CAPÇALERA: CAOC 2021-2022

Jornalet, gaseta occitana d'informacions

Dimècres, 22 de setembre

Joan-Marc Leclercq

Dimars, 13.7.2021 03h00

Lenga viva: demandatz lo programa


Comentaris Pas cap de comentari    
Dolent Fluix Bo Molt bo Fabulós (5 vòtes)
carregant En cargament





Dambe l’estiu, l’universitat occitana de La Guépia torna!
 
Deu 10 au 20 de julhet, aqueste encontre, que’s vòu un “luòc e un temps d’ensenhament, d’animacion e d’estudi” perpausarà un polidet flòc d’estagis, de corses e d’eveniments artistics a l’entorn de la cultura occitana.
 
En tot paginejar lo programa (que podètz consultar ací), en defòra deus cicles de corses de lenga sus tres nivèus, èi trobat uns tròces que’m semblan pro interessants per rasons de totas, sustot l’originalitat:
 

— Un estagi dit “Attrapes” miat per Aurélie Neuville (Bombes 2 Bal) e Guilhèm Arbiòl, destinat aus dròlles entre 6 e 12 ans, dambe l’interés d’aver “joens capables de’s produsir de pertot, tant per carrèras que sus un empont”. (Trabalh suu ritme, cant, imaginacion, memòria, e lo jòc de tamborin)
 
— Un estagi de Ragga-Rap per aprénguer a “toastar sus totas fòrmas de riddims” dambe Papet-J, un deus fondadors de Massilia Sound System, un acostumat deus lòcs.
 
— “Aprénguer lo vriulon en 3 jorns” peu Xavier Vidal, benlèu una de las mès bèras referéncias en matèria de musica tradicionala, una polida jòga de temptar.
 
— Un talhèr de bodèga per l’associacion Brancaleone dambe l’Antoine Charpentier, lo François Bacabe e, en parallèle, una formacion sus las espiulas doblas per bohas, bodègas, sansonhas e cabretas, miada peu celèbre Claude Roméro.
 
— Un concors d’istòrias plasentas de mancar pas.
 
— Un encontre dambe poetessas e poètas.
 
Solide qu’i a encara d’autas causas interessantas, e s’ajustam una programacion musicala de tria, vos aconselhi fòrtament d’anar véser çò que’s debana deus costat de La Guépia, que’vs pòt assolherar l’estiu d’un biaish agradiu.
 
 
 
abonar los amics de Jornalet
 
 

 
 



publicitat
BANNER1 - IEO 09 divendres espaci occitan



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions