CAPÇALERA: EMBARRAMENT

Jornalet, gaseta occitana d'informacions

Dimenge, 5 d'abril

Joan-Marc Leclercq

Dimars, 11.2.2020 03h00

Revelacions d’abuses sexuaus: la tempèsta


Comentaris 4 comentaris    
Dolent Fluix Bo Molt bo Fabulós (7 vòtes)
carregant En cargament


Aquò que contunha e sembla pas voler s’estancar. Las revelacions d’abuses sexuaus sus menors dens cèrts mitans caden coma las huelhas a l’autona. Hollywood, la glèisa catolica, la literatura e ara federacions esportivas, lo patinatge e l’equitacion.
 
Tot aquò hè virar lo cap e nos demandam com tot aquò estoc possible. Sembla un maishant film e totun s’agís plan de la realitat.
 
La purmère suspresa veng deu hèit que las victimas se declaran tan longtemps après los hèits. Los acuses de cap a Harvey Weinstein, deu nombre de 93 (!) son arribats totis a l’encòp. Com se ditz, “las lengas se desligan” e un testimoniatge balha a una auta victima la fòrça de parlar.
 
Las campanhas #metoo e #balancetonporc an ajudat a perméter a personas qu’an patit de violéncias sexualas de s’exprimir en dehòra de la vergonha e de la suspicion de las qualas de costuma son l’objècte. Es una bona causa, solide, quitament se podèm d’un aute costat crànher denóncias mensongèrs.
 
Mes çò de susprenent es sustot que la liberacion de la paraula dens lo mitan deu cinèma a pas ajudat que las victimas d’aqueste mitan. Las denonciacions dens lo mitan de la glèisa an pas ren de véser, e las gojatas forçadas dens lo mitan esportiu van pas començar de parlar sonque un còp qu’aqueste mitan es concernit, sia tres ans après l’escandale cinematografic. I auré doncas autes mitans concernits que son a l’espèra d’una liberacion de la paraula? Podèm pensar que òc.
 
Après, soi fòrça curiós de conéisher l’estat d’esperit deus forçaires. Aquò vos poderé susprénguer, mes soi pas segur qu’avèvan consciéncia a l’epòca que hasèvan quicòm de montruós. M’expliqui.
 
Dens las annadas setanta e dinc a las annadas ueitanta, (Après doncas la publicacion deu celèbre roman “Lolita” de V. Nabokov) l’idèia de libertat sexuala èra dominanta. Lo cantaire Antoine demandava “la pilula en venda dens los Monoprix”, Marguerite Duras obteng lo prèmi Goncourt 1984 dambe l’istòria d’una relacion entre un adulte e una gojata de 15 ans, e l’opinion publica s’ahueca pr’amor deu suicidi d’una ensenhaira acusada de destornament de menor que balharà un film (Grand prix du cinéma français e nominacion aus Golden Globes) e una bèra cançon de Charles Aznavour (Mourir d’aimer).
 
Lo film-culte de la generacion deus que son nascuts a la fin de las annadas 50, One Flew Over a Cukoo’s Nest, en francés Vol au-dessus d’un nid de coucou, bota en scèna un personatge vengut, au demiei de la joentut, lo simbòlo de libertat davant un sistème opressant, qu’es en hèit dens un espitau psiquiatric ende hugir los acuses de … forçada sus menora.
 
Serà au miei de las annadas 80 que l’interdiccion de relacions dambe menors es remesa en causa. Cridas a la revision du Còdi Penau son quitament signadas per intellectuaus deus grans (Aragon, Barthes, Sartre, entre autes) ende despenalizar las relacions dambe menor(a)s. E la premsa, au nom de la liberacion deus mors, sosteng los que declaran qu’“empachar la sexualitat juvenila es oppression sociala”.
 
Quand l’autor Gabriel Matzeff (50 ans) veng cercar a la sortida de l’escòla la joena Vanessa Springora (14 ans) ende la miar dens una ostelaria, a consciéncia que comet un delicte o se ditz meslèu qu’a sedusida una aimadora mès joena qu’eth gràcias a son charme d’òmi d’edat madura? Vist l’ambient generau on aquesta mena de relacion es valorizada e l’estat de sideracion de la victima que prenguerà una decennias avant de denonciar son forçaire (sustot que, dens son líber, ditz que’s sentissèva amorosa), ac cresi pas.
 
La conclusion de tot aquò es que lo nivèu de sentit uman evolua. Causas qu’èran toleradas e quitament valorizadas un temps son denonciadas coma un crimi una annadas mès tard. Los cobèrts mès pesucs sautan a maugrat de la pression sociala e la benvolença tèrraganha pauc a pauc, çò qu’es una causa fòrça positiva.
 
La caça (sustot au córrer), la pesca, la tuèra de bèstias, la corrida, tot aquò lentament es remés en causa per la societat que vòu mès de justícia ende les èsters mès febles e demanda mès de proteccion. Solide, i a encara un bon camin que demòra de hèr, mes semblaré que sèm endralhats dens la bona direccion.
 


abonar los amics de Jornalet



 



publicitat
BANER1: AOF



Comentaris

14 de febrièr 10.46h

#3 N'i boti pas de jutjament, disi pas s'avèvan rason o tòrt de's pensar dens lo ben o lo mau, pensi vertadièrament que la liberacion sexuala èra "a la mòda" e las òbras que la valorizavan èran premiadas (Prèmi Goncourt ende "l'Amant").
Avèvan manifestament una mena de justificacion intellectuala, lo problème es de saber, atz rason, s'èra majoritari dens la populacion, es impossible de saber, i a pas agut nada enquista a l'epòca, pensi.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

13 de febrièr 10.14h

Non soi pas brica d'acòrdi dab aquesta tèsi deus violaires qui non serén pas estats conscients de violar.

Quitament dens los ans 70 e 80, la lei e la vision morala dominanta que condemnavan las relacions sexualas entre adultes e enfants. Los qui volèvan legitimar la pedofilia en tot pretextar la liberacion sexuala deus ans 70 e 80 non representavan pas la majoritat de l'opinion e qu'anavan clarament contra la lei. Non avèvan pas nada excusa.

La lei actuala que reconeish la majoritat sex... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

12 de febrièr 12.55h

La caça (sustot au córrer), la pesca, la tuèra de bèstias, la corrida, tot aquò lentament es remés en causa per la societat que vòu mès de justícia ende les èsters mès febles e demanda mès de proteccion. E per protegir los gilets jaunes que son fisicament plan mai febles e mens armats que la polícia del grand capital internacional, qui vendrà ? Qui velharà subre los velhaires, coma o demanda Alan Moore ?


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

12 de febrièr 12.49h

I auré doncas autes mitans concernits que son a l’espèra d’una liberacion de la paraula? Podèm pensar que òc ? E ben l'amic : i a lo mitan de l'entrepresa, amb sas promocions condicionadas a d'adobaments de natura mai o mens sexuala. E mai que tot, i a lo mitan de la prostitucion, que lo mai clar del temps es non consentit, e que correspond a d'esclavatge sexual permanent…


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions