CAPCALERA: ajuntament de tolosa
CAPÇALERA2: mot amagat

Jornalet, gaseta occitana d'informacions

Divendres, 27 de mai

Joan-Marc Leclercq

Dimars, 8.3.2022 03h00

Los “especialistas” deus hialats sociaus


Comentaris 7 comentaris    
Dolent Fluix Bo Molt bo Fabulós (11 vòtes)
carregant En cargament





Dempuèi l’ataca russa sus Ucraïna, vertat que lo problèma de la pandemia a deishat lo purmèr plan deu monde mediatic. Quauqu’un se trufava e tot díser que calèva balhar a Potin lo Prèmi Nobel de Medecina per aver hèit desaparéisher lo covid de la surfàcia de la planeta.
 
D’autes, tostemps sus un ton risolièr, hasèvan remercar que los milions d’especialistas en virologia son còp sec venguts especialistas en diplomacia e estrategia militara. A balhat aquò lo parat de publicar “mèmes” (sabi com díser en occitan mes me comprenètz) fòrça capitats, com lo que’s sembla un document d’anóncia de cambiament de profession, o las fòtos de John Travolta susprés de véser pas dens una pèça que professionaus deus conflictes lavetz que pensava i auré pas que professionaus medicaus.
 
Es pas faus. Cadun que balhava son vejaire suu covid ara exprimís son sentit sus la guèrra miada peu poder rus en Ucraïna. E dens aquestes comentaris, i a bonas causas mes solide tanben marridas.
 
E fin finala, un còp passat lo costat risolièr, me disi qu’es pas tan qu’aquò una causa marrida. E quitament meslèu una de las bonas.
 
Me disi que se lo monde se parlan e debaten dirèctament, es benlèu la basa de la democracia. Solide que sus hialats sociaus se pòt trobar, a còps, faussas informacions, o monde que son secutats, mes cau considerar los hialats com un simple utís. Es com un gredon, es un simple utís, e dambe aquò se pòt escríver bonas o marridas causas, mots d’amor e de patz, o lavetz lo quite Mein Kampf.
 
La causa mès importanta sense de dobte es l’educacion aus hialats sociaus. Après, lo debat “orizontau” es bon, es benlèu l’escasença d’un biaish navèth de foncionar, mes democratic, sense de passar per entitats superioras que dictan çò que cau pensar. Cresi que lo poder i es atentiu e ensaja sovent de descreditar los hialats. Cau saber, per exemple, que Facebook estoc l’utís qu’ajudèc fòrça los Gilets Jaunes de s’organizar.
 
La telaranha de tot biaish a daubèrt un camin de connexions orizontalas (insistís sus aqueste mot) que pòt cambiar la cara de las relacions, d’un bon biaish o d’un marrit, mes evidentament navèth e sense possibilitat de retorn a l’endarrèr.
 
 
 
abonar los amics de Jornalet
 
 


 



publicitat
BANNER1 - comuna tolosa



Comentaris

9 de març 10.36h

#5 que pensi los "especialistas'' qu'an perdut hèra de credibilitat en los mèdias e que'us està plan!
Qu'an tròp profieitat deu confòrt deu lor estatut entà mentir e escóner dab la complicitat deus jornalistas*. Internet qu'ac a tot arrevirat!
Que pertòca autanplan la politica com l'espòrt, la santat, la musica e que'n passi.
Alavetz vertat qu'a ubèrt la pòrta aus discors pseudo-scientifics, e a còps dangerós, mes francament, los grans mèdias qu'an çò qu'ameritan. Que va caler t... Legir la seguida


Valora aquest comentari:   votar positiu 15   votar negatiu 1
Respondre comentari replica Comentari inadequat   Formulari d'abús de comentari

9 de març 09.27h

#4 Ben... Un drin, òc... Mes pas tot a fèit totun :-)
https://www.youtube.com/watch?v=aOtRfU8vqrM


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de març 09.08h

Que'm sembla que çò qui denóncian aquestas caricaturas n'ei pas que lo monde se parlen d'un biais orizontau mes meilèu que se prengan per expèrts quand ne'n son pas.

Tà çò qui ei de la geopolitica e deus conflictes, ne'n vau pas parlar per'mor que'n coneishi tròp chic.
Mes tà çò qui ei deu covid, lo problèma deus hialats sociaus qu'ei que balhan ua visibilitat equivalenta o superiora a discors pseudo-scientifics (naturopatia, medecinas olisticas, tèsis complotistas) qu'a informa... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

9 de març 08.50h

#3 Tiò, parièr com en realitat en fèit...


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

9 de març 08.42h

#2 Tot a fèit d'acòrd dab tu. Que n'i a (sèi pas mei qui, desolat ^^) qui parlan de "bulas de filtres" per qualificar los espacis d'escambis on los hialats sociaus nos incitan subtilament a nos embarrar :

que s'abonam a productor.a.s d'informacions qui'ns agradan e qui confirman çò qui pensam dejà, que demandam en amics monde qui pensan drin com nosauts e au cap d'un moment n'èm pas mei expausats qu'a contienguts qui confirman las nostas credenças.

... qu'aquestas credenças sian ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

8 de març 22.52h

Me damande totparier si las relacions sus los malhums sociaus, e mai àian daus bons costats democratics, son pas faussadas (?). Las gents l'i s'exprimen pas coma zo fariàn en fàcia a fàcia, la violéncia verbala l'i es plan mai marcada, me sembla. En mai, me sembla que si l'i a quauqua libertat, qu'es per part una faussa libertat per 'mor que los algoritmes (de FB per exemple) te seleccionan las publicacions daus "amics" segon tas preferéncias predeterminadas, aitau, surtes pas d'un cercl... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

8 de març 10.59h

Avem dreit a la democracia, a la libertat de la pressa, a dire çò que l'òm pensa sens se far traitar de compltistes coma un vulgairi eretic o sorcier d'autre còp.
Dictatura, escricha ton nom que si era pas conscient de ton renha podria pas chantar libertat.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions