Dimars, 31.12.2019 03h00
Vaquí una expression de las conegudas. S’utiliza generalament ende parlar d’una persona qu’a bevut mès que çò que cau e qu’es bandat au punt de pas mès ténguer de pè.
Mes es vengut lo moment d’enfin restablir la vertat, istorica en hèit.
Se lo parat de la neishença es pas encara clar (e ac serà benlèu pas jamès), çò de segur es que’ns veng de Napoleon e que vòu díser en hèit: “Briac mes que s’i escad totun de hèr çò qu’a de hèr.”
Duas possibilitats:
1/ En noveme de 1808 l’armada francesa es estancada au pòrt de Somosierra sus camin de Madrid per 800 sordats espanhòus armats de 20 canons. Los generaus franceses trantalhan davant lo risc. Napoleon lavetz decidís de mandar los 150 shivaus-leugèrs poloneses (En polonés: szwoleżerowie e en francés sense “x” quitament au plurau) que desrontan los Espanhòus e daubrissen l’accès a Madrid. Aquò marquèc una data dens l’istòria de la cavaleria. Aus generaus qu’avèvan declarat que “calèva estar briac end’atacar”, l’emperador se seré trufat d’eths en díser que calèva efectivament estar bandat com un Polonés.
2/ Au moment d’entrar en Russia, hasèva tan fred que los sordats bevèvan alcòl fòtrt dens las tendas ende’s recauhar. Los Russes ataquèn e sols los Poloneses estón es estat de’us recussar. Napoleon digoc lavetz que los sordats franceses avèvan lo dret d’estar bandats, mes “com los Poloneses”.
Se vei que l’expression, positiva a la debuta, a virat au negatiu endeus actors màgers.
Las duas anecdòtas pòden estar vertadièras fin finala, e perqué pas un ehèit recurent d’un còp l’aute, com una galejada que torna. Se pòt tanben sense de dobte ne trobar d’autas.
Çò de segur, es que los Poloneses an una tecnica de las bonas ende béver sense d’estar tròp lèu briac: minjar pan o quicòm de gras o d’acide en medish temps que la vòdca (parlam aquí de causas seriosas, pas de vin). Vos conselhi los cocomets o lo sagin.
Mes susquetot an lo biaish de botar un pichon còp de cap a l’endarrèr au moment d’engolir la bevuda que va au hons de la garganta, e atau las papillas son pas tocadas, pr’amor que son eras que trasmeten lo briaguèr dirèctament au cervèth.
Cau tostemps aprénguer deus professionaus ...
Comentaris
5 de genièr 21.05h
trobat dens las Òbras de Tozy 1852-1911 : dens las sègas - chansons et monologues
un aumatge a un pinta-beròi que pintava tròp :
Polonha qu’es mençonada....
Eugène Denis LAUGA
Digne fils de Bacchus, ô toi, immense ivrogne !
Ô toi qui de Nérac, illustra le trottoir !
Ô toi, Lauga Denis, Eugène dont la trogne
4 Pavoisée scintillait le soir !
Ô toi, divin pochard, qui, pour toute besogne,
Cherchas ton idéal dans le jus du pressoir,
Suivi d’un chien galeux, mémora... Legir la seguida
Valora aquest comentari:
0
0
2 de genièr 10.52h
#4 Fin finala "Volèm viure e beure al pais"
Valora aquest comentari:
1
0
1 de genièr 10.56h
#4 Mancatz pas d'imaginacion en Gasconha, es vertat que lo vin de Bordèu i deu ajudar :-)
Avèm tanben "se canfrar" e lo mai emplegat "se bandar". Mas i a de nuanças, es pas tan grave d'"èsser passat per la vinha", de"menar los piòts" o d'"aver cargats los esclòps en grolla" que d'"èsser bandat a clau".
Una expression que m'agrada plan, emprontada al peitavin : "aver trapat un còp de pè de barrica".
A totes : Bona annada, granada, plan acompanhada... e pas tròp asagada.
Valora aquest comentari:
2
0
31 de decembre 18.47h
#2 I a tanben l"expression "èsser passat per la vinha".
Valora aquest comentari:
1
0
31 de decembre 16.54h
Per aquesta fin d'annada e debuta de l'autra amic Joan-Marc e amics legeires de Jornalet coneissètz
aqueste biais de dire : "èsser entre Galhac e Rabastens" per parlar de qauqu'un de briac ?
Valora aquest comentari:
2
0
31 de decembre 16.27h
Sèm pas jamai decebut de te legir!
Valora aquest comentari:
3
0
1
Comenta
Lo comentari es estat mandat corrèctament
7 comentaris
(5 vòtes)
En cargament
7 comentaris
Mandar
