CAPCALERA: Lo Diari

Jornalet, gaseta occitana d'informacions

Dimenge, 20 de setembre

Joan-Marc Leclercq

Dimars, 18.2.2020 03h00

Benjamin Griveaux


Comentaris 9 comentaris    
Dolent Fluix Bo Molt bo Fabulós (5 vòtes)
carregant En cargament


Vaquí un ahar plan embarrassant. Ende totis.
 
D’un costat i a los sostengs de LREM qu’uglan a “l’americanizacion de la politica” e que condemnan la violéncia de la campanha, d’un aute los qu’an aqueste partit en hasti, mes que’s pòden pas regausir publicament d’aqueste pèira de mès au casau deu president, pr’amor deu biaish pauc convencionau (e cau díser tanben sexuau) dambe la quala tot aquò se debanèc.
 
N’i a que pensan la colpa èra de difusir los filmòts, d’autes qu’èra de’us realizar.
 
N’i a que pensan que lo candidat LREM es una victima, d’autes qu’es copable de çò que hascoc.
 
N’i a que pensan que la deca màger deu Griveaux èra l’amatorisme de mandar aquestas causas per telefonet en tot saber qu’i a pas ren de privat e que tot pòt estar un jorn piratat.
 
N’i a que disen que cau fòrabandir lo Pavlinsky quan d’autes hèn remercar qu’auré podut aisidament practicar un escanacòth e escambiar la non-difusion contra moneda, e que doncas es pas crapulós mes clarament politic.
 
La paraula mès senada qu’èi ausit d’un(a) politician(a) veng de Marine Le Pen (e podètz imaginar com me’n còsta d’escríver aquò) que planh purmèr la hemna deu Benjamin Griveaux, que deu traucar, solide, lo moment pièger de sa vida.
 
Caleré en hèit demandar a los que volèvan votar end’eth se son contents de conéisher la vertat o se’s serén estimat milhor d’ac saber pas e de votar los uelhs barrats.
 
S’ensajam de’ns en·hautir un drin e d’analizar l’ahar dens son integralitat, nos pausam la question seguenta:
 
Cau conéisher la personalitat vertadièra d’un òmi politic ende votar end’eth o sufís pas que de jutjar son programa? N’i a que diseràn que cau que l’òme sia complètament sense plap ni taca morala (biaish anglosaxon de véser las causas), d’autes que la vida privada concernís absoludament pas lo public (version dita “escotèr de François Hollande”).
 
E totun, los purmèrs pensan que quauqu’un que pòt miar una dobla vida e doncas mentir a una tanhenta pòt tanben mentir au pòble.
 
Se’m permetètz, vau perpausar una solucion auta que’s mès generala que non pas consideracions moralas sus la probitat d’un òme que recèrca pòsts a responsabititat.
 
Sèm dens un sistèma dit de “democracia representativa” e boti volontàriament guilhemets pr’amor que caleré meslèu díser “sistèma representatiu”, o se que non tanben “casting de vedetariat”. La tòca es de’s causir un reiòt que va decidir ende nosautes.
 
Cau milhor emplegar l’intelligéncia collectiva e foncionar dambe còlas meslèu que non pas personas solas vengudas omnipotentas. De mès, aquò permeteré de botar en plaça mès d’autogestion e doncas d’aver une democracia mès activa que s’ameritaré milhor lo nom.
 
Dambe aquò, las benalèjas sexualas d’una persona auràn pas de pes sus la vida politica e i ganharam sus mès d’un tablèu.
 
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris

27 de febrièr 19.53h

#8 Amb aquel Macron la "republica dels pedachos" es pas sonque un nom d'escais, es la realitat.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

20 de febrièr 19.30h

Se coneissia jà lo concèpte de republica bananièra, d'ara endavant caldrà comptar amb aquel de republica LGBT. Pas a dire, vivem una epoca formidabla !


Valora aquest comentari:   votar positiu 17   votar negatiu 1
Respondre comentari replica Comentari inadequat   Formulari d'abús de comentari

19 de febrièr 09.36h

#6 Pensas que parlar d'autogestion e d'intelligéncia collectiva au lòc deu sistèma actuau de vedetariat es pas important ? Vertat ?


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

19 de febrièr 01.21h

Pel titol de l'article auriai pusleu prepausar "consi se ponhar sus una ponheta pr'amor que i'auria d'autras causas mai interessentas o pertinentas de contar"


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

18 de febrièr 17.42h

La pèsta sia d'aquesta missanta mauparada ! E dire qu'aquel ben-aimat sire Griveaux avia tot per el : fisica de joine primièr, tan messorguièr e biaissut en ipocrisia que son bòss Macron...eca... De vertat es a desesperar d'aquel pòble marrit !


Valora aquest comentari:   votar positiu 15   votar negatiu 0
Respondre comentari replica Comentari inadequat   Formulari d'abús de comentari

18 de febrièr 15.20h

"N’i a que diseràn que cau que l’òme sia complètament sense plap ni taca morala (biaish anglosaxon de véser las causas)"
Biash anglosaxon que ditz?
Com at sabem tots, lo Donald Trump n'a pas ua vita de las mei exemplaras ad aqueste subjecte.
Aquò ne l'empachè pas d'estar elegit...


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

18 de febrièr 11.01h

Quand per sedusir un electorat un politic manipula l'electorat en botant en scèna sa vida privada que nos presenta coma un polit conte de fadas. Qu'aquesta faula fabricada per una armada de comunicants es puèi generosament espandida dins la premsa people, coma es estat per exemple lo cas amb la campanha de pipolizacion montada en 2017 dins Paris-Match per promoùre l'alara quasi desconegut candidat Macron. En amagant menimosament la personalitat vertadièra del tipe, d'alhors generalament pla... Legir la seguida


Valora aquest comentari:   votar positiu 27   votar negatiu 2
Respondre comentari replica Comentari inadequat   Formulari d'abús de comentari

18 de febrièr 08.45h

Benjamin Griveaux, o Benjamin Grivois ? Qui es, aqueste ? Lo papagai mespresant, pòrta-messorgas del governament ultradreitista actual, que se trufa del pòble aganit, en susmauta, que lo venguèt sortir del sieu ministèri pendent lo periòdi mai espectaclós del movement Gilets Jaunes, amb l'ajuda d'un monta-carga ?


Valora aquest comentari:   votar positiu 20   votar negatiu 2
Respondre comentari replica Comentari inadequat   Formulari d'abús de comentari

18 de febrièr 06.55h

Sem dins un sistem de "democracia representativa" es una ilusion.
En realitat sem dins una dictatura la pus totala. Lo politic es la persona qu'a lo mens de poder. Si fai pas la politica dau grand magnat de l'economia es marginalisat, privat de l'argent de las multinacionalas qu' ira a d'un autre, quand es pas menaçat de mòrt. La pressa a pas mai de poder qu'un politic. Son daus agents de la Finance pas daus agents de la democracia.
Mas creire au pair nadau es un reba de goiat.

Qu'es aq... Legir la seguida


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions