CAPCALERA: ajuntament de tolosa
CAPÇALERA2: mot amagat

Jornalet, gaseta occitana d'informacions

Divendres, 27 de mai

Joan-Marc Leclercq

Dimars, 15.3.2022 03h00

Ucraïna: la cofa de la jornalista


Comentaris 22 comentaris    
Dolent Fluix Bo Molt bo Fabulós (11 vòtes)
carregant En cargament





Dempuèi que la guèrra esclatèc en Ucraïna, France 2 a mandat suu lòc una còla de jornalistas acostumats a païses en conflicte. Au demiei d’eths, una cèrta Dorothée Oliéric. Se pòt véser au finestron dambe un casco e un gilet virabalas mercat PRESS dens endrets pròches de las zònas de combat. Aquesta hemna manca pas de coratge. Es coneishuda per aver obtengut, en espanhòu, una de las darrèra entrevistas de Pinochet abans que’s moriscosse.
 
Mes dimenge 13 de març, per un reportatge sus las hemnas que combaten, es anada n’entrevistar unas dens un locau a Kiev, un burèu de logistica. Caduna contava çò que hè e lo ròtle que jòga dens aquesta guèrra. Dinc ad aquò, ren de fòrça extraordinari, levat qu’a un moment la camèra muisha la paret.
 
E aquiu se vei dus drapèu: un a bendas orizontalas blaua e jauna, lo drapèth nacionau ucrainian, mes a costat, un aute a bendas orizontalas roge e negre. Se podèva pas mancar, es pas possible que la jornalista l’aja pas remercat.
 
Lo problèma d’aqueste drapèu es qu’es lo de l’Armada Insureccionala Ucrainiana (Українська повстанська армія), mès coneguda coma l’organizacion de Stefan Bandera, un nacionalista debatut que collaborèc un temps dambe los Alemands e qu’es acusat per istorians de crimis de guèrra contra civius jusèus e poloneses.
 
La jornalista se trobava doncas dens un locau tenguts per extremistas de dreta, o neonazis se volètz. Una gojata entrevistada muishava fièrament l’escut d’Ucraïna … tatoat suu braç.
 
E çò de mès susprenent, es que Dorothée Oliéric ac semblava pas brica saber. Son comentari èra anodin e s’interessava pas brica a la dimension politica deu lòc on se trobava e deu monde que costejava.
 
Per astre, se las gojatas presentas suu reportatge estón presentadas coma gojatas ucraïnianas normalas, pas ren de çò que digón èra francament politic.
 
Aquò bremba l’article pareishut dens ELLE en 2014 on, una hemna entrevistada coma estant una volontària de tropas suplentas au Donbàs, Vita Zaveroha, s’averèc estar una militanta neonazia, fotografia endacòm mès lo braç levat davant un drapèu a crotz gammada.
 
Podèm citar tanben lo tweet oficiau de l’OTAN que volèva hèr aunor a las hemnas peu 8 de març, e on se trobava la fòto d’una combatenta “remarcabla” ucrainiana, mes que portava lo “solelh negre”, simbèu nazi de pendent la guèrra. L’imatge demorèc pas longtemps, un còp la dèca signalada.
 
Quina conclusion ne tirar de tot aquò?
 
Dens lo cas de Dorothée Oliéric, podèm pensar que coneishèva pas lo simbèu. Pòt pas tot conéisher e estar un a especialista de l’istòria d’un país on acaba d’arribar. Botèm.
 
Mes totun, i avoc pas degun de la redaccion qu’ac remerquèc o que’s pausèc la question. Benlèu l’especialista d’Ucraïna èra pas present pr’amor qu’èra un dimenge? Com saber?
 
Sovent balhi a las redaccions deus jornaus televisats marridas intencions, las d’ensajar de manipular la populacion. Benlèu qu’an pas qu’una simpla manca de cultura generala o de curiositat …
 
 
 
 
abonar los amics de Jornalet
 
 


 



publicitat
BANNER1 - comuna tolosa



Comentaris

6 d'abril 14.12h

#21 Vos pòdi pas deishar díser causas que son desaunèstas.

Semblatz botar pas vòsta reflexion que sus un axe "contra" Potín" o "per Potín" sense auta dimension, e per aquò vos enganatz.

Solide que's parla de fòrçaments de hemnas, entre autas exaccions, dempuèi aquesta setmana, i tornatz dessús per la fin per m'acusar d'estar insensible au viòl d'una hemna, lavetz que l'article data deu 15 de març e doncas estoc escrit mès de d'ora.

Per vos díser, pr'amor que forçadament ac s... Legir la seguida


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

6 d'abril 12.20h

#19 PS: L'invasion e la guèrra comencèt fa mai d'un mes. En data del 15 de març de tropèls de personas èran a malviure e subreviure dins los mètros de Kyiv o de Kharkiv... èran pas estadas violadas o raubadas encara segur, es un gra enjós dins l'inumanitat que pensi pas se pòsca apreciar pasmens!


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

6 d'abril 12.14h

#19 Deu èsser aquò, soi tròp nèci per comprendre l'ensag de tornar sus las tematicas preferidas del Kremlin, valent a dire la preséncia de neonazis en Ucraïna.... A l'espèra de legir d'articles del meteis tipe suls mercenaris de Wagner o que que siá o criticar lo "documentari" sul Donbàs per exemple. Mas non, sabi plan que i a pas qu'un costat qu'interèssa...
E tornam sus la bandièra... Deu èsser aqueste lo problèma actualament, segur i compreni pas res, pensi que deu èsser aquela... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 d'abril 22.20h

#18 Cresi qu'atz pas comprés lo subjècte de l'article. Es pas un debat "per o contra aqueste o aqueste", es la question de se damandar com una jornalista pòt passar a costat d'un "detalh" tan important (quan se coneish l'istòria).
De mès, l'article es pareishut lo 15 de març e'm reprochatz de parlar pas d'eveniments que son estats conseishuts a la debuta d'abriu. Cau estar a còp aunèste.
E justament, hètz alusion a soldats "qu'an raubat, violat e tuat las gents", es precisament çò q... Legir la seguida


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

5 d'abril 19.51h

Adieu a totes,
Es curiosa aquesta tissa sistematica de trobar de "problèmas" en çò de las victimas... Cal anar mai luènh encara, segur que se pòt far... fidèlament a la tradicion potinejanta de fa mai de 8 ans... e dire per exemple que benlèu que los mòrts son d'actors, los meteisses que recebia'n la moneda durant lo Maidan, o que probable se son pas d'actors se son suïcidats (finançats per l'OTAN e Soros e d'autres) per far acusar los russes...
Francament me fa racar tot aquò... un... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 de març 20.56h

#11
Aquel document es pietados: pudis a la propaganda tanplan coma la que denonciatz.
Es clar que l'invasion russa es illegitima e degun aqui l'a pas defenduda, me sembla...

Per contra,
1° minimizar la responsabilitat o lo cegament volontari dels poders ukraïnian sus las accions de la fraccion neonazi me sembla pas san e normal (aquò rai, an de neo-nazis qu'an cometut de crimis de guèrra, e alara?). Piètger es una error politica e donèt a Putin lo pretèxte ideau per envasir lo paï... Legir la seguida


Valora aquest comentari:   votar positiu 3   votar negatiu 2
Respondre comentari replica Comentari inadequat   Formulari d'abús de comentari

16 de març 17.18h

#15 Escrivi una rubrica dempuèi ara dètz ans e los mèdias son un tèma que torna sovent. Analisi çò que's debana suu finestron. Dens aqueste article, prengui quitament pas nada pausicion suu conflicte, mes pensi qu'atacar dambe tancs es la solucion pièger e doncas condemni.


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

16 de març 08.55h

#13 Daissatz los jornalistas tranquilas, si vos plai, e defendatz l'UCRAINA envasida pels russes !
Mercés


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

16 de març 08.35h

#12 Solide ! Soi anat a Golai-Pòlie, son remembre i es totjorn present.


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

16 de març 08.34h

#10 Es pas brica la question. I a grops armats neonazis en Ucraïna mes totis los Ucrainians ne son pas fascistas, quitament la majoritat n'es pas, es causa sabuda. Le tèma de l'article es la responsabilitat (o pas) de la jornalista davant un element que sembla conéisher pas. Imaginatz un reportatge dens un locau on i a una crotz gammada e lo jornalista que'n parla pas. Seré estranh, non pas ?


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions