CAPÇALERA: Eth Ligam occitan Youtube

Jornalet, gaseta occitana d'informacions

Dijòus, 13 d'agost

Joan-Marc Leclercq

Dimars, 17.12.2019 03h00

E serén pas las eleccions presidencialas americanas una galejada?


Comentaris 3 comentaris    
Dolent Fluix Bo Molt bo Fabulós (7 vòtes)
carregant En cargament





¡Los Estats units son sovent citats per daubuns, un pauc de pertot peu monde, com un exemple de democracia. Solide que, se comparam dambe l’Estat francés, una bona dòsi de federalisme e lo poder efectiu deu Congrès contra lo deu president, aquò les balha un cèrt avantatge e pòt hè semblar nòste bonapartisme consitucionau a una dictatura electiva.
 
Totun, s’i espiam a de bon, i a quicòm que truca hòrt en çò de l’oncle Sam. Son las eleccions presidencialas. Au país de Hollywood, vesèm plan purmèr qu’es un espectacle que’s ganha pas que dambe milions de dòlars. Com se vesoc en 2017 dambe l’eleccion de Donald Trump, caricatura e desmesura an remplaçat bravament la soscadissa e lo debat. Mes es pas tot.
 
S’espiam las resultas, vesèm que, mercés au sistèma deus “grans electors”, lo vencedor deu 8 de  noveme de 2016 a mestrejat damne mens de votzes (62 984 825) que non pas sa rivala Hillary Clinton (65 853 514) e, de mès, dambe un percentatge mendre (46,1%) que non pas lo de Mitt Romney (47,2%), lo candidat republican que perdèc l’elecion en 2012. Quicòm qure truca, m’atz dit?
 
Aquò rai, tres milions de votzes, es pauc de causa, e pas degun deus analistas mediatics semblan n’estar geinats. Aqueste sistèma deus “grans electors” estoc mes en plaça istoricament ende, ça’ns explican, evitar “l’eleccion d’un demagòga”. Plan vist, los amics … Mes es pas tot.
 
Una eleccion presidenciala es fòrça mès aisida de manipular que non pas eleccions de deputats. Sufís pas qu’un candidat, favorit, se retròbe dambe un ahar que cad plan au bon moment suu las retribucions de sa hemna, o que quauqu’un de son medish partit se presente ende’u panar los percents que l’aurén permetut d’estar present au second torn (tota semblança dambe hèitas realas seré fortuita) e la resulta se’n tròba cambiada.
 
Atau lo candidat democrata mès d’esquèrra, lo Bernie Sanders, estoc victima d’una campanha “d’usina a tròlls finançada per gròs donadors”, campanha denonciada per WikiLeaks. Mes es pas tot.
 
En 2020 los electors americans van tornar a las urnas ende causir un navèth (o pas) president. Aqueste còp, lo Bernie Sanders semblava “ténguer la còrda” dambe son programa mès d’esquèrra que non pas los autes. Un espèr? Non pas, que son eleccions presidencialas, vos disi.
 
Vaquí que, tirat d’un capèth, nos arriba lo Michael Bloomberg, qu’assegurava en març de 2019 estar pas candidat (Que s’estimava milhor lutar contra lo recauhament climatic) mes qu’a cambiat d’idèia e que’s declara candidat en noveme. Candidat a qué? Candidat a la primària DEMOCRATA, eth qu’estoc cònso REPUBLICAN de Nava-Yòrk entre 2002 e 2013. Me seguissètz?
 
Aqueste sénher estoc “purmèra fortuna deu monde” segon lo magazine Forbes, mes es cadut a la onzau plaça dambe “sonque” un cinquantenant de miliards de dòlars (Totun dètz còps mès que non pas Trump eth medish). Solide, receboc de tira lo sosteng a sa candidatura deu Jeff Bezos, purmèra fortuna mondiala actuala e proprietari d’Amazon.
 
Dens la purmèra setmana, Bloomberg a despenut 37 milions de dòlars end’una una campanha de lançament, sia dejà la mitat de çò que lo Sanders a collectat en 8 meses (!).
 
Çò de mès estonant, es que, s’aquí nos pausam la question de saber se tot aquò es vertadièrament democratic, am paucas possibilitats de véser los analistas politics d’en çò nòste se pausar la medisha question. L’eleccion presidenciala americana es fòrça largament cobèrta peus nòstes mèdias, mes la prioritat es balhada a l’introduccion d’anglicismes coma swing states o causus meslèu qu’a una analiza pergonda.
 
 
 
 


abonar los amics de Jornalet
 



publicitat
BANER1: Amics campanha covid



Comentaris

17 de decembre 12.00h

#1 Soi complètament d'acòrdi dambe vosautes. Mès es pas possible d'ac díser dirèctament pr'amor qu'un anmonde qu'ac van pas créser. Per contra l'exemple de las eleccions presidencialas americanas es de pas denegar e es fòrça evident, pòt miar doncas lo monde a soscar sus çò qu'es una eleccion (au contrari d'un vòte) .


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

17 de decembre 11.42h

Entre la Mafia, lo complexe militaro-industriel, lo president daus Estats-Unis es una personalitat qu'a pauç de poder, una marioneta au servici daus dominants. La CIA, la FED (banca centrala) son de las agenças que dependan pas completament de l'estat. Los USA son gerats per una societat privada: "la societat daus estats-unis ". Lo president es obligear de far emben tot aquò. Non, les USA son pas un model de democracia.
Sanders es pas Martin Luther King mas aquela dariera personalitat fu... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

17 de decembre 10.26h

Car e estimat ciutadan Leclerqc, tota eleccion representativa es una farcejada, nòrd-americana o non. La soleta democracia democratica es participativa e dirècta, e se que non, està una farcejada, res mai.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Mai d'articles

Archius




Etiquetas

D'autres articles


Jornalet, gaseta occitana d'informacions