel" conven pas podèm dire "pelhòt".


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

29 d'octòbre 21.53h

#16 E en legir totis los comentaris, apareish que lo mot "vel" es pas tanpauc lo bon.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

29 d'octòbre 21.51h

#16 Legissi aquí qu'es "lo simbòle islamista de l’inferioritat de la femna."
Un simbòle es plan lo mot, cadun i vei çò qu'i vòu véser. Dens las annadas 70, èra lo pòrtapopas qu'èra considerat a l'epòca coma simbòle de l’inferioritat de la femna, e las feministas les cramavan per carrèras ende lutar ende l'egalitat deus sèxes.
Un amic que tribalha dens un barri com educator especializat m'a dit que las mairs mès activas au nivèu associatiu èran precisament aquestas que n'an ... Legir la seguida


Valora aquest comentari:   votar positiu 7   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions