CAPCALERA: la botiga

Jornalet, gaseta occitana d'informacions

Dimenge, 25 de julh

Joan-Marc Leclercq

Dimars, 20.7.2021 03h00

Confusion a l’entorn de la vaccinacion (II)


Comentaris 2 comentaris    
Dolent Fluix Bo Molt bo Fabulós (5 vòtes)
carregant En cargament





Las darrèras declaracions d’Emmanuel Macron an susprés mès d’un per lor costat autoritari. Après consulta deu conselh scientific, que son monde pas elegits, a presas decisions que deberàn estar aprovadas en seguida peu parlament.
 
Un còp de mès lo ròtle segondari e gaireben accessòri de la Cramba deus Deputats es botat en evidéncia, en tot saber qu’es lo poder executiu, e eth solet, que decidís de son calendari. Es venguda una mena de cramba d’enregistrament.
 
La mesa en plaça deu “passaclau sanitari” serà un vertadièr copacap peus proprietaris d’estanquets e de restaurants, que riscan dinc a un an de preson en cas de non-obervacion deus conta-ròtles. Son estats atau nomejats policièrs a la plaça de la polícia. Pastissen dejà d’una manca de personau, les desiri un bon coratge.
 
La premsa internacionala contunha de’s demandar a quin jòc jòga lo president francés, que pona tot sus la vaccinacion de la populacion sancèra, lavetz que sabèva plan dempuèi la debuta de la campanha qu’una fòrta proporcion n’es pas automaticament convençuda.
 
Benlèu vam de cap a un cèrt rambalh , benlèu èi volgut, benlèu es una tactica electorala.
 
Sabèm ara que per anar béver un cafeton calerà sia un tèst negatiu, sia estar vaccinat, e que monde vaccinats mès tocats peu virus le poderàn transméter a personas non-vaccinadas, mes negativas.
 
Per astre, lo variant Delta s’espandís mès viste que non pas los autes, mes es mens dangerós, e las personas “riscadas” son dejà estadas largament vaccinadas.
 
Èi darrèrament charrat dambe un pompièr que’m digoc transportar sovent monde a l’espitau après la vaccinacion. Me citava l’exemple d’una gojata pro joena, doncas pas vertadièrament riscada, que patís dempuèi tres meses d’una emiplegia en seguida de la picadura.
 
Se parlava a la debuta deus mòrts per trombòsi, mes ara se’n parla pas mès.
 
Daubuns disen que l’estatistica d’ehèits secondaris grèus devuts a la vaccinacion es fòrça minora, mes una estatistica generala pòt pas estar comparada a una estatistica personala, e lo quocient benefici/risc per un joen qu’anirà pas de tot biaish encombrar los servicis de reanimacion jòga pas au benefici de la vaccinacion.
 
Per contra, per una persona qu’a problèmas de santat o quitament un simple suberpés, la vaccinacion sembla una bona solucion.
 
Es per aquò que, au lòc de la causida deu “cas-per-cas”, l’opcion “vaccinacion per totis” sembla una jòga riscada uns meses abans una eleccion.
 
 
 
 
abonar los amics de Jornalet
 
 


 



publicitat
BANNER1 - AMICS DE JORNALET 07/21



Comentaris

20 de julh 21.29h

#1 Espèri qu'atz rason. Per çò de l'emiplegia sabi pas.
Mes es vertat, me mauhisi de tot, e cresi qu'es meslèu una causa de las bonas fin finala.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

20 de julh 19.12h

Quev's menshidatz de tot, car Joan-Marc Leclercq, e que diserí mei qu'aquò, qu'avetz tendéncia a véder lo mau pertot, malurosament. Per çò qui ei de las trombòsis au mensh, que'vs poish respóner: que las provocava lo vaccin Astra Zeneca, e qu'èran lo fèit de personas atjadas (ne sèi pas s'èran de mei shishanta ans, shishanta cinc o mei)... Que s'i decidí donc de non pas mei balhar lo vaccin Astra Zeneca a las personas atjadas. Qu'ei shens dobte per'mor d'aquò qui n'entenem pas mei... Legir la seguida


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions