Opinion
La chifra de las contaminacions navèras es pas brica significatiu (II)
Lo dimarç 29 de deceme de 2020 èi publicat un tèxte dambe lo medish títou aquí dessús. En resumit, disèvi que la chifra balhada a titra-qui-pòt cada jorn peus mèdias, aquesta de las “contaminacions navèras” depen pas que deu nombre de tèsts, e que doncas en periòde de vacanças, cadun vòu estar analizat abans de se n’anar véser los pepins, çò que hèr créisher aqueste nombre.
Suu grafic ací junt veseratz que la situacion es normala, levat la chifra deu 1èr de març, qu’èra un diluns, e doncas mens de tèsts la velha, qu’èra un diumenge.
De mès, saber quantas personas son malautas navèrament sense de saber quantas son guaridas es pas vertadièrament un bon indicator.
Tot parièr, la chifra de las arribadas navèras en espitau vòu pas díser gran causa s’es pas acompanhada de la chifra de las sortidas.
Aquesta setmana avoi la pròva indiscutibla de çò que la chifra de contaminacions navèras es pas guaire significativa. Èra pas complicat, un sol clic hascoc paréisher la vertat.
L’Estat francés compta uns 70 000 000 estatjants. La chifra en question èra a l’entorn de 25 000 cada jorn, au moment quan èi hèit la recèrca, es a díser i a uns dias. Au medish moment, en Alemanha, que compta uns 83 000 000 estatjants, la chifra correspodenta èra a l’entorn de 9000.
Aquò vòu díser que la situacion sanitària en Alemanha es fòrça milhora? Non pas. Veng deu hèit tot simplament qu’acerà los tèsts son pagants e non pas gratis com aicí. Mens de tèsts, mens de cases navèths. Es pas complicat. (Entretemps la cadena Aldi a començat de perpausar tèsts de hèr se medish a 5€ e lo govèrn a prometut tèsts a gratis per la setmana qu’arriba).
Emmanuel Macron parlava, i a temps, d’una chifra de 5000 cases navèths per jorn per estar satisfèit de la situacion. E ben sufís pas que de hèr pagar los tèsts 50 euros (los PCR èran estimats a 54 euros en julhet de 2020) e la “bona resulta” seré obtenguda de tira. Unas marridas lengas diserén qu’en Arièja seré de 0 …
Se poderé pensar que los jornalistas son totis ligats per un complòt qu’auré per mira d’enganar lo bon pòble. Benlèu, mes pensi meslèu que fòrça d’entre eths son pas tròp entenuts per çò qu’es de las matematicas.
Darrèrament, un comentator radiofonic de France Info que parlava de las nòtas balhadas peus ciutadans de la Comission Climat au govèrn anonciava uns “3” o “4”, sens de díser quau èra lo denominator o la nòta maximala possibla. Sus 5 seré una bona nòta, sus 20 una plan pigra. A l’auditor d’endevinar.
Mes per concludir, expliquèc que totun una nòta èra pas tròp marrida sus un cèrt subjècte, qu’èra de … 6%. Un percentatge, ara, va milhor.
Las chifras mentissen pas, mes l’error, era, es umana.
Suu grafic ací junt veseratz que la situacion es normala, levat la chifra deu 1èr de març, qu’èra un diluns, e doncas mens de tèsts la velha, qu’èra un diumenge.
De mès, saber quantas personas son malautas navèrament sense de saber quantas son guaridas es pas vertadièrament un bon indicator.
Tot parièr, la chifra de las arribadas navèras en espitau vòu pas díser gran causa s’es pas acompanhada de la chifra de las sortidas.
Aquesta setmana avoi la pròva indiscutibla de çò que la chifra de contaminacions navèras es pas guaire significativa. Èra pas complicat, un sol clic hascoc paréisher la vertat.
L’Estat francés compta uns 70 000 000 estatjants. La chifra en question èra a l’entorn de 25 000 cada jorn, au moment quan èi hèit la recèrca, es a díser i a uns dias. Au medish moment, en Alemanha, que compta uns 83 000 000 estatjants, la chifra correspodenta èra a l’entorn de 9000.
Aquò vòu díser que la situacion sanitària en Alemanha es fòrça milhora? Non pas. Veng deu hèit tot simplament qu’acerà los tèsts son pagants e non pas gratis com aicí. Mens de tèsts, mens de cases navèths. Es pas complicat. (Entretemps la cadena Aldi a començat de perpausar tèsts de hèr se medish a 5€ e lo govèrn a prometut tèsts a gratis per la setmana qu’arriba).
Emmanuel Macron parlava, i a temps, d’una chifra de 5000 cases navèths per jorn per estar satisfèit de la situacion. E ben sufís pas que de hèr pagar los tèsts 50 euros (los PCR èran estimats a 54 euros en julhet de 2020) e la “bona resulta” seré obtenguda de tira. Unas marridas lengas diserén qu’en Arièja seré de 0 …
Se poderé pensar que los jornalistas son totis ligats per un complòt qu’auré per mira d’enganar lo bon pòble. Benlèu, mes pensi meslèu que fòrça d’entre eths son pas tròp entenuts per çò qu’es de las matematicas.
Darrèrament, un comentator radiofonic de France Info que parlava de las nòtas balhadas peus ciutadans de la Comission Climat au govèrn anonciava uns “3” o “4”, sens de díser quau èra lo denominator o la nòta maximala possibla. Sus 5 seré una bona nòta, sus 20 una plan pigra. A l’auditor d’endevinar.
Mes per concludir, expliquèc que totun una nòta èra pas tròp marrida sus un cèrt subjècte, qu’èra de … 6%. Un percentatge, ara, va milhor.
Las chifras mentissen pas, mes l’error, era, es umana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Que soi d'acòrd dab vos quan disetz que ne ns'explican pas pro las causas, mes lo qui's pausa questions qu'a Ecosia (o Google, mes jo que hèi servir Ecosia) tà trobar responsas. O Facebook e Youtube, mes en aqueth cas que risca hèra de's devirar conspiracionisme, que vs'agrade o non.
Tietz, per exemple:
https://www.lemonde.fr/planete/article/2021/03/06/la-pandemie-de-covid-19-a-efface-des-annees-de-gain-d-esperance-de-vie_6072184_3244.html
https://www.francetvinfo.fr/sante/maladie/coronavirus/covid-19-la-surmortalite-en-france-est-repartie-a-la-hausse-depuis-septembre_4171325.html
#3 "Se'ns voletz explicar qu'ua chifra n'ei pas significativa en si, o que n'ei pas significativa se la comparan dab d'autas obtiengudas en d'autas condicions, qu'en·honsatz ua pòrta ubèrta."
E pasmens, es atau que lo governament e sons sostens mediatics fonciònan dempuish un an. Héser vàler cifras shens explicacion, nada relativizacion, nada analisi, prénder e justificar mesuras repressivas en s'emparant sus aqueras cifras equivòcas...
E quand quauqu'un se pausa questions, lo verdicte es simple : complotisme !
#3 Es per aquò que "bona resulta" èra entre guilhemets. Seré pas una bona resulta mes una bona chifra, es aquò la diferéncia.
Sèm plan d'acòrdi sus la fin, levat que justament es la chifra que balhan los mèdias tot lo temps. Es doncas pas tant evident per cadun, sustot pas los jornalistas.
#2 Qu'avetz escriut totun: "E ben sufís pas que de hèr pagar los tèsts 50 euros (los PCR èran estimats a 54 euros en julhet de 2020) e la “bona resulta” seré obtenguda de tira." N'ac èi pas inventat, jo, aquò. D'auta part, se n'ei pas possible de comparar las chifras alemandas e las chifras francesas, que sufeish de préner lo nombre de resultats positius per milèr de tèsts practicats a data D, e de comparar a la medisha chifra un mes a, dus mes a, abans Nadau... tà véder quin evoluciona l'epidemia. Se'ns voletz explicar qu'ua chifra n'ei pas significativa en si, o que n'ei pas significativa se la comparan dab d'autas obtiengudas en d'autas condicions, qu'en·honsatz ua pòrta ubèrta.
#1 Èi pas dit aquò. O lavetz es de sarcasme, mes a l'escrit es pas evident.
Èi dit simplament que sufiré de hèr pagar los tèsts per hèr baishar la chifra de "navèras contaminacions en 24h", coma l'exemple alemand ac mostra clarament.
Tornatz legir, es clar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari