CAPCALERA: la botiga

Jornalet, gaseta occitana d'informacions

Dimècres, 21 d'abril

Joan-Marc Leclercq

Dimars, 26.1.2021 03h00

Pichona manipulacion a l’entorn de Navalni


Comentaris 9 comentaris    
Dolent Fluix Bo Molt bo Fabulós (11 vòtes)
carregant En cargament





Vaquí per jo un exercici pas tròp aisit: acostumats a la dualitat “en contra / a favor”, n’i a que van pensar que sostengui un poder politic lavetz que lo subjècte vertadièr (çò que m’interèssa) es lo biaish drin subjectiu deus mèdias de tractar un ahar. Soi pas brica un fan de Vladimir Pótin, disi pas qu’es un bon president, (per jo los dus mots son quitament incompatibles) mes vòli parlar de tractament jornalistic.
 
S’agí aquí de l’opausaire rus Alexèi Navalni. Sabètz de plan que Russia es pas un aliat de l’Estat francés e que la federacion s’acara aus interesses deus occidentaus sus mantuns teatres d’operacions. “Sèm pas dens lo medish camp”, coma disèva un prefècte de polícia.
 
Doncas a cada reportatge sus Russia, vos convida a escotar de plan e a estudiar lo vocabulari emplegat peus jornalistas. Vaquí çò que s’ausiscoc sus France 2, television d’Estat francesa:
 
Quan Navalni tornèc a Moscó lo 17 de genièr de 2021, tornava pas a Russia mes “tornava au país de Pótin” (!?). Puish estoc arrestat, mes non pas sus demanda de la justícia dens l’encastre d’un ahar de destornament de fons de cap a la societat Yves Rocher (Navalni es un financièr), mes estoc “arrestat per la polícia de Pótin” sense aute explic.
 
Aquò non solament amaga un deus quate ahars que’u pega a las espartanhas mes deisha suspausar que la polícia obeís pas qu’a una sola persona e que doncas es una mena de polícia privada qu’agís en defòra deu dret. De mès, deisha pensar tanben qu’estoc pas arrestat sonque pr’amor qu’es un opausaire, çò que doncas sufiré en Russia per estar empresonat.
 
Sustot, la pichona manipulacion consistís en nos deishar créser que Navalni es un opausaire dangerós peu poder. Que sia un mau o un ben, Pótin gaudís d’una popularitat incresibla e a pas paur de degun. Per las eleccions de 2018, un sondatge realizat un abans l’escrutin balhava a Navalni uns 2% d’intencions de vòte quan Pótin èra assegurat d’obténguer mès de 60% au purmèr torn. Navalni poderà pas participar a las eleccions (çò qu’es benlèu una injustícia) e aperèc los Russes a manifestar un còp Pótin elegit. Aquesta manifestacion amassèc unas 1500 personas a Moscó. Semblaré que las manifestacions deu 24 de genièr ongan ajan amassat mès de monde, sabi pas s’es fòrça a l’escala deu país, mes estoc una manifestacion reprimida violentament, exactament coma una deus Gilets Jaunes.
 
Sus la question de son emposoament, diserí pas qu’es vertat o qu’es faus, mes me demandi perdequé lo poder rus se voleré desbarrassar tan pauc discrètament de quauqu’un qu’es pas vertadièrament un dangièr. E sustot, çò que mantun mèdia desbrembèc de díser, es que lo poson en question, lo Novichòc, estoc produsit tanben en Ozbekistan après 1993 (version Novichòc-7) e pas unicament en Russia. En 2017 estoc tanben prodisut en Chequia (version A-230), puèi destrusit.
 
Que sian acuses politics o pas, Navalni es banhat dens tres ahars: destornament de fons d’una societat d’expleitada boscassèra e de la societat Yves Rocher (Es proprietari d’una societat de logistica) e un panadinèrs d’una fondacion anti-corrupcion.
 
Mes sustot, çò que los mèdias desbremban de díser, es que politicament, se luta contra la corrupcion, (es plan), Navalni es un nacionalista pròche de la dreta extrèma, engatjat contra l’imigracion e los Caucasians, que cita lo Front Nacionau francés en exemple, e que ditz que “la mieitat deus crimis cometuts ac son per estrangèrs”.
 
Es tanben partidari de l’annexion de Crimèa per Russia.
 
En conclusion, diserí que Pótin es pas un exemple en mestièr de democracia e de libertat (Benlèu que Navalni tampauc) mes ennegrir lo tablèu en desbrembar uns detalhs importants permet au public occidentau de pensar qu’Euròpa de l’oèst es un paradís en comparason.
 
Mes çò de solide es que, se l’Union Europenca depensava autant d’energia peus presonèrs politics catalans qu’an pas hèit qu’organizar una eleccion que per Alexèi Navalni, aquesta respectabla institucion auré una actitud fòrça mès coerenta.
 
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris

27 de genièr 08.54h

#4 es una formula, relativament classica, pas una accusacion personala ni una compararon a la con (vòl solament dire que tròp de nuança tua la nuança). Ieu sabo pas lo rus, mas conoisso un pauc l'istòria dau pais, e quand veio lo biais que fonccciona la "justicia" russa, me soveno de las accusacions baròcas comtra los vielhs bolquevics, puèi los dissidents dau temps de l'URSS. Lo fach que la popularitat de Potin sieie en recuul es pas solament un bobard de la premsa occidentala. E manten... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

26 de genièr 22.45h

#6 Siatz caluc ò que ?


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

26 de genièr 22.06h

#6 Praube de vos !


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

26 de genièr 21.53h

Les Russes sont comme ces sales francimands, ils veulent depuis longtemps faire disparaitre notre culture occitane. Certains l'ont bien compris du côté des sécessionnistes. Ce n'est pas un hasard si certains emploient un graphisme qui ressemble à l'alphabet cyrillique. Pierre Lachaud avait bien prédit le déclin de notre civilisation initié par les Russes liés aux sionistes et les méfaits du scientisme qui vient tout droit de Mengele et des créateurs de la bombe nucléaire.

J'écris e... Legir la seguida


Valora aquest comentari:   votar positiu 4   votar negatiu 6
Respondre comentari replica Comentari inadequat   Formulari d'abús de comentari

26 de genièr 20.41h

#3 Lo fach es que parli lo rus. Dirii pas correntament per èstre pas pretenciós, mas pòdi afortir qu'ai una practica correnta e lo capissi pron. E siáu en contacte emb un molon d'amics e de conoissenças. Dii pas que li son pas de pro-Putin, mas constati una tendéncia majoritària de rejècte. De mai en mai de rus capisson que Putin e la sieu clica son de raubaires e de mensonegaires. La situacion sociala e sanitària aià es catastrofica e li gents lo veon. Per exemple, lo govèrn rus esc... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

26 de genièr 19.46h

#1 Aquesta comparason de principi dambe "Cinc minutas per los Jusieus, cinc minutas per Hitler" empacha doncas d'aver una soscadissa mesurada sus un subjècte qu'a pas res de véser dambe las deportacions de civius innocents. E qui es Hitler dens la comparason ? Navalni benlèu ?
Bon, me trufi, mes se pòt pas comparar duas causas atau, cresi ...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

26 de genièr 19.43h

#2 Sabèvi plan qu'es complicat de parlar de tendéncia deus mèdias sense que tot lo monde pensa que sètz per un camp o un aute.
Per çò de la popularitat de Pótin, es aisit, sufís pas que conéisher Russes e benlèu de parlar un drin de rus. Soi estat tostemps estonat, pendent mons numeroses viatges enlà, de véser la hidança qu'an dens aqueste tipe. Sol benlèu un sociològa ec pòt explicar.
Sus la vidèo deu palatz de Pótin (que seré pas sa proprietat benlèu), cresi que quites par... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

26 de genièr 16.15h

Au mieu torn de faire lo "je suis pas pour... mais". Doncas, siáu pas un afogat de Navalni, que per ieu es un drechistas e qu'a sostengut l'annexion de Crimèa. Mas onèstament, cau vertadierament èstre nèci per creire qu'es estat arrestat en rason d'un afaire de destornament de sòus. Siguèsse lo cas, l'aurian arrestat sensa lo laissar pilhar l'avion dins lo quau l'an empoisonat. E aurian exigit la sieu extradicion dau temps qu'èra a si far sonhar en Alemanha. Au contrari, lo poder rus a ... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

26 de genièr 11.43h

Totjorn lo meme principi, cinc minutas per los Jusieus, cinc minutas per Hitler. Es pas impossible que Navalni sieie pas d'une onestetat totala, e es pas impossible que politicament sieie encara mai a drecha que Potin. Aquò dich despuèi lo temps d'Stalin l'i a una tradicion russa dau montatge de dorsiers extravagants, una autra tradicion russa de la delinquéncia tranquila e de la demerda au quotidian pas forçamant onèsta, e dins un pais qu'a ges de tradicion democratica se pòt pas esperar... Legir la seguida


Valora aquest comentari:   votar positiu 12   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions