CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimenge, 25 de setembre

Joan-Marc Leclercq

Dimars, 9.11.2021 03h00

Pfizergate?


Comentaris 9 comentaris    
Dolent Fluix Bo Molt bo Fabulós (6 vòtes)
carregant En cargament


Pfizergate?
 
Çò qu’escrivi ara es en dehòra deu debat per o contra los vaccins. Personalament soi convençut de çò que los vaccins son una invencion utila contra las malautias e qu’an dejà sauvadas mantunas vidas. Mes cau pas estar innocent totun en desbrembar que las leis deu business son las leis deu business.
 
Una firma qu’es capitalizada a nautor de 181 miliards es pas una associacion “Lei 1901” a mira non-lucrativa.
 
Creada en 1849, Pfizer es la societat qu’a comercializat lo Viagra, qu’estoc a l’encòp una escaduda medicala e comerciala.
 
En 2007 un acòrd es signat entre Pfizer e l’estat de Kano au Nigeria per estancar lo procès contra la firma farmaceutica qu’estoc l’encausa de la mòrt de 11 dròlles e de la nafradura d’un centenat per l’utilizacion d’una potinga non pas autorizada, lo Trovan. Lo Washington Post desvela que Pfizer a ensajat de hèr premuda suu govèrn nigerian. Aquò inspirèc lo roman de John Le Carré “La constància deu jardinèr” e lo film d’on n’estoc tirat.
 
La firma, de mès, es condemnada un bon nombre de còps per aver aumentat lo prètz d’un medicament de 2600%, per aver hèit la promocion d’un produit interdit per la Food and Drugs Administration, per aver exerçat corrupcion de mètges e representants de govèrns dens 8 paises. Ligams dambe l’ahar Cahuzac estón tanben establits.
 
Lo 9 de noveme de 2020, Pfizer anóncia que son pròpri vaccin contra lo Covid-19 que prepara es eficaç a 90%. Las accions en borsa de la societat pujan de tira, lo PDG vend 5,6 milions de dolars d’accions lo medish jorn.
 
Dus dias mès tard, anóncia que l’eficacitat es de 95%. Mes lo cau conservar a -80°.
 
En junh 2021, un estudi israelian ditz que l’eficacitat contra lo virus es pas que de 39%. Contra las fòrmas grèvas, l’eficacitat es de 85%.
 
Lo 2 de noveme de 2021, lo British Medical Journal desvela un potencial escandal comparable a lo de Volkswagen. Brook Jackson, directritz regionala de Ventavia, la filiala encargada deus ensais deu vaccin, declarèc que la societat avèva falsificadas las donadas, entre autes disfoncionaments.
 
De lor costat, parlamentaris europencs se planhen de çò que los contractes entre l’UE e Pfizer les demòran secrets, exemplaris son publicats dambe parts randadas per que’s poscan pas legir. E mantuns denóncian las clausas qu’asseguran a la firma l’immunitat juridica en cas d’efèits nocius. Argentina, de son costat, refusèc un tau escanacòth.
 
Sèm pas aquí davant un escandal sanitari possible, mes davant un escandal financièr possible.
 
Caleré doncas pas que lo debat suu passepòrt sanitari o suu vaccin amague los agisses de multinacionalas qu’amassan, au parat de la pandemia, montanhas de dolars d’un biaish pas tròp clar e benlèu tanben dambe l’ajuda de responsables nacionaus.
 
 
 

 
 
abonar los amics de Jornalet

 



 



publicitat
BANNER1 - OPLO erasmus



Comentaris

9 de novembre 14.48h

.... perdon, cada setmana!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

9 de novembre 14.47h

Ua video recenta deu Dendrobate DOctor qui torna sus l'article de 02/112021 au debut : https://www.youtube.com/watch?v=j7npj54K3rI

Aquesta seria que hè un punt sus la recèrca scientifica suu covid 19 cada mes.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

9 de novembre 11.22h

Anuèch lo chinchon reconjat e estujat dins son cambron va parlar…. Un biais de far trantolhar los mediàs e d’esmòure sos servicials de la premsa, nos va espondre que tot va plan, pr’aquò aniriá plan milhor amb’una tresena punctura de vaccin. (Doblidessetz pas de crompar d’accions Pfizer) Ja qu’avèm lo Nap 20Fr. aur que mama los 305€.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

9 de novembre 11.11h

Si voletz boicotar Pfizer que i a tanben los vaccins Astra Zeneca, Moderna, Jansen, etc.
Jo qu'essagi de pas crompar los medicaments generics de la marca Biogaran per'mor que pertanhen aus laboratòris Servier qui an emposoat monde dab lo mediatòr.

https://fr.wikipedia.org/wiki/Biogaran

De mei que i a autas marcas de generics...


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

9 de novembre 10.57h

#3 Qu'ei çò qui entenem dens los mitans naturopatics e qui legem dens Biocontact... Mes que i a hèra d'ideas non-provadas e d'ideas faussas aquiu dehens malurosament.

Si voletz anar mei luenh, que'vs pòdi conselhar d'escotar Sohan Tricoire, ex naturopata e videasta sceptic.

videos cortas e sinteticas :
https://www.youtube.com/watch?v=IRUyOpG0mLE
https://www.youtube.com/watch?v=ou0MlvzTC8U

ua video mei longa :

https://www.youtube.com/watch?v=iJ3gULlJtVM


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

9 de novembre 08.54h

Cal totnar a Papiòl çò qu’es de Papiòl :

Lo vaccin Pfizer es estat l’obra de dos cercaires alamands d’origina Turca : Uğur Şahin (55 ans), nascut en Turquia, e Özlem Türeci (53 ans), nascuda en alemanha son paire èra metge a istanbul), Totis dos fan partida de çò que loas alamands apelon l'imigracion causida.

SE maridan en 2002.

Son elis qu’an fondat lo laboratòri BioNTech en 2008.

Tanlèu 2018 recamperon alprep d’investissors 270 Milhons de $ (plan perda que i aguess... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

9 de novembre 08.45h

Quò es las mesuras d'igiena qu'an eradicar las malaudias infecciosas, pas lo vaccin qu'es vengut apres. La vaccinacion se developpet emben los trabaus de Pastor contre l'avis d'un autre medecin "Claude Bernard" que disia que lo micròbe era ren mas que lo terren era tot.
Dins las annadas 1950, un cople anet veire un doctor perque sa goiata de 4 ans avia deja de l'asthme. Lo medecin levet los braç au ciau e disset : "mas, enfin l'òm fai pas vaccinar una goiata a 2ans".
Uei, 11 vaccins son ... Legir la seguida


Valora aquest comentari:   votar positiu 1   votar negatiu 9
Respondre comentari replica Comentari inadequat   Formulari d'abús de comentari

9 de novembre 08.22h

"De lor costat, parlamentaris europencs se planhen de çò que los contractes entre l’UE e Pfizer les demòran secrets, exemplaris son publicats dambe parts randadas per que’s poscan pas legir. E mantuns denóncian las clausas qu’asseguran a la firma l’immunitat juridica en cas d’efèits nocius." De qué se planhan aqueles mariòls ? Nos impausan, per ortodoxia ordoliberala, lo "tot privat", puèi venon repotegar per amor que çò privatiu es privatiu ! Se non son pas contents, a de b... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

9 de novembre 07.39h

L’afar fusquèc pausada sus taula pel British Medical Jornal :

https://www.bmj.com/content/375/bmj.n2635?utm_source=twitter&utm_medium=social&utm_term=hootsuite&utm_content=sme&utm_campaign=usage

Pfizer e las afars de totas menas fins a Cahuzac

https://fr.wikipedia.org/wiki/Pfizer

Nice matin n’en parla :

https://www.nice... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions